完整藏文原文 · 德格版页 当前仅加载第 100 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་སྐྱེ་བ་རྟོགས་པར་བྱ་བ་ལ་མཁས་པ་ཡིན། ཉོན་མོངས་པ་རྒྱུ་བ་རྟོགས་པར་བྱ་བ་ལ་མཁས་པ་ཡིན། བག་ཆགས་ཀྱི་མཚམས་སྦྱོར་བ་རྟོགས་པར་བྱ་བ་ལ་མཁས་པ་ཡིན། སྤྱོད་ཡུལ་ལ་སྦྱོར་བ་རྟོགས་པར་བྱ་བ་ལ་མཁས་པ་ཡིན། ཆོས་ཉིད་
D847.100.0015a01.01རྟོགས་པར་བྱ་བ་ལ་མཁས་པ་ཡིན། ཉེ་བར་སྤྱད་པ་རྟོགས་པར་བྱ་བ་ལ་མཁས་པ་ཡིན། འཇིག་རྟེན་གྱི་ཁམས་རྣམ་པར་དབྱེ་བ་རྟོགས་པར་བྱ་བ་ལ་མཁས་པ་ཡིན། སྔོན་གྱི་མཐའ་དང་ཕྱི་མའི་མཐའ་དང་། ད་ལྟར་བྱུང་བ་ཤེས་པ་རྟོགས་པར་བྱ་བ་ལ་མཁས་པ་ཡིན།
D847.100.0015a02.01ཀུན་རྫོབ་ཀྱི་བདེན་པ་ལ་ངེས་པར་རྟོགས་པ་རྟོགས་པར་བྱ་བ་ལ་མཁས་པ་ཡིན་ཏེ། ཀྱེ་རྒྱལ་བའི་སྲས་དག་འདི་ནི་རྒྱལ་ཚབ་ཀྱི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་རྒྱལ་ཚབ་ཀྱི་བྱང་ཆུབ་སེམས་དཔའ་དེ་ལ་གནས་བཅུ་ཡང་དག་པར་བརྗོད་པར་བྱ་སྟེ། བཅུ་གང་
D847.100.0015a03.01ཞེ་ན། འདི་ལྟ་སྟེ། རྒྱལ་པོའི་ཕོ་བྲང་འཁོར་ལ་མཁས་པ་ཡང་དག་པར་བརྗོད་པར་བྱའོ། །རྒྱལ་པོའི་ཕོ་བྲང་འཁོར་ཀུན་དུ་སྤྱད་པ་དང་། རྒྱལ་པོའི་ཕོ་བྲང་འཁོར་དུ་འཇུག་པ་དང་། རྒྱལ་པོའི་ཕོ་བྲང་འཁོར་དུ་རྣམ་པར་དཔྱད་པ་དང་། ཆོས་ཀྱི་རྒྱལ་པོའི་དབང་
D847.100.0015a04.01བསྐུར་བ་དང་། ཆོས་ཀྱི་རྒྱལ་པོའི་བྱིན་གྱི་རླབས་དང་། ཆོས་ཀྱི་རྒྱལ་པོའི་ཕ་རོལ་གནོན་པ་དང་། ཆོས་ཀྱི་རྒྱལ་པོའི་གནས་དང་། ཆོས་ཀྱི་རྒྱལ་པོའི་བཀའ་ལུང་ཡང་དག་པར་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེའི་སེམས་ཤས་ཆེར་ཆོས་ཐམས་
D847.100.0015a05.01ཅད་ལ་སྒྲིབ་པ་མེད་པར་བསྒྲུབ་པ་ལ་འཇུག་ཅིང་གོང་དུ་གནས་གང་དག་ཐོས་པའི་གནས་དེ་དག་ལ་ཡང་བདག་ཉིད་སྒྲུབ་ཀྱི་གཞན་གྱི་དྲིང་ལ་མི་འཇོག་པ་ཐོབ་པའི་ཕྱིར་ཏེ། ཀྱེ་རྒྱལ་བའི་སྲས་དག་འདི་ནི་རྒྱལ་ཚབ་ཀྱི་བྱང་ཆུབ་སེམས་དཔའ་རྣམ་པར་གཞག་པའོ། །ཀྱེ་རྒྱལ་
D847.100.0015a06.01བའི་སྲས་དག་དེ་ལ་དབང་བསྐུར་བ་ཐོབ་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་དབང་བསྐུར་བ་ཐོབ་པའི་བྱང་ཆུབ་སེམས་དཔའ་ནི་ཤེས་པ་མངོན་པར་སྒྲུབ་པ་བཅུ་དང་ལྡན་པ་ཡིན་ཏེ། བཅུ་གང་ཞེ་ན། འདི་ལྟ་སྟེ།
D847.100.0015a07.01