完整藏文原文 · 德格版页 当前仅加载第 100 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་རྫུ་འཕྲུལ་སྟོབས་རྣམས་དང་། །ཀུན་བརྗོད་བཟང་དང་རྗེས་སུ་བསྟན་པ་དང་། །སྡུག་བསྔལ་བཟོད་རླག་འཇིག་རྟེན་འགྲོ་མཐོང་ནས། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཡོན་ཏན་ཀུན་གྱི་འབྱུང་གནས་དེ་བཞིན་གཤེགས། །
D847.100.0017a01.01ཀུན་དུ་བཟང་པོའི་ཡོན་ཏན་ཐོས་གྱུར་ནས། །ནམ་མཁའི་དབྱིངས་འདྲ་འགྱུར་བ་མེད་པ་ཡི། །བྱང་ཆུབ་དོན་དུ་བརྟན་པ་སེམས་འཇོག་བྱེད། །གནས་རྣམས་ཇི་སྙེད་གང་དག་ཡོད་གྱུར་དང་། །རང་བཞིན་གནས་པའི་གནས་རྣམས་གཞན་དག་ཀྱང་། །གཞན་མིན་དངོས་
D847.100.0017a02.01པོར་རྣམ་པར་རྟོགས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འདས་དང་མ་འོངས་ད་ལྟར་དུས་དག་ན། །དགེ་དང་མི་དགེའི་ལས་རྣམས་གང་ཡོད་པ། །དེ་དག་རྒྱུ་རྣམས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཏིང་
D847.100.0017a03.01འཛིན་བསམ་གཏན་རྣམ་ཐར་སྤྱོད་པ་དང་། །དེ་བཞིན་སྙོམས་འཇུག་རྣམ་དག་མཐར་ཐུག་པ། །དེ་དག་གནས་སྐབས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འཇིག་རྟེན་བརྩོན་འགྲུས་སྟོབས་དང་དབང་པོ་རྣམས། །ཅི་འདྲ་ཅི་འདྲ་
D847.100.0017a04.01དེ་ཡི་དེ་དང་དེར། །རིམ་པ་ད་དག་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འཇིག་རྟེན་ཀུན་གྱི་མོས་པ་ཅི་འདྲ་དང་། །ལྷག་པའི་བསམ་པ་ཐ་དད་རྣམ་གསུམ་ནས། །བསྟན་བཅོས་དུ་མ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་
D847.100.0017a05.01བརྟན་པ་སེམས་འཇོག་བྱེད། །རྣམ་པ་སྣ་ཚོགས་རྣམ་པ་དུ་མའི་ཁམས། །གང་དག་འཇིག་རྟེན་གསུམ་འདིར་ཡོད་ཀུན་གྱི། །ཁམས་ཀྱི་རང་བཞིན་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་དེ་འཇོག །ཆོས་འདིར་ཀུན་དུ་འགྲོ་བར་
D847.100.0017a06.01གང་གྱུར་ཅིང་། །དགེ་བའི་འཇུག་པ་གང་ཡང་རབ་འཇུག་པ། །ཡང་དག་རང་བཞིན་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་རྣམས་ཐམས་ཅད་ཇི་ལྟར་འབྱུང་བ་དང་། །སེམས་ཅན་ཇི་ལྟར་ས་ལས་འབྱུང་འགྱུར་ཞེས། །
D847.100.0017a07.01