完整藏文原文 · 德格版页 当前仅加载第 100 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་གཞག་པའོ། །ཀྱེ་རྒྱལ་བའི་སྲས་དག་སྐྱེ་བར་སྐྱེས་པའི་བྱང་ཆུབ་སེམས་དཔའ་རྣམ་པར་གཞག་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་སྐྱེ་བར་སྐྱེས་པའི་བྱང་ཆུབ་སེམས་དཔའ་ནི་ཡོངས་སུ་སྦྱོང་བ་བྱེད་པ་བཅུས་གསུང་རབ་འཕགས་
D847.100.0012a01.01པར་སྐྱེས་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། ཆོས་ཉིད་ལས་ཕྱིར་མི་ཟློགས་པ་དང་། སངས་རྒྱས་ལ་མི་ཕྱེད་པའི་དད་པ་མཐར་ཐུག་པར་འགྱུར་བ་ཡོངས་སུ་གྲུབ་པ་དང་། ཆོས་ངེས་པར་སེམས་པ་དང་། སེམས་ཅན་ལ་རྣམ་པར་དཔྱོད་པ་དང་། ཞིང་ལ་
D847.100.0012a02.01རྣམ་པར་དཔྱོད་པ་དང་། འཇིག་རྟེན་ལ་རྣམ་པར་དཔྱོད་པ་དང་། ལས་ལ་རྣམ་པར་དཔྱོད་པ་དང་། རྣམ་པར་སྨིན་པ་ལ་རྣམ་པར་དཔྱོད་པ་དང་། འཁོར་བ་ལ་རྣམ་པར་དཔྱོད་པ་དང་། མྱ་ངན་ལས་འདས་པ་ལ་རྣམ་པར་དཔྱོད་པ་སྟེ། ཡོངས་སུ་སྦྱོང་བ་བྱེད་པ་བཅུ་པོ་
D847.100.0012a03.01དེ་དག་གིས་གསུང་རབ་འཕགས་པར་སྐྱེས་པ་ཡིན་ཏེ། ཀྱེ་རྒྱལ་བའི་སྲས་དག་འདི་ནི་སྐྱེ་བར་སྐྱེས་པའི་བྱང་ཆུབ་སེམས་དཔའོ། །ཀྱེ་རྒྱལ་བའི་སྲས་དག་སྐྱེ་བར་སྐྱེས་པའི་བྱང་ཆུབ་སེམས་དཔའ་དེ་ནི་འདས་པའི་སངས་རྒྱས་ཀྱི་ཆོས་མཉམ་པ་ཉིད་རྣམ་པར་དཔྱད་པ་
D847.100.0012a04.01ལ་སྦྱར་བར་བྱའོ། །མ་བྱོན་པའི་སངས་རྒྱས་ཀྱི་ཆོས་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །ད་ལྟར་བྱུང་བའི་སངས་རྒྱས་ཀྱི་ཆོས་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །སངས་རྒྱས་ཐམས་ཅད་ཀྱི་ཆོས་མཉམ་པ་ཉིད་རྣམ་པར་དཔྱད་པ་ལ་
D847.100.0012a05.01སྦྱར་བར་བྱའོ། །འདས་པའི་སངས་རྒྱས་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །མ་བྱོན་པའི་སངས་རྒྱས་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །ད་ལྟར་བྱུང་བའི་སངས་རྒྱས་ཀྱི་ཆོས་ཡང་དག་པར་འགྲུབ་
D847.100.0012a06.01པ་རྣམ་པར་དཔྱད་པ་ལ་སྦྱར་བར་བྱའོ། །སངས་རྒྱས་ཐམས་ཅད་ཀྱི་ཆོས་ཡང་དག་པར་འགྲུབ་པ་རྣམ་པར་དཔྱད་པ་ལ་སྦྱར་བར་བྱའོ། །འདས་པའི་སངས་རྒྱས་ཀྱི་ཆོས་ཡོངས་སུ་འགྲུབ་པ་མཉམ་པ་ཉིད་རྣམ་པར་དཔྱད་པ་ལ་སྦྱར་བར་བྱའོ། །མ་བྱོན་པའི་སངས་
D847.100.0012a07.01