完整藏文原文 · 德格版页 当前仅加载第 100 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྣམ་འཕྲུལ་ལྟོས། །རྒྱ་མཚོའི་སྤྲིན་གྱིས་ཆར་ཐིགས་རབ་བཀྱེ་བ། །སྐད་ཅིག་གཅིག་ལ་ཐམས་ཅད་འགྲང་བ་བྱེད། །ཐིགས་འགའི་ཟེར་ཀྱང་མ་ཤེས་དེ་མེད་ན། །བསླབ་པ་བསྐལ་པ་བསམ་ཡས་རབ་བསླབས་ཏེ། །བྱང་ཆུབ་བླ་མེད་
D847.100.0052a01.01ཡེ་ཤེས་ཐོབ་པ་རྣམས། །ཅི་ཕྱིར་སྐད་ཅིག་གཅིག་ལ་སེམས་ཀྱིས་ནི། །འགྲོ་བ་མ་ལུས་ཀུན་གྱི་སེམས་མི་ཤེས། །སེམས་ཅན་ལས་སྨིན་བསམ་གྱིས་མི་ཁྱབ་པས། །འཇིག་རྟེན་འདི་ཀུན་རླུང་ལས་ཡོངས་སུ་བྱུང་། །རྒྱ་མཚོ་རི་དང་ལྷ་ཡི་གཞལ་མེད་ཁང་། །རིན་
D847.100.0052a02.01ཆེན་རྣམ་ཕྱེ་ས་བོན་བཀྲམ་པའང་བྱུང་། །རླུང་ལས་སྤྲིན་བྱུང་ཆར་པའང་ཀུན་དུ་འབབ། །རླུང་གིས་སྤྲིན་ཀྱང་རབ་ཏུ་ཞི་བར་བྱེད། །འཇིག་རྟེན་ལོ་ཏོག་འཕེལ་བའང་རླུང་བྱེད་དེ། །རླུང་ནི་འགྲོ་བ་ཀུན་ལ་ཕན་པ་སྐྱེད། །རླུང་དེ་ཕ་རོལ་ཕྱིན་ལ་མ་བསླབས་ཤིང་། །
D847.100.0052a03.01སངས་རྒྱས་ཡོན་ཏན་རྣམས་ལ་མ་བསླབས་ཀྱང་། །འཇིག་རྟེན་རྣམ་སྨིན་བསམ་ཡས་སྟོན་བྱེད་ན། །དམ་པ་ཐོབ་རྣམས་ཅི་ཕྱིར་སྟོན་མི་བྱེད། །རྒྱ་མཚོའི་འབྲུག་སྒྲའི་སྤྲིན་གྱི་ཆུ་ཚོགས་ནི། །བྱ་སྐད་{རི་དགས་,རི་དྭགས་}སྐད་དང་སྐྱེས་པ་དང་། །བུད་མེད་བུ་མོ་ཁྱེའུ་སྐད་ཅི་སྙེད་
D847.100.0052a04.01པ། །ཀུན་གྱི་སྒྲ་སྙན་སེམས་ཅན་རྣམས་ལ་སྒྲོགས། །དེ་ལྟར་སྒྲ་སྙན་རང་བཞིན་མེད་ཤེས་ནས། །སྒྲིབ་པ་མེད་པའི་སྤོབས་དང་ལྡན་འགྱུར་ཞིང་། །འགྲོ་བ་ཀུན་ལ་སྒྲ་སྙན་བརྗོད་བྱས་ནས། །ཡིད་འོང་སྒྲ་ཡིས་འཇིག་རྟེན་མགུ་བར་བྱེད། །རྒྱ་མཚོ་འདི་ལ་ངོ་མཚར་རྨད་ཀྱི་
D847.100.0052a05.01ཆོས། །འགྲོ་ཀུན་རྒྱ་དང་མཚུངས་པས་རྒྱ་མཚོ་སྟེ། །ཆུ་དང་འབྱུང་པོ་རིན་ཆེན་ཡོང་མི་ཟད། །ཆུ་རྣམས་བཟུང་བས་ངོམས་པར་འགྱུར་བ་མེད། །དེ་བཞིན་དེ་དག་འགྲོ་ཀུན་རྒྱ་འདྲ་སྟེ། །བསོད་ནམས་བསམ་གཏན་རྣམ་པར་ཐར་རྣམས་དང་། །ཤེས་རབ་ཡེ་ཤེས་ཡོན་
D847.100.0052a06.01ཏན་ཀུན་མི་ཟད། །བསོད་ནམས་ཡོན་ཏན་སོགས་པས་ངོམས་པ་མེད། །རྒྱ་མཚོའི་ཀླུ་ནི་རྣམ་པར་རྩེ་བ་ན། །ས་ཡི་གཞི་ནས་དབང་སྒྱུར་གནས་ཀྱི་བར། །གླིང་བཞི་བཅས་པར་སྤྲིན་ཆེན་རྒྱས་འགེངས་ཏེ། །དེ་དག་ཀུན་ཀྱང་སྣ་ཚོགས་བཀོད་པ་མང་། །དེ་ནི་དབང་
D847.100.0052a07.01