完整藏文原文 · 德格版页 当前仅加载第 100 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ནུར་གྱུར་པ་ལ་འདི་སྐད་ཅེས་སྨྲས་སོ། །དེ་བཞིན་ཉིད་བསྟན་པ་དང་། སྐྱེ་བ་མེད་པའི་དེ་བཞིན་ཉིད་དང་། འབྱུང་བ་མེད་པའི་དེ་བཞིན་ཉིད་དང་། མཚན་ཉིད་མེད་པའི་དེ་བཞིན་ཉིད་དང་། ནམ་མཁའི་དེ་བཞིན་ཉིད་དང་། དངོས་པོ་མེད་པའི་དེ་བཞིན་ཉིད་
D847.100.0026b01.01དང་། ངོ་བོ་ཉིད་ཀྱི་དེ་བཞིན་ཉིད་དང་། དངོས་པོ་མེད་པའི་ངོ་བོ་ཉིད་ཀྱི་དེ་བཞིན་ཉིད་དུ་གཟུངས་འདི་གཟུང་བར་བྱ་སྟེ། རིགས་ཀྱི་བུ་དཀོན་མཆོག་ཏ་ལ་ལའི་གཟུངས་འདི་གཟུང་བ་དང་། ཀུན་ཏུ་གཟུང་བ་དང་། བསྒོམ་པ་དང་། རྣམ་པར་དཔྱད་པ་དང་། གདགས་
D847.100.0026b02.01པ་དང་། རབ་ཏུ་གཞག་པ་དང་། རྣམ་པར་དགྲོལ་བ་དང་། རྣམ་པར་དབྱེ་བ་དང་གསལ་བར་བྱ་བ་ནི་འདི་འདྲ་སྟེ། རིགས་ཀྱི་བུ་འདི་ནི་དཀོན་མཆོག་ཏ་ལ་ལའི་གཟུངས་བསྒོམ་པ་དང་། རྣམ་པར་བརྟག་པའི་དོན་ཏོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་
D847.100.0026b03.01འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཆོས་ཀྱི་རྣམ་གྲངས་འདི་ལ་ཡང་དག་པར་ཞུགས་ནས་ཡུན་ཇི་སྲིད་ཅིག་ལོན། འཇམ་དཔལ་གྱིས་སྨྲས་པ། ཤ་ར་དྭ་ཏིའི་བུ་འདོད་ཆགས་དང་། ཞེ་སྡང་དང་། གཏི་མུག་རྣམས་ཡུན་ཇི་
D847.100.0026b04.01སྲིད་ཅིག་ནས་ཞུགས་པ་སྲིད་དོ། །ཤ་ར་དྭ་ཏིའི་བུས་སྨྲས་པ། རིགས་ཀྱི་བུ་འདོད་ཆགས་དང་། ཞེ་སྡང་དང་། གཏི་མུག་རྣམས་ཡུན་ཇི་སྲིད་ཅིག་ནས་ཞུགས། འཇམ་དཔལ་གྱིས་སྨྲས་པ། ཤ་ར་དྭ་ཏིའི་བུ་སའི་ཁམས་ཡུན་ཇི་སྲིད་ཅིག་ནས་ཞུགས་པ་
D847.100.0026b05.01སྲིད་དོ། །ཤ་ར་དྭ་ཏིའི་བུས་སྨྲས་པ། རིགས་ཀྱི་བུ་སའི་ཁམས་ཡུན་ཇི་སྲིད་ཅིག་ནས་ཞུགས། འཇམ་དཔལ་གྱིས་སྨྲས་པ། ཤ་ར་དྭ་ཏིའི་བུ་རིག་པ་དང་། མ་རིག་པ་ཡུན་ཇི་སྲིད་ཅིག་ནས་ཞུགས་པ་སྲིད་དོ། །ཤ་ར་དྭ་ཏིའི་བུས་སྨྲས་པ། རིགས་
D847.100.0026b06.01ཀྱི་བུ་རིག་པ་དང་། མ་རིག་པ་ཡུན་ཅི་སྲིད་ཅིག་ནས་ཞུགས། འཇམ་དཔལ་གྱིས་སྨྲས་པ། ཤ་ར་དྭ་ཏིའི་བུ་ནམ་མཁའི་ཁམས་ཡུན་ཇི་སྲིད་ཅིག་ནས་ཞུགས་པ་སྲིད་དོ། །ཤ་ར་དྭ་ཏིའི་བུས་སྨྲས་པ། འཇམ་དཔལ་ནམ་མཁའི་ཁམས་ཡུན་ཇི་སྲིད་ཅིག་ནས་
D847.100.0026b07.01