完整藏文原文 · 德格版页 当前仅加载第 100 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཀུན་དགའ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་
D847.100.0032a01.01ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདི་ནི་ཟབ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ཏེ། གཟུགས་ཟབ་པའི་ཕྱིར་ཟབ་བོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་
D847.100.0032a02.01ཟབ་པའི་ཕྱིར་ཟབ་བོ། །སྟོང་པ་ཉིད་ཟབ་པའི་ཕྱིར་ཟབ་བོ། །ནམ་མཁའ་ཟབ་པའི་ཕྱིར་ཟབ་བོ། །ཀུན་དགའ་བོས་གསོལ་པ། བཅོམ་ལྡན་འདས་བདག་གིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པ་ལས་མངོན་དུ་ཐོས་ན་ཆོས་ཀྱི་རྣམ་
D847.100.0032a03.01གྲངས་འདི་ལྟ་བུ་ནི་ནམ་ཡང་མ་ཐོས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཀྱི་རྣམ་གྲངས་འདི་ནི་ཤིན་ཏུ་ཐོས་པར་བྱ་དཀའ་བ་ཡིན་ནོ། །ཀུན་དགའ་བོས་གསོལ་པ། སླད་མའི་ཚེ་སླད་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ནུབ་པའི་
D847.100.0032a04.01དུས་ཀྱི་ཚེ་སེམས་ཅན་མང་པོ་དག་ལ་སངས་རྒྱས་ཀྱི་མཛད་པ་བགྱིད་པར་འགྱུར་བར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ངས་ཆོས་ཀྱི་རྣམ་གྲངས་འདི་བྱིན་གྱིས་བརླབས་
D847.100.0032a05.01ཟིན་ཏེ། དེ་བཞིན་གཤེགས་པ་ཤཱཀྱ་ཐུབ་པ་ངས་ཆོས་སྨྲ་བ་དེ་དག་ཀྱང་བྱིན་གྱིས་བརླབས་སོ། །ཀུན་དགའ་བོ་གང་ལ་ལ་ཞིག་ཆོས་ཀྱི་རྣམ་གྲངས་འདི་ཡི་གེར་འདྲི་བ་དེ་ནི་མིག་ན་བར་མི་འགྱུར། ལྕེ་ན་བར་མི་འགྱུར། སྣ་ན་བར་མི་འགྱུར། སོ་ན་བར་མི་འགྱུར།
D847.100.0032a06.01ལག་པ་དང་རྐང་པ་ན་བར་མི་འགྱུར། ཀླད་པ་ན་བར་མི་འགྱུར། རྣ་བ་ན་བར་མི་འགྱུར། ལུས་དམན་པར་མི་འགྱུར། ལུས་དྲི་མི་ཞིམ་པར་མི་འགྱུར། ཕ་རོལ་གྱི་གནོད་པས་འཆི་བའི་དུས་བྱེད་པར་མི་འགྱུར་རོ། །དེ་ལ་མི་དང་མི་མ་ཡིན་པ་ཐམས་ཅད་སྲུང་
D847.100.0032a07.01