完整藏文原文 · 德格版页 当前仅加载第 100 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་སྐྱེད་པ་དེ་དག་ནི་མིར་འགྱུར་བ་ལས་ཀྱང་རིང་དུ་གྱུར་པ་ཡིན་ན་སངས་རྒྱས་ཀྱི་བྱང་ཆུབ་ལས་ལྟ་སྨོས་ཀྱང་ཅི་དགོས། འཇམ་དཔལ་གཞན་ཡང་གང་དག་མདོ་སྡེའི་རྒྱལ་པོ་འདི་འཛིན་པའི་དགེ་སློང་རྣམས་ལ་མ་དད་པའི་སེམས་སྐྱེད་པ་དེ་དག་ནི་སོ་ཐགས་ངན་པར་
D847.100.0027b01.01འགྱུར། ལྕེ་དང་སྣ་མེད་པར་འགྱུར། རྐ་ལག་ཕྱི་ཕྱོགས་སུ་འགྱུར། ལུས་ནད་བུ་ཅན་དུ་འགྱུར། མིག་མེད་པར་འགྱུར། ཤེས་རབ་འཆལ་བའི་རང་བཞིན་ཅན་དུ་འགྱུར། བརྩོན་འགྲུས་ཆུང་བར་འགྱུར་ཏེ། འཇམ་དཔལ་འདི་དག་ནི་མི་གཏི་མུག་
D847.100.0027b02.01པ་དེ་དག་གི་སྐྱོན་དུ་གྱུར་པའོ། །འཇམ་དཔལ་མདོར་བཤད་ན་དེ་དག་འཆི་བའི་དུས་ཀྱི་ཚེ་དེ་དག་གི་སྤུའི་ཁུང་བུ་རེ་རེར་ཡང་སེམས་ཅན་དམྱལ་བའི་སྡུག་བསྔལ་དཔག་ཏུ་མེད་པར་འཇུག་གོ། །གལ་ཏེ་མིར་སྐྱེས་ན་ཡང་རྟག་ཏུ་དམུས་ལོང་དུ་འགྱུར། ལྕེ་མེད་པར་འགྱུར་
D847.100.0027b03.01རོ། །འཇམ་དཔལ་གཞན་ཡང་གང་དག་ཆོས་ཀྱི་རྣམ་གྲངས་འདི་སྤོང་བ་དེ་དག་ནི་ཚེ་འདི་ཉིད་ལ་ལུས་མཛེ་ཅན་དུ་འགྱུར། མཆུ་འཇིགས་འཇིགས་ལྟར་འདུག་པར་འགྱུར། ལུས་ཞོམ་པར་འགྱུར། ལུས་གཅེར་བུར་འགྱུར། ལུས་སྐམ་པོར་འགྱུར། ཡི་
D847.100.0027b04.01དགས་འདྲ་བར་འགྱུར་རོ། །འཇམ་དཔལ་གཞན་ཡང་མི་གཏི་མུག་པ་དེ་དག་གང་དུ་སྐྱེ་བར་འགྱུར་བ་དེ་དག་གི་གནས་ནི་ངས་སངས་རྒྱས་ཀྱི་ཡེ་ཤེས་བསམ་གྱིས་མི་ཁྱབ་པས་མཁྱེན་ཏོ། །འཇམ་དཔལ་གཞོན་ནུར་གྱུར་པས་གསོལ་པ། བཅོམ་ལྡན་འདས་
D847.100.0027b05.01ཀྱིས་ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཁ་རོག་དེ་སྐད་མ་འདྲི་ཤིག །འདི་ལ་ལྷ་དང་བཅས་པའི་འཇིག་རྟེན་མྱོས་པར་འགྱུར་ཏེ་སྐྲག་པར་འགྱུར། དངང་བར་
D847.100.0027b06.01འགྱུར། རབ་ཏུ་དངང་བར་འགྱུར་རོ། །འཇམ་དཔལ་གྱིས་གསོལ་པ། སེམས་ཅན་འདི་དག་གིས་འདི་ལྟ་བུ་ཐོས་ནས་སླན་ཆད་ནམ་ཡང་དམ་པའི་ཆོས་སྤོང་བར་མི་འགྱུར་བར་བགྱི་བའི་སླད་དུ་ཐུགས་བརྩེ་བར་དགོངས་ཏེ། བཅོམ་ལྡན་འདས་ཀྱིས་བཤད་དུ་
D847.100.0027b07.01