完整藏文原文 · 德格版页 当前仅加载第 100 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་ཤིང་དང་། དྲང་ཆུའི་ཤིང་དང་། དྲིའི་ཤིང་གང་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་ཡིན་ནོ། །ཆུ་ལས་སྐྱེས་པའི་མེ་ཏོག་གང་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་གྱི་རང་བཞིན་ཡིན་ནོ། །ཐང་ལས་སྐྱེས་པའི་མེ་ཏོག་གང་
D885.100.0137b01.01ཡིན་པ་དེ་དག་ཐམས་ཅད་ནི་འཛམ་བུ་ཆུ་བོའི་གསེར་གྱི་རང་བཞིན་ཡིན་ནོ། །མི་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཁྲི་ཐུབ་སྟེ། ཐམས་ཅད་ཀྱང་དགེ་བ་བཅུའི་ལས་ཀྱི་ལམ་དང་ལྡན་པ། སངས་རྒྱས་དང་། ཆོས་དང་། དགེ་འདུན་ལ་མངོན་པར་དད་པ་ཡིན་ནོ། །
D885.100.0137b02.01རྒྱལ་པོ་དེ་ཡང་ཆོས་དང་མཐུན་པས་རྒྱལ་སྲིད་སྐྱོང་བར་བྱེད་ཀྱིས། ཆོས་དང་མི་མཐུན་པས་ནི་མ་ཡིན་ཏེ། སེམས་ཅན་ཐམས་ཅད་ལ་ཕན་པའི་བསམ་པ་ཅན་ཡིན་ནོ། །འཇིག་རྟེན་གྱི་ཁམས་དེ་ན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D885.100.0137b03.01སངས་རྒྱས་ནོར་བུ་ཆེན་པོ་རྣམ་པར་བཀྲ་བ་རབ་གནས་གཙང་མ་ཞེས་བྱ་བ་བྱང་ཆུབ་སེམས་དཔའི་ཚོགས་ཆེན་པོས་ཡོངས་སུ་བསྐོར་ཅིང་། རིག་སྔགས་འཆང་བྱེ་བ་ཕྲག་མང་པོས་ཡོངས་སུ་བསྐོར་ནས་སངས་རྒྱས་ཀྱི་མཛད་པ་མཛད་དེ། དེ་བཞིན་གཤེགས་པ་དེ་ནི་གསེར་གྱི་ཁ་
D885.100.0137b04.01དོག་གི་སྐུ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་མངའ་བ། འོད་འདོམ་གང་གིས་ཀུན་ནས་བསྐོར་བ། འོད་རིན་པོ་ཆེ་སྣ་བདུན་ལྟར་ཤིན་ཏུ་སྤ་བ་ཡིན་ནོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་གསེར་གྱི་ཁ་དོག་གི་ལུས་འོད་འཕྲོ་བ། མཚན་
D885.100.0137b05.01དང་ལྡན་པ། རིན་པོ་ཆེ་སྣ་བདུན་གྱི་པདྨའི་སྟན་ལ་འཁོད་པ་སྟེ། ཐམས་ཅད་ཀྱང་སྤོབས་པ་མི་ཟད་པ། སྒྲིབ་པ་མེད་པའི་ཡེ་ཤེས་སྤྱོད་ཡུལ་བ། རིག་པའི་གནས་རྟོགས་པར་ཁོང་དུ་ཆུད་པས་འདི་ལྟ་སྟེ། ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་
D885.100.0137b06.01པའི་གསང་བ་ཞེས་བྱ་བའི་གཟུངས་སེམས་ཤིང་། གཟུངས་དེ་ཉིད་ཀྱི་མཐུས་ཡོན་ཏན་གྱི་ཁྱད་པར་འདི་བྱུང་བར་གྱུར་ཏོ། །དེ་བཞིན་གཤེགས་པ་དེ་ཡང་གཟུངས་འདི་སེམས་ཅན་ཐམས་ཅད་ལ་རབ་ཏུ་སྟོན་ཏོ། །སེམས་ཅན་དེ་རྣམས་ཀྱང་གཟུངས་འདིའི་མཐུས་བདེ་བ་
D885.100.0137b07.01