完整藏文原文 · 德格版页 当前仅加载第 100 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ལྔའི་བ་དན་གདགས་པར་བྱའོ། །བདུག་པ་སྣ་བཞི་པོ་གུ་གུལ་དང་། ཅེ་པོག་དང་། ཙནྡན་དང་། ཏུ་རུཥྐ་བསྲེག་པར་བྱའོ། །ས་བོན་བདུན་གཏོར་བར་བྱའོ། །ཁ་དོག་ལྔའི་གཏོར་མ་གཞག་པར་བྱའོ། །འབྲས་བུ་དང་མེ་ཏོག་གཞག་པར་
D885.100.0151a01.01བྱའོ། །རིག་པ་འཛིན་པས་ཁ་ཤར་ཕྱོགས་སུ་བལྟས་ཏེ་འདུག་ནས་རིག་སྔགས་སྟོང་རྩ་བརྒྱད་བཟླས་ཏེ། ཡུངས་ཀར་རེ་རེ་ནས་སྤྱི་བོར་བརྡེག་པར་བྱའོ། །སྟོང་རྩ་བརྒྱད་ཚང་བར་བཟླས་ན་དེ་ནས་ཀླུ་རྣམས་ཆར་གྱི་རྒྱུན་འབེབས་པར་བྱེད་དོ། །ཀླུ་ཐམས་ཅད་དེའི་དབང་དུ་འགྱུར་
D885.100.0151a02.01རོ། །ཡུངས་ཀར་ལ་བཟླས་བརྗོད་བྱས་ཏེ། ཀླུའི་མཚེའུར་གཏོར་ན་ཆར་གྱི་རྒྱུན་འབེབས་པར་བྱེད་དོ། །སེང་ལྡེང་གི་ཕུར་བུ་ལ་བཟླས་བརྗོད་བྱས་ཏེ་ཀླུའི་གནས་སུ་བཙུགས་ན་རླུང་དང་། སེར་བ་ཐམས་ཅད་བཅིངས་པར་འགྱུར་རོ། །ཡུངས་ཀར་ལ་བརྒྱ་རྩ་བརྒྱད་བཟླས་བརྗོད་བྱས་ཏེ་
D885.100.0151a03.01ལོག་འདྲེན་གྱི་ཀླད་པར་བཏབ་ན་ལོག་འདྲེན་ཐམས་ཅད་བཅིངས་པར་འགྱུར་རོ། །འོ་མས་བཀྲུས་ན་ཕྱིར་སོས་པར་འགྱུར་རོ། །ལས་གང་དང་གང་ཁོ་ན་བྱ་བའི་ལས་དེ་དང་དེ་དག་འགྲུབ་པར་འགྱུར་རོ། །གཙང་མས་གོས་གཙང་མ་བགོ་བར་བྱ་སྟེ། འདི་ནི་རྩ་བའི་རིག་སྔགས་ཀྱི་ཆོ་
D885.100.0151a04.01གའི་ཚུལ་ཡིན་ནོ། །གཉིས་པའོ།། །།ད་ནི་སྙིང་པོའི་ལས་རྣམས་འབྱུང་སྟེ། བཟླས་བརྗོད་འབུམ་བྱས་ན་དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །ཉིས་འབུམ་བྱས་ན་སངས་རྒྱས་ཀྱི་ཞིང་ཐམས་ཅད་མཐོང་བར་འགྱུར་རོ། །སུམ་འབུམ་བྱས་ན་དཀྱིལ་
D885.100.0151a05.01འཁོར་ཐམས་ཅད་དུ་ཞུགས་པར་འགྱུར་རོ། །གསང་སྔགས་ཐམས་ཅད་འགྲུབ་པར་འགྱུར་རོ། །བཞི་འབུམ་བྱས་ན་རིག་འཛིན་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །ལྔ་འབུམ་བྱས་ན་ལྷ་མ་ཡིན་གྱི་སྒོ་ཐམས་ཅད་འབྱེད་པར་འགྱུར་རོ། །ཀླུའི་གནས་ཐམས་
D885.100.0151a06.01ཅད་འབྱེད་པར་འགྱུར་རོ། །དྲུག་འབུམ་བྱས་ན་གཏེར་ཐམས་ཅད་འབར་བར་འགྱུར་རོ། །བཟླས་བརྗོད་བདུན་འབུམ་བྱས་ན་ཚེ་རབས་ཐམས་ཅད་དྲན་པར་འགྱུར་རོ། །བཟླས་བརྗོད་བརྒྱད་འབུམ་བྱས་ན་རིན་ཆེན་ཕྱག་རྒྱའི་ཏིང་ངེ་འཛིན་ཐོབ་པར་འགྱུར་རོ། །བཟླས་བརྗོད་དགུ་
D885.100.0151a07.01