完整藏文原文 · 德格版页 当前仅加载第 100 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དམྱལ་བ་ཐམས་ཅད་སྐེམས་པ་ཡིན། {ཡི་དགས་,ཡི་དྭགས་}ཀྱི་འཇིག་རྟེན་ཟློག་པ་ཡིན། དུད་འགྲོའི་སྐྱེ་གནས་ལས་ཐར་བར་བྱེད་པ་ཡིན་ནོ། །འདི་ནི་འཛམ་བུའི་གླིང་གི་སེམས་ཅན་ཐམས་ཅད་ཀྱི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་
D885.100.0158b01.01སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་སྐེམས་པར་བྱེད་པ་ཡིན་ནོ། །ལག་ན་རྡོ་རྗེ་འོན་ཀྱང་བསོད་ནམས་ཀྱི་ཕུང་པོ་འབྱུང་བ་ལྷའི་མིག་གིས་བལྟ་བའམ། དེ་བཞིན་གཤེགས་པའི་ཐུགས་ཀྱིས་ཀྱང་བརྗོད་ཀྱིས་མི་ལང་སྟེ།
D885.100.0158b02.01ཡོན་ཏན་གྱི་ཁྱད་པར་དེ་ལྟར་རྒྱ་ཆེ་ཞིང་དེ་ལྟར་ཟབ་པ། རབ་མཆོག་གྱ་ནོམ་པ་ལ་སོགས་པ་དེ་ལྟར་གོང་ནས་གོང་དུ་རྣམ་པར་འཕྲུལ་པ་ཆེན་པོའི་ཁྱད་པར་དུ་འཕགས་པ་ཡིན་ནོ། །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བའི་གཟུངས་ཀྱི་ཆོ་ག་ཞིབ་
D885.100.0158b03.01མོའི་རྒྱལ་པོ་འདི་ནི་སེམས་ཅན་སྐལ་བ་ཆུང་བ་རྣམས་ཀྱི་ལག་ཏུ་འོང་བར་མི་འགྱུར་ཏེ། ཐོས་པར་མི་འགྱུར། བསྙེན་བཀུར་བྱེད་པར་མི་འགྱུར། འཆང་བར་མི་འགྱུར་རོ། །གང་གིས་གང་གཱའི་ཀླུང་གི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་མ་མཐོང་བ་དེའི་ལག་
D885.100.0158b04.01ཏུ་མཆོག་ཏུ་གསང་བ་འདི་འོང་བའམ། ཉན་པའམ། བསྙེན་བཀུར་བྱེད་པའམ། འཛིན་པར་ལྟ་ག་ལ་འགྱུར། ལག་ན་རྡོ་རྗེ་དེ་བཞིན་གཤེགས་པའི་གསང་བ་འདི་ནི་ཤིན་ཏུ་གཏིང་དཔག་དཀའ་སྟེ། ལག་ན་རྡོ་རྗེ་གང་གིས་སངས་རྒྱས་བཅོམ་ལྡན་འདས་ཆུ་བོ་གང་
D885.100.0158b05.01གཱའི་ཀླུང་བྱེ་བ་ཁྲག་ཁྲིག་བརྒྱ་སྟོང་གི་བྱེ་མ་དང་མཉམ་པ་རྣམས་ལ་བསྐལ་པ་བརྒྱ་སྟོང་དུ་བདེ་བའི་ཡོ་བྱད་ན་བཟའ་དང་། བསོད་སྙོམས་དང་། གཟིམས་མལ་དང་། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་དང་། བཟའ་བ་དང་། བཅའ་བ་དང་། ཞལ་ཟས་དང་། བཏུང་བ་དང་།
D885.100.0158b06.01བཅིབས་པ་དང་། ཕོ་བྲང་རྣམས་དེ་བཞིན་གཤེགས་པ་རྣམས་ལ་ཉི་མ་རེ་རེ་འབུལ་ཞིང་། དེ་བཞིན་དུ་མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་གྱིས་དེ་ལྟར་དེ་བཞིན་གཤེགས་པ་ཐམས་ཅད་ལ་མཆོད་པ་
D885.100.0158b07.01