完整藏文原文 · 德格版页 当前仅加载第 100 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མཉན་ནས། འཁོར་གྱི་སའི་དཀྱིལ་འཁོར་ཆེན་པོའི་དབུས་གང་ན་བ་དེར་སོང་ནས། ས་ཕྱོགས་དེ་ལ་རྡོ་རྗེས་བསྣུན་ཏེ་ས་ལ་བསྣུན་མ་ཐག་ཏུ་དེ་ནས་གྲུ་བཞི་རགས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་རབ་ཏུ་
D885.100.0142a01.01གཡོས་སོ། །གཡོས་མ་ཐག་ཏུ་ས་ཕྱོགས་དེར་རིན་པོ་ཆེ་སྣ་བདུན་གྱི་ཁང་པ་བརྩེགས་མ་གྲུ་བཞི་པ། ཀ་བ་བཞི་ཟུག་པ། སྒོ་བཞི་བཏོད་པ། མཉམ་པ། ཉམས་དགའ་བ། ཤིན་ཏུ་རྣམ་པར་ཕྱེ་བ། ཆས་མཛེས་པར་བྱས་པ། བཀྲ་བ། བལྟ་ན་
D885.100.0142a02.01སྡུག་པ། འོད་འབར་བ། ཐེམ་སྐས་བཞི་དང་ལྡན་པ། འཕང་དུ་དཔག་ཚད་གསུམ་ཡོད་ལ། རྒྱར་དཔག་ཚད་ལྔ་ཡོད་པ་ཞིག་བྱུང་ངོ་། །ཁང་པ་བརྩེགས་མའི་དབུས་དེར་ཡང་འཛམ་བུ་ཆུ་བོའི་གསེར་ལས་བྱུང་བའི་མཆོད་རྟེན་ནོར་བུ་དང་། རིན་པོ་ཆེ་དང་།
D885.100.0142a03.01མུ་ཏིག་གི་དྲ་བ་དུ་མས་བརྒྱན་པ། རིན་པོ་ཆེ་སྣ་བདུན་ལས་བྱུང་བའི་དྲིལ་བུ་གཡེར་ཀའི་དྲ་བས་གཡོགས་པ། དྲིལ་བུ་དུ་མ་འཕྱང་དུ་བཅུག་པ། དར་གྱི་ཆུན་པོ་དུ་མས་མཛེས་པར་བྱས་པ། མེ་ཏོག་གི་ཆུན་པོ་དུ་མས་མངོན་པར་བརྒྱན་པ་ཞིག་བྱུང་ངོ་། །མཆོད་
D885.100.0142a04.01རྟེན་དེའི་དབུས་ན་དེ་བཞིན་གཤེགས་པ་གསུམ་གྱི་སྐུ་བཞུགས་སོ། །དེ་ནས་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་ཁང་པ་བརྩེགས་མ་དེ་ལ་མཆོད་པ་མཛད་དོ། །བྱང་ཆུབ་སེམས་དཔའི་འཁོར་དེ་ཡང་ཁང་པ་བརྩེགས་མ་དེ་དང་། མཆོད་རྟེན་ལ་
D885.100.0142a05.01མཆོད་པར་བྱེད། རྗེད་པར་བྱེད། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། རོལ་མོ་དང་། ཐལ་མོ་སྦྱར་བ་དང་། ཕྱག་འཚལ་བར་བྱེད་དོ། །དེ་ནས་ལྷ་དང་། ཀླུ་དང་།
D885.100.0142a06.01གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་འཁོར་མང་པོ་དེ་དག་ངོ་མཚར་སྐྱེས་ཏེ་ཡ་མཚན་དུ་གྱུར། སྤྲོ་བར་གྱུར་ནས་ཁང་པ་བརྩེགས་མ་དང་། མཆོད་
D885.100.0142a07.01