完整藏文原文 · 德格版页 当前仅加载第 100 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག། བཅོམ་ལྡན་འདས་ཀྱིས་བསྐུལ་བའི་སྙིང་པོ་དང་ལྡན་པ་ཞེས་བྱ་བའི་གཟུངས་གསུངས་ཏེ། དེ་བཞིན་གཤེགས་པ་ཐམས་ཅད་བསྐུལ་ཅིང་། འཁོར་གྱི་དཀྱིལ་འཁོར་ཆེན་པོ་འདུས་པས། བཅོམ་ལྡན་འདས་དེ་བཞིན་གཤེགས་པའི་གསང་བ་
D885.100.0148b01.01གསུང་བའི་དུས་ནི་འདི་ལགས་སོ། །བཅོམ་ལྡན་འདས་འདི་ནི་སངས་རྒྱས་ཉིད་སྒྲུབ་པའི་རྩ་བ། སྡིག་པ་ཐམས་ཅད་སེལ་བ། སྡུག་བསྔལ་ཐམས་ཅད་ཀྱི་མཚོ་སྐེམས་པ། འཁོར་བའི་འབྲོག་དགོན་པ་ལས་ངེས་པར་འབྱིན་པ་ལགས། འདི་ནི་ཆུ་བོ་
D885.100.0148b02.01ཆེན་པོ་ལས་སྒྲོལ་བ་ལགས་ཏེ། གཟུངས་འདི་མ་མཆིས་པར་སངས་རྒྱས་ཉིད་སྒྲུབ་པར་རྡོ་མི་ཐོགས་ལགས་སོ། །འདི་ནི་སངས་རྒྱས་ཉིད་ཀྱི་ས་བོན་ལགས། འདི་ནི་ཆོས་ཀྱི་འཁོར་ལོ་བསྐོར་བ་ལགས། འདི་ནི་ཆོས་ཀྱི་སྒྲོན་མ་སྤོར་བ་ལགས། འདི་ནི་ཆོས་
D885.100.0148b03.01ཀྱི་རྒྱལ་མཚན་བསྒྲེང་བ་ལགས། འདི་ནི་ཆོས་ཀྱི་དུང་རབ་ཏུ་འབུད་པ་ལགས། འདི་ནི་ཆོས་ཀྱི་རྔ་རྡུང་བ་ལགས། འདི་ནི་ཆོས་ཀྱི་སེང་གེའི་ཁྲི་ལ་མཆིས་པ་ལགས་ཏེ། དེའི་སླད་དུ་བཅོམ་ལྡན་འདས་ཀྱིས་ཆོ་ག་ཞིབ་མོའི་རྒྱལ་པོ་ཆེན་པོ་འདིའི་དམ་ཚིག་དང་
D885.100.0148b04.01དཀྱིལ་འཁོར་ཆོ་ག་དང་བཅས་པ། གསང་བ་དང་བཅས་པ། ཕྱག་རྒྱའི་ལེའུ་དང་བཅས་པ། རས་བཅོས་བུ་ཟུང་དང་བཅས་པ། ཡོ་བྱད་དང་བཅས་པའི་ཆོ་ག་ལེགས་པར་རྒྱས་པར་གསུངས་ཤིག །དེ་ནས་ལྷ་དང་། ཀླུ་དང་། གནོད་སྦྱིན་དང་།
D885.100.0148b05.01དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པའི་འཁོར་འདུས་པ་རྣམས་ཡ་མཚན་དུ་གྱུར། སྤྲོ་བར་གྱུར་ནས་ཐམས་ཅད་ཀྱིས་བཅོམ་ལྡན་འདས་ལ་ཕྱག་བྱས་ཏེ། བཅོམ་ལྡན་
D885.100.0148b06.01འདས་ཀྱི་ཞལ་དུ་བལྟས་ཤིང་འཁོད་དོ། །དེ་ནས་བཅོམ་ལྡན་འདས་ཀྱིས་བསྐུལ་བ་ཡང་དག་པ་འདི་དང་། གསོལ་བ་བཏབ་པ་གསན་ནས་རིག་སྔགས་ཀྱི་ཆོ་ག་ཞིབ་མོ་འདི་རྒྱས་པར་བཀའ་སྩལ་ཏོ། །བསྐུལ་བའི་ལེའུ་སྟེ་ཆོ་ག་དང་པོའོ།། །།
D885.100.0148b07.01