完整藏文原文 · 德格版页 当前仅加载第 100 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
འབུམ་བྱས་ན་བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་སྤྲུལ་པའི་བྱིན་གྱི་བརླབས་ཐམས་ཅད་འཐོབ་པར་འགྱུར་རོ། །བཟླས་བརྗོད་ས་ཡ་བྱས་ན་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་ཐོབ་པར་འགྱུར་རོ། །དེ་བཞིན་གཤེགས་པ་ཐམས་ཅད་དང་ཕྲད་པར་
D885.100.0151b01.01འགྱུར་ཏེ། དེ་ལ་སོགས་པ་གོང་ནས་གོང་དུ་ཡོན་ཏན་གྱི་ཁྱད་པར་ཐོབ་པར་འགྱུར་རོ། །མཚམས་མེད་པ་ལྔ་བྱས་པའམ། འཕགས་པ་ལ་སྐུར་པ་བཏབ་པའམ། དམ་པའི་ཆོས་སྤངས་པའམ། མནར་མེད་པར་གཞོལ་བ་ཡང་རུང་དེ་དག་ཐམས་ཅད་ཀྱིས་བཟླས་བརྗོད་
D885.100.0151b02.01འབུམ་བྱས་ན་ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །ཕྱིར་མི་ལྡོག་པར་འགྱུར། སྐྱེ་བ་དྲན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར། མིག་རྣམ་པར་དག་པ་དང་། རྣ་བ་རྣམ་པར་དག་པ་དང་། སྣ་རྣམ་པར་དག་པ་དང་།
D885.100.0151b03.01ལྕེ་རྣམ་པར་དག་པ་དང་། དབང་པོ་ཡོངས་སུ་དག་པ་ཐོབ་པར་འགྱུར་ཏེ། དེ་ལྟར་གོང་ནས་གོང་དུ་ཡོན་ཏན་གྱི་ཁྱད་པར་དང་། གོང་ནས་གོང་དུ་ལུས་རྣམ་པར་དག་པ་ཐོབ་པར་འགྱུར་རོ། །གཞན་ཡང་འཇིག་རྟེན་གྱི་དངོས་གྲུབ་ཏུ་བྱ་བ་རྣམས་གྲུབ་པར་འགྱུར་རོ། །དེ་
D885.100.0151b04.01ཁོ་ན་གྲུབ་པ་བླ་ན་མེད་པ་ལྡོང་རོས་ལ་སྒྲུབ་པ་བཤད་དེ་ཤིན་ཏུ་ཁྲུས་བྱས་པ། གོས་གཙང་མ་བགོས་པ། ཟས་དཀར་གསུམ་བཟའ་བས་ལྔོས་རོས་བླངས་ཏེ། ཟངས་ཀྱི་སྣོད་དུ་བཞག་ནས་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཚེས་བཅུ་གསུམ་ནས་ཚེས་{བཅྭ་,བཅོ་}ལྔའི་ཉའི་
D885.100.0151b05.01བར་དུ་བཟླས་བརྗོད་འབུམ་བྱས་ན་དེ་ནས་རྣམ་པ་གསུམ་འགྲུབ་པར་རིག་པར་བྱ་སྟེ། གལ་ཏེ་ནག་པོར་གྱུར་ན་དཔྲལ་བ་ལ་ཐིག་ལེ་བྱའོ། །དེ་ནས་མི་སྣང་བར་འགྲུབ་པར་འགྱུར་ཏེ། ལྷ་མ་ཡིན་གྱི་སྒོ་ཐམས་ཅད་དུ་འཇུག་པར་འགྱུར། གནས་ཐམས་ཅད་དུ་འཇུག་པར་
D885.100.0151b06.01འགྱུར། གང་འདོད་པ་དེ་བྱེད་པར་འགྱུར་རོ། །གལ་ཏེ་དུད་པ་བྱུང་ན་དེས་མིག་བསྐུ་བར་བྱའོ། །དེ་ནས་བྱང་ཆུབ་སེམས་དཔའི་གནས་ཐམས་ཅད་མཐོང་བར་འགྱུར། ལག་ན་རྡོ་རྗེའི་གནས་ཐམས་ཅད་མཐོང་བར་འགྱུར། ནོར་དང་འབྲུ་ཐམས་ཅད་རྙེད་པར་འགྱུར་ཏེ། གང་དུ་
D885.100.0151b07.01