完整藏文原文 · 德格版页 当前仅加载第 100 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་གསང་བའི་ཆོ་ག་ཞིབ་མོའི་རྒྱལ་པོ། བམ་པོ་གཉིས་པ། དེ་ནས་སྡིག་པ་ཀུན་ནི་སེལ་བྱེད་པའི། །རིག་སྔགས་ལུས་ཀྱི་དྲི་མ་མེད་བྱེད་པ། །སངས་རྒྱས་
D885.100.0149a01.01བྱང་ཆུབ་བླ་ན་མེད་པ་ཡི། །ཆོ་ག་ཞིབ་མོའི་རྒྱལ་པོ་དགེ་བར་བཤད། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །ཨོྃ་བི་པུ་ལ་གརྦྷེ། མ་ཎི་པྲ་བྷེ། ཏ་ཐཱ་ག་ཏ་ནིནྡེ་ཤ་ནེ། མ་ཎི་མ་ཎི། སུ་པྲ་བྷེ། བི་མ་ལེ། སཱ་ག་ར་གམྦྷཱི་རེ། ཧཱུྃ་ཧཱུྃ། ཛྭཱ་ལཱ་ཛྭཱ་ལཱ།
D885.100.0149a02.01བུདྡྷ་བི་ལོ་ཀི་ཏེ། གུ་ཧྱ་ཨདྷིཥྵཱི་ཏ་གརྦྷེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་གཟུངས་འདི་བཀའ་སྩལ་པ་ན་ས་ཆེན་པོ་འདི་རྣམ་པ་དྲུག་ཏུ་གཡོས་སོ། །རིན་པོ་ཆེའི་ཆར་ཆེན་པོ་བབ་པར་གྱུར་ཏོ། །
D885.100.0149a03.01མེ་ཏོག་གི་ཆར་ཆེན་པོ་འབབ་པོ། །འཁོར་ཐམས་ཅད་ཀྱང་འདུས་ཏེ་ཐམས་ཅད་ཀྱིས་ཅ་ཅོ་དང་ག་ཞའི་སྒྲ་ཕྱུང་ནས་ཐམས་ཅད་ས་བཅུ་ལ་གནས་པར་གྱུར་ཏེ། ཐམས་ཅད་དགེ་བའི་ཆོས་དང་ལྡན་པར་གྱུར་ཏོ། །དེ་ནས་སངས་རྒྱས་བཅོམ་ལྡན་འདས་ཐམས་ཅད་ཀྱིས་ཤཱཀྱ་ཐུབ་
D885.100.0149a04.01པ་ལ་ལེགས་སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་གང་བྱང་ཆུབ་ཀྱི་སྙིང་པོར་འགྲོ་བའི་གཟུངས་འདི་ལྟ་བུ་གསུངས་པ་ལེགས་སོ་ལེགས་སོ། །ཐོས་པ་ཙམ་གྱི་མོད་ལ་སྡིག་པ་དང་ངན་འགྲོ་ཐམས་ཅད་འཇིག་པར་འགྱུར་རོ། །གཟུངས་འདི་དྲན་པས་དེ་བཞིན་གཤེགས་པ་ཐམས་ཅད་
D885.100.0149a05.01ལ་ལྷའི་ན་བཟའ་དང་། བདུག་པ་དང་། མེ་ཏོག་དང་། དྲི་དང་། ཕྲེང་བ་དང་། བྱུག་པས་མཆོད་པར་འགྱུར་རོ། །བཀླགས་པ་ཙམ་གྱི་མོད་ལ་ཕྱིར་མི་ལྡོག་པར་གྱུར་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་
D885.100.0149a06.01ཏོ། །དེ་བཞིན་གཤེགས་པ་ཐམས་ཅད་ཀྱིས་བསོད་ནམས་མངོན་པར་འདུ་བྱེད་པ། བསྐལ་པ་འམ། བསྐལ་པ་བརྒྱའམ། བསྐལ་པ་སྟོང་ངམ། བསྐལ་པ་བརྒྱ་སྟོང་དུ་ཡང་བརྗོད་པར་མི་སྤྱོད་དེ། དེ་ལྟར་གཟུངས་འདི་ཕན་ཡོན་ཆེ་བ་ལགས་སོ། །བདུད་ཀྱི་རིས་ཀྱི་ལྷ་ཐམས་
D885.100.0149a07.01