完整藏文原文 · 德格版页 当前仅加载第 101 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་དེའི་ཚེ་བདག་ཅག་ཐམས་ཅད་འགུམ་པའི་དུས་ཀྱི་དབང་དུ་མཆིའོ། །བུ་དང་ཚ་བོར་བཅས་ཏེ་འགུམ་པར་མཆིའོ། །དེ་ནས་རྣམ་ཐོས་ཀྱི་བུ་ལ་སོགས་པ་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀླུ་མནས་བསྒག་པའི་སྔགས་ཀྱི་ཚིག་
D964.101.0065b01.01ཤིན་ཏུ་མི་བཟད་པ་དག་བཤད་དོ། །སྙིང་རྗེ་མ་མཆིས་པའི་མནས་བསྒག་པ་དག་བཤད་དོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དག་ཕྱི་མའི་ཚེ་ཕྱི་མའི་དུས་ན་ཀླུ་མི་བགྲུངས་པ་མ་རུངས་བ་གཏུམ་པ་གནོད་པར་བྱེད་པ་དག་འབྱུང་སྟེ། དེའི་ཚེ་མནའ་འདིས་འཇིགས་
D964.101.0065b02.01པར་འགྱུར། སྐྲག་པར་འགྱུར། དུས་དུས་སུ་ཆར་གྱི་རྒྱུན་ནི་ལེགས་པར་འབེབས་སོ། །དུས་དུས་སུ་ལོ་ཏོག་དང་། མེ་ཏོག་དང་། འབྲས་བུ་རྣམས་སྒྲུབ་པོ། །དེ་ནས་བཅོམ་ལྡན་འདས་ལ་རྒྱལ་བོ་ཆེན་པོ་རྣམ་ཐོས་ཀྱི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོ་ག་རྒྱ་ཆེར་
D964.101.0065b03.01བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་ཆོ་ག་བཀའ་སྩལ་པ། ཆར་མི་འབབ་པའི་དུས་ན་དེས་རིའམ། དགོན་པའི་གནས་སམ། གཙུག་ལག་ཁང་ངམ། ཆུ་མིག་གམ། མཚེའུ་འམ། མཚོའམ། ལྟེང་ཀའམ། ཁྲོན་པའམ། ཀླུའི་གནས་ཀྱི་མཚེའུ་འམ།
D964.101.0065b04.01འཇིམ་པ་དང་། ལྕི་བར་བསྲེས་པའི་དཀྱིལ་འཁོར་གྲུ་གསུམ་དུ་བྱ་སྟེ། དཀྱིལ་འཁོར་དབུས་ཟབས་ཁྲུ་གང་བརྐོས་ལ། ཁ་ཁྱེར་ཡང་ཁྲུ་གང་བར་བྱའོ། །ཤིན་ཏུ་འཇམ་པ་དང་། ཤིན་ཏུ་ཕྱི་བར་བྱའོ། །སྤོས་ཆུས་ཁོར་ཡུག་ཏུ་གཏོར་རོ། །དེའི་དབུས་སུ་རྒྱལ་པོ་ཆེན་པོ་བཞི་བྱ་སྟེ།
D964.101.0065b05.01བ་སེར་སྐྱའི་ལྕི་བ་དང་། འཇིམ་པར་བསྲེས་པས་ཀླུའི་རྒྱལ་པོ་མགོ་དགུ་གདེངས་ཀ་ཅན་ལུས་དབྱིབས་སྐུ་བར་བྱས་ཏེ། ཐམས་ཅད་ཀྱི་མགོ་ལ་ཡང་ཡིད་བཞིན་གྱི་ནོར་བུ་བྱའོ། །ཤར་ཕྱོགས་སུ་ཀླུའི་རྒྱལ་པོ་རྒྱ་མཚོ་བྱའོ། །ལྷོ་ཕྱོགས་སུ་ཀླུའི་རྒྱལ་པོ་གདུགས་བྱའོ། །ནུབ་ཕྱོགས་
D964.101.0065b06.01སུ་ཀླུའི་རྒྱལ་པོ་ཆུ་ལྷ་བྱའོ། །བྱང་ཕྱོགས་སུ་ཀླུའི་རྒྱལ་པོ་ལམ་བུ་ཀ་ར་བྱའོ། །དེའི་གཡོག་འཁོར་བདུན་བདུན་མགོ་གསུམ་པ། མགོ་གཉིས་པ། མགོ་ལྔ་པར་བྱའོ། །ལུས་དག་ལ་སྤོས་སྣ་ཚོགས་ཀྱིས་བྱུག་པར་བྱའོ། །ཙནྡན་དཀར་དམར་དང་། སུ་ར་བིན་ཙནྡན་དང་།
D964.101.0065b07.01