完整藏文原文 · 德格版页 当前仅加载第 101 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
སེར་བ་ཟློག་པའི་སླད་དུ་གསོལ་བ་བཏབ་པར་གྱུར་ནས། བཅོམ་ལྡན་འདས་དེ་ལ་ཀླུ་མི་བགྲུངས་བ་དེ་དག་གིས་ཇི་ལྟར་ནན་ཏན་དུ་བགྱི། དེ་དག་གི་སྲོག་སླར་ཞིང་ཇི་ལྟར་འགྱུར། བཅོམ་ལྡན་འདས་བདག་ཅག་གི་བུ་དང་ཚ་བོ་ཇི་ལྟ་བུ་མང་བར་འགྱུར། དེ་ནས་
D964.101.0071a01.01བཅོམ་ལྡན་འདས་ཀྱིས་ཀླུའི་བདག་པོ་ཆེན་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །ཀླུའི་བདག་པོ་དག་ཕྱི་མའི་ཚེ་ཕྱི་མའི་དུས་ན་བྱམས་པ་ལ་གནས་པར་བྱའོ། །དེ་བཞིན་གཤེགས་པའི་དམ་ཚིག་དང་མཐུན་པར་བྱའོ། །དུས་དུས་སུ་ཆར་གྱི་རྒྱུན་ཕོབ་ཅིག །དུས་དུས་སུ་མེ་
D964.101.0071a02.01ཏོག་དང་། འབྲས་བུ་དང་། ལོ་ཏོག་སྒྲུབས་ཤིག །རླུང་དང་། སྤྲིན་དང་། སེར་བ་ཐམས་ཅད་ཟློག་ཤིག །ཆུད་ཟ་བར་མ་བྱེད་ཅིག །ཀླུའི་བདག་པོ་དག་དེའི་ཕྱིར་ཁྱེད་ཕྱི་མའི་ཚེ་ཕྱི་མའི་དུས་ན་གནོད་པ་མེད་པར་གནས་པར་གྱིས་ཤིག །ཀླུའི་བདག་པོ་དག་གལ་ཏེ་ཡང་
D964.101.0071a03.01དག་པར་དམ་ཚིག་མ་བསྲུངས་ན་དེའི་ཕྱིར་ཀླུའི་བདག་པོ་དག་ཁྱེད་ལ་ཉེས་པ་ཆེན་པོར་འགྱུར་རོ་ཞེས་སྨྲའོ། །ཐོག་མར་ཀླུ་བསྐུལ་བའི་རིག་པ་རྫོགས་སོ།། །།དེ་ནས་དེའི་འོག་ཏུ་རྩ་བའི་རིག་པའི་ཆོ་ག་ཀླུ་རྣམས་ཀྱི་ཁྲོས་པ་ཞི་བར་བྱེད་པ་ནམ་མཁའ་ལྡིང་འབར་བའི་གཟི་
D964.101.0071a04.01བརྗིད་ཀྱི་སྙིང་པོའི་དཀྱིལ་འཁོར་འདི་བརྗོད་པར་བྱའོ། །ཐོག་མ་ཁོ་ནར་གནམ་དུ་བལྟས་ཏེ། ཡུངས་ཀར་དང་ཆུ་བསྲེས་པ་ཕྱོགས་བཞིར་གཏོར་ན། སད་དང་། རླུང་དང་། སྤྲིན་དང་། སེར་བ་ཐམས་ཅད་ཐུབ་པར་འགྱུར་རོ། །བཅིངས་པར་འགྱུར་རོ། །ཀླུ་ཐམས་ཅད་འདར་
D964.101.0071a05.01ཡེད་ཡེད་ཅིང་འཁོད་པར་འགྱུར་རོ། །ཐལ་བ་དང་ཆུར་བསྲེས་ལ་ལན་ཉི་ཤུ་རྩ་གཅིག་བཟླས་པ་བྱས་ཏེ། དབང་བསྐུར་ན་བདག་བསྲུང་བ་བྱས་པར་འགྱུར་རོ། །འབྲུག་ཟེར་བའི་ཚེ་ཡུངས་ཀར་ལ་ལན་ཉི་ཤུ་རྩ་བདུན་ཡོངས་སུ་བཟླས་པ་བྱས་ལ། ཆུ་ལ་ལན་བདུན་དུ་ཡོངས་སུ་
D964.101.0071a06.01བཟླས་པ་བྱས་ཏེ། གནམ་ལ་སྤྲིན་བཅིང་བར་བྱའོ། །དེ་ནས་སྤྲིན་ལ་བལྟས་ཏེ། ཡུངས་ཀར་གནམ་དུ་གཏོར་ན་མེ་ཏོག་དང་། འབྲས་བུ་ཐམས་ཅད་བསྡུས་ནས་སའི་སྟེང་དུ་ལྟུང་ངོ་། །སྔགས་ཀྱང་བརྗོད་ཅིང་ཁྲོས་པས་ཕཊ་ཅེས་བྱ་བ་བརྗོད་པར་བྱ་སྟེ། ཕཊ་ཅེས་བྱ་བ་ལ་ལན་
D964.101.0071a07.01