完整藏文原文 · 德格版页 当前仅加载第 101 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་གྱིས་ཀླུ་ཕྲུ་གུ་རྣམས་ཀྱང་ལྷུང་བར་འགྱུར། ཀླུ་རྣམས་ཀྱི་ལུས་ཀྱང་ཞིག་སྟེ་ཐང་ལ་ལྷུང་བར་འགྱུར་རོ། །བལ་པོ་སེའུའི་ལྕུག་མ་ལ་ལན་ཉི་ཤུ་རྩ་གཅིག་ཡོངས་སུ་བཟླས་པ་བྱས་ཏེ། འཁོར་ལོའི་ཚུལ་དུ་ལན་བདུན་བསྐོར་ན་ཀླུ་མི་བགྲུངས་པ་ཐམས་ཅད་སད་དང་།
D964.101.0071b01.01སྤྲིན་དང་། རླུང་དང་། སེར་བ་ཐམས་ཅད་ས་ལ་མི་འབེབས་སོ། །མགོ་ཚལ་པ་བདུན་དུ་འགས་སོ། །མིག་འབྱུང་ངོ་། །ཁྲོས་པས་བརྒྱ་རྩ་བརྒྱད་ཡོངས་སུ་བཟླས་པ་བྱས་ན། ཀླུ་རྣམས་རིགས་དང་། སྤྲིན་དང་། གཡོག་འཁོར་ཀུན་དང་བཅས་ཏེ་སའི་སྟེང་དུ་ལྷུང་ངོ་། །
D964.101.0071b02.01ཀླུའི་ཁྱིམ་དང་། གཞལ་ཡས་ཁང་མཐའ་དག་དང་། ཆུ་དང་། ཤིང་དང་། ནགས་ཚལ་དུ་བཅས་པ་མེ་ལྕེ་འབར་བ་གཅིག་ཏུ་འགྱུར་རོ། །ཀླུའི་རྒྱལ་པོ་ཆེན་པོ་གཟི་བརྗིད་ཆེ་བ་མཐུ་ཆེ་བ་ཐམས་ཅད་ཀྱང་ཀླད་ནད་དྲག་པོས་བཏབ་པར་འགྱུར་རོ། །གལ་ཏེ་རིག་པ་འཛིན་པས་
D964.101.0071b03.01མྱུར་དུ་མ་བསྐྱབས་ན་རིགས་ཐམས་ཅད་ཕུང་བར་འགྱུར་རོ། །བུ་དང་། ཚ་བོ་དང་། འཁོར་དུ་བཅས་པ་དང་། བཞོན་པར་བཅས་ཏེ་རྣམ་པར་མེད་པར་འགྱུར། མིག་མེད་པར་འགྱུར་རོ། །ཆར་མེད་པའི་དུས་ན་ཡུངས་ཀར་ལ་ལན་སྟོང་བཟླས་ཏེ། ཁྱིམ་ལ་གཏོར་ན། ཀླུ་ཐམས་ཅད་
D964.101.0071b04.01འདར་ཡེད་ཡེད་ཅིང་། ཁྱིམ་དང་མཚོ་མེ་ལྕེ་འབར་བ་གཅིག་ཏུ་གྱུར་ཏེ། འདོད་པ་བཞིན་དུ་མྱུར་དུ་ཆར་གྱི་རྒྱུན་འབེབས་སོ། །ཡང་དང་ཡང་ཆར་གྱི་རྒྱུན་འབེབས་སོ། །གང་གི་ཚེ་ཆར་དགོས་པ་དེའི་ཚེ་རིག་པ་འཛིན་པས་ཆུ་དང་ཡུངས་ཀར་ལ་ལན་བརྒྱ་རྩ་བརྒྱད་ཡོངས་སུ་བཟླས་པ་བྱས་
D964.101.0071b05.01ཏེ། གནས་མཐོན་པོར་སོང་ལ་ཤར་ཕྱོགས་སུ་བལྟས་ཏེ་འདུག་ནས་ཆུ་སྙིམ་པ་བདུན་ལ་སྔགས་ལན་བདུན་བདུན་དུ་ཡོངས་སུ་བཟླས་ཏེ། ཤར་ཕྱོགས་སུ་གཏོར་ན་ཀླུའི་རྒྱལ་པོ་ཐམས་ཅད་འཕྲལ་དུ་གཅིག་ཏུ་འདུས་ཏེ་ཆར་གྱི་རྒྱུན་འབེབས་སོ། །སྐྱ་རེངས་ཤར་བའི་དུས་ན་ཡུངས་
D964.101.0071b06.01ཀར་དང་། གུར་གུམ་དང་ཆུར་བསྲེས་ལ་ལན་བདུན་བཟླས་པ་བྱས་ཏེ་ཕྱོགས་བཞིར་གཏོར་ཞིང་སྟེང་དང་འོག་ཏུ་ཡང་གཏོར་ན་སད་དང་། རླུང་དང་། སྤྲིན་དང་། སེར་བ་ཐམས་ཅད་ལ་ཀུན་ནས་དཔག་ཚད་ཚུན་ཆད་དུ་མཚམས་བཅད་པར་འགྱུར་རོ། །ཀླུ་མི་སྲུན་པ་ཐམས་
D964.101.0071b07.01