完整藏文原文 · 德格版页 当前仅加载第 101 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་ཏོ། །གཟུངས་བཏོན་མ་ཐག་པ་ཙམ་གྱིས་ཀླུ་ཐམས་ཅད་འདར་ཡེད་ཡེད་དོ། །བལ་པོ་སེའུ་ཤིང་གི་ལྕུག་མ་དང་། ཤིང་ཀ་ར་བཱི་རའི་ལྕུག་མས་རླུང་དང་སྤྲིན་བཟློག་པར་བྱའོ། །བའི་ལྕི་བ་ས་ལ་མ་ལྷུང་བས་ཁང་སྟེང་དུ་དཀྱིལ་འཁོར་གྲྭ་བཞི་པ་
D964.101.0073a01.01ཤིན་ཏུ་རྣམ་པར་ཕྱེ་བ་རེའུ་ཆ་ལེགས་པར་བྱས་པ་བྱ་སྟེ། སེང་ལྡེང་གི་ཕུར་བུ་སོར་བརྒྱད་པ་བརྒྱད་ཕྱོགས་མཚམས་སུ་གཟུགས་སོ། །མདའ་ལྔ་གཟུགས་སོ། །རྩེ་གསུམ་པ་གཟུགས་སོ། །མདའ་བཞི་ལ་ཚོན་སྣ་ལྔའི་སྐུད་པ་བཞི་འཁོར་བར་བསྐོར་རོ། །བུམ་པ་གང་བ་
D964.101.0073a02.01བཞི་དང་། པོག་ཕོར་དང་། གཏོར་མའི་བུམ་པ་བཞི་གཞག་གོ། །གཏོར་མ་དཀར་པོས་བཀང་བ་བཞི་དཀྱིལ་འཁོར་གྱི་དབུས་སུ་གཞག །མེ་ཏོག་སིལ་མས་གང་བར་གཏོར། བྲ་ཡོས་དང་ཡུངས་ཀར་གྱིས་གཏོར་རོ། །ཐམས་ཅད་ལ་ལན་བདུན་བདུན་གྱིས་བཟླས་པ་བྱས་
D964.101.0073a03.01ཏེ་གཟུགས་སོ། །ཡུངས་ཀར་དང་ཆུ་བསྲེས་ལ་བཟླས་པ་བྱས་པས་ཕྱོགས་བཞིར་མཚམས་གཅད་དོ། །དེ་ནས་དཔག་ཚད་ཚུན་ཆད་ཀུན་དུ་མཚམས་ཆེན་པོ་བཅད་པར་འགྱུར་རོ། །དེ་ཀླུ་མི་སྲུན་པ་རྣམས་འཕྲོག་མི་ནུས་སོ། །ཀླུ་ཆེན་པོ་རྣམས་ཀྱང་རྟག་ཏུ་དུས་མ་ཡིན་པའི་རླུང་
D964.101.0073a04.01དང་། སྤྲིན་དང་སེར་བ་འབེབས་མི་ནུས་སོ། །མེ་ཏོག་དང་འབྲས་བུ་ཐམས་ཅད་འཚེ་ཡང་མི་ནུས། ལན་འགའ་ཡང་རྩྭའི་ལོ་མ་ཡང་འཚེ་མི་ནུས། བཅིང་བ་ལྔས་བསྡམས་ཏེ་ཐམས་ཅད་བཅིངས་པར་འགྱུར་རོ། །འདི་ཟླ་བ་བརྒྱད་དུ་མཚམས་བཅིངས་པར་འགྱུར། གནོད་སྦྱིན་
D964.101.0073a05.01དང་། འབྱུང་པོ་དང་། སྲིན་པོ་དང་། {ཡི་དགས་,ཡི་དྭགས་}དང་། གྲུལ་བུམ་དང་། གསང་བ་པ་དེ་རྣམས་གནས་འདི་ལས་མི་འདའོ། །དེ་ནས་རིག་པ་འཛིན་པ་དཀྱིལ་འཁོར་གྱི་དབུས་སུ་འདུག་སྟེ། བལ་པོ་སེའུ་ཡི་ཤིང་གི་ལྕུག་མ་ལ་ལན་བདུན་བཟླས་པས་ཀླུ་བཟློག་པར་བྱའོ། །ཤིན་ཏུ་ཁྲོ་བས་
D964.101.0073a06.01བཟློག་པར་བྱ་བ་ནི་མ་ཡིན་ནོ། །ཀླུའི་སྐྱིལ་མོ་ཀྲུང་གི་ཕྱག་རྒྱ་བཅིང་བར་བྱ་སྟེ། མཛུབ་མོ་གཉིས་མགོ་བོ་གདེངས་ཀ་ལྟར་བྱས་ལ་མཐེའུ་ཆུང་གཉིས་བརྐྱང་ངོ་། །འདི་ནི་ཀླུ་ཐམས་ཅད་ཀྱི་ཕྱག་རྒྱའོ། །བརྗོད་མ་ཐག་ཙམ་གྱིས་ཀླུ་ཐམས་ཅད་ཀྱི་སྙིང་དག་ལ་གནོད་པར་འགྱུར་རོ། །
D964.101.0073a07.01