完整藏文原文 · 德格版页 当前仅加载第 101 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བལ་པོ་སེའུ་ཤིང་གི་ལྕུག་མ་ལ་ཀླུའི་གཟུགས་ལ་ལན་བརྒྱ་རྩ་བརྒྱད་དུ་བྱབ་པ་བྱས་ན་ཀླུ་གང་གི་མིང་བྲིས་པའི་ཀླུ་དེ་བཀུག་པར་འགྱུར་ཏེ། ཀླུ་དེ་ཡང་རང་གི་ཁྱིམ་ལ་དགའ་བར་མི་འགྱུར་རོ། །གལ་ཏེ་ཆར་གྱི་རྒྱུན་ལེགས་པར་མ་ཕབ་ན་འཕྲལ་དུ་སྲོག་མ་
D964.101.0067a01.01རུང་བར་འགྱུར་རོ། །ཡུངས་ཀར་ལ་ལན་སྟོང་རྩ་བརྒྱད་རེ་རེ་ལ་ཡོངས་སུ་བཟླས་བ་བྱས་ཏེ། སྟོང་རྩ་བརྒྱད་དུ་ཚང་ན་ཀླུའི་གཟུགས་ཐམས་ཅད་འགྲོ་ཞིང་མགོ་གདེངས་ཀ་བྱེད་དོ། །དེའི་འོག་ཏུ་བལ་པོ་སེའུའི་ལྕུག་མས་བསྡིགས་ན་ལྡང་ཞིང་ལྕེ་སྟོན་པར་འགྱུར། ལུས་ཀྱི་བར་
D964.101.0067a02.01དུ་སྟོན་པར་འགྱུར། ཀླུ་ཐམས་ཅད་དབང་དུ་འགྱུར་ཏེ། གང་བསྒོ་བ་དེ་བཞིན་བྱེད་དོ། །འོ་མ་དང་ཡུངས་ཀར་ལ་སྔགས་བརྒྱ་རྩ་བརྒྱད་ཡོངས་སུ་བཟླས་པ་བྱས་ཏེ། གནས་ཐམས་ཅད་དུ་གཏོར་ན་ཐམས་ཅད་ལ་ཕྱིར་ལེགས་པར་བྱས་པར་འགྱུར་རོ། །འདི་ནི་ཆོ་ག་བཞི་པའོ།། །།
D964.101.0067a03.01དེ་ནས་ཀླུའི་རྒྱལ་པོ་རྒྱ་མཚོ་དང་། གཞན་ཡང་ཀླུའི་རྒྱལ་པོ་མཐུ་ཆེ་བ་ཀླུའི་རྒྱལ་པོ་བརྒྱ་སྟོང་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཀྱི་ཚིག་ཤིན་ཏུ་མི་བཟད་པ་དག་བཀའ་སྩལ་ཏོ། །ལས་
D964.101.0067a04.01སྒྲུབ་པ་ཤིན་ཏུ་མི་བཟད་པ་དག་བཀའ་སྩལ་ཏོ། །བཅོམ་ལྡན་འདས་བདག་ཅག་གིས་ཀྱང་དེ་དང་འདྲ་བར་བཤད་པར་བགྱིའོ། །དུས་དུས་སུ་ཆར་གྱི་རྒྱུན་འབེབས་སོ། །སླན་ཆད་སེམས་ཅན་དག་ལ་རྣམ་པར་འཚེ་བར་མི་བགྱིད་དོ། །བཅོམ་ལྡན་འདས་བདག་ཅག་གིས་ཀླུ་མི་བགྲུངས་
D964.101.0067a05.01པ་རྣམ་པར་འཚེ་བར་བགྱིད་པ་རྣམས་ཀྱི་དོན་དུ་དམ་ཚིག་མ་འཚལ་བ་རྣམས་བཟློག་པའི་སྔགས་ཀྱི་ཚིག་བཤད་པར་འཚལ་ན། བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ། ཀླུའི་བདག་པོ་དག་ངས་དམ་ཚིག་གི་སྔགས་བྱིན་གྱིས་བརླབ་ཀྱིས་དེ་ཤོད་ཅིག །ན་མོ་བྷ་ག་བ་ཏེ་
D964.101.0067a06.01ཤཱཀྱ་མུ་ན་ཡེ། ཏཐཱ་ག་ཏཱ་ཡ། ཏདྱ་ཐཱ། བྷུ་ཛེ་བྷུ་ཛེ། ས་མ་ཡ་བྷུ་ཛེ། ཏཏྭ་བྷུ་ཛེ། པྲ་བྷ་ར་བྷུ་ཛེ། ས་མནྟ་ཨཱ་ཀཱ་ར་བྷུ་ཛེ། དུ་རུ་དུ་རུ་སྭཱ་ཧཱ། ས་མ་ཡ་བ་ལ་ནེ་སྭཱ་ཧཱ། ནཱ་ག་མ་ར་སཉྩོ་ད་ནི་སྭཱ་ཧཱ། བཅོམ་ལྡན་འདས་སླད་མའི་ཚེ་སླད་མའི་དུས་ན་ཀླུ་མི་བགྲུངས་པ་ཐམས་ཅད་
D964.101.0067a07.01