完整藏文原文 · 德格版页 当前仅加载第 101 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུན་མ་ཕབ་ན། བཅོམ་ལྡན་འདས་དེའི་ཚེ་ཤ་བཀྲ་འབྱུང་བར་འགྱུར་ལགས་སོ། །ལོང་བ་དང་ལུས་དྲི་མི་ཞིམ་པར་འགྱུར་ལགས་སོ། །སངས་རྒྱས་དང་། ཆོས་དང་། དགེ་འདུན་སླུ་བར་བགྱིད་པ་ལགས་སོ། །འཇིག་རྟེན་གསུམ་སླུ་བར་
D964.101.0068a01.01བགྱིད་པ་ལགས་སོ། །བདག་ཅག་ཀླུའི་སྐྱེ་གནས་འཕོ་བར་གྱུར་ཅིག །བཅོམ་ལྡན་འདས་གཞན་ཐམས་ཅད་ལ་ཡང་སྦྱོར་བར་བགྱིད་ན་ཐམས་ཅད་རུང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་དེ་དག་དབུགས་ཕྱུང་། དམ་ཚིག་ལ་བཀོད་ནས་རྒྱལ་
D964.101.0068a02.01པོ་ཆེན་པོ་རྣམ་ཐོས་ཀྱི་བུ་ལ་ཡོངས་སུ་གཏད་དེ། རྗེས་སུ་གཏད་ནས་ས་ཕྱོགས་དེ་ནས་གཤེགས་སོ། །རྣམ་ཐོས་ཀྱི་བུ་ནི་གཞི་ལ་བཞུགས་སོ། །ཀླུའི་དམ་ཚིག་ཅེས་བྱ་བ་ཆར་འབེབས་པའི་སྐབས་རྫོགས་སོ།། །།དེ་ནས་བཅོམ་ལྡན་འདས་ཚངས་པའི་
D964.101.0068a03.01ཁང་པ་བརྩེགས་པར་བཞུགས་པ་དང་། ལྷའི་ཚོགས་དུ་མ་ལྷགས། བྱང་ཆུབ་སེམས་དཔའི་འཁོར་ཆེན་པོ་ཡང་ལྷགས། ལྷ་རྣམས་ཀྱི་དབང་པོ་བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། ཀླུའི་དབང་པོ་མཐུ་ཆེ་བ་ཐམས་ཅད་ཀྱང་ལྷགས།
D964.101.0068a04.01ནམ་མཁའ་ལྡིང་གི་དབང་པོ་དང་། རྒྱལ་པོ་ཆེན་པོ་གསེར་མིག་གི་འདབ་མ་ཅན། རྡོ་རྗེའི་མཆུ་ཅན། བདག་ཉིད་ཆེན་པོ་ལུས་འབར་ཞིང་ཁྲོ་བ། འཇིགས་སུ་རུང་བའི་རྩལ་ཅན། རིན་པོ་ཆེ་ཐ་དད་པ་སྣ་ཚོགས་དང་། མུ་ཏིག་དང་། གསེར་གྱིས་སྤྲས་པའི་ཅོད་པན་མགོ་ལ་
D964.101.0068a05.01ཐོགས་པ་གསེར་གྱིས་བཀླུབས་པ། དྲག་པོའི་གཟུགས་ཅན། འགྱིང་བར་ལྟ་བ། ཀླུའི་དབང་པོ་གདན་དུ་བཏིང་བ། གཡོག་འཁོར་མང་པོ་ཐམས་ཅད་དང་ལྷགས་སོ། །གནོད་སྦྱིན་གྱི་དབང་པོ་ལག་ན་རྡོ་རྗེ་གནོད་སྦྱིན་བྱེ་བ་དང་། རྡོ་རྗེ་འཛིན་གཡོག་འཁོར་རིག་འཛིན་སྟོང་
D964.101.0068a06.01ལྷགས་ཏེ། བཅོམ་ལྡན་འདས་ནི་ནོར་བུ་རིན་པོ་ཆེ་སྣ་ཚོགས་ཀྱིས་སྤྲས་པ། མུ་ཏིག་དམར་པོ་ཐ་དད་པ་མང་པོས་བརྒྱན་པའི་སེང་གེའི་ཁྲི་ལ་བཞུགས་པ། ཁང་པ་བརྩེགས་པ་ན་ཞམ་རིང་ཆེན་པོ་དང་། དེ་བཞིན་གཤེགས་པའི་བྱིན་གྱི་རླབས་ཆེན་པོས་བྱིན་གྱིས་བརླབས་པ་དང་ལྡན་
D964.101.0068a07.01