完整藏文原文 · 德格版页 当前仅加载第 101 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འདི་སྐད་ཅེས་བཀའ་སྩལ་ཏོ། །ཀླུའི་རྒྱལ་པོ་དག་དེ་ལྟར་གྱིས་ཤིག །ཡལ་བར་མ་གཏང་ཤིག །དེ་ནས་དེའི་འོག་ཏུ་ཆོ་ག་བྱ་བ་བརྗོད་པར་བྱ་སྟེ། སྔགས་འདི་དཔའ་བ་གཅིག་པུ་ནི། །ལས་ཀུན་བྱེད་པ་དགེ་བ་སྟེ། །ཤེས་རབ་ཅན་གྱིས་ལན་ཅིག་དྲན། །དགོས་པ་
D964.101.0076b01.01ཐམས་ཅད་བྱེད་པར་འགྱུར། །མཐོན་པོའི་གནས་སུ་མཁས་པ་ཡིས། །སྒྲ་སྐད་ཆེན་པོ་བརྗོད་པར་བྱའོ། །གནས་གང་དང་གང་དུ་སྒྲ་བསྒྲགས་པ་དེ་དང་དེར་དུས་མ་ཡིན་པའི་རླུང་དང་། སད་དང་། སྤྲིན་དང་། སེར་བ་དང་། གློག་ཐམས་ཅད་ཀྱིས་མི་ཚུགས་སོ། །སུས་ཀྱང་བྱིན་
D964.101.0076b02.01འཕྲོག་པར་མི་ནུས་སོ། །གཙེ་བར་མི་ནུས་སོ། །གནས་མཐོན་པོའི་རིའམ། དགོན་པའི་གནས་སམ། གྲོང་ངམ། གཙུག་ལག་ཁང་ངམ་གནས་ཁང་ཤིན་ཏུ་མཐོ་བ་དེར་རིག་པ་འཛིན་པ་གཙང་མར་བྱས་ཏེ། གོས་གཙང་མ་དཀར་པོ་བགོས་ལ་ཁ་ཤར་ཕྱོགས་སུ་བལྟས་ཏེ། བའི་ལྕི་བ་དང་
D964.101.0076b03.01འཇིམ་པ་བསྲེས་པས་དཀྱིལ་འཁོར་ཁྲུ་གང་གྲུ་བཞི་བ་བྱས་ལ། དཀྱིལ་འཁོར་གྱི་དབུས་སུ་མདའ་གང་ཙམ་པ་ཅིག་བཙུགས་ཏེ། སྔགས་ལན་ཉི་ཤུ་རྩ་གཅིག་བཟླས་སོ། །དཀྱིལ་འཁོར་གྱི་གྲྭ་བཞིར་སེང་ལྡེང་གི་ཕུར་བུ་སོར་བརྒྱད་པ་བཙུགས་ཏེ། སྔགས་ལན་ཉི་ཤུ་རྩ་གཅིག་བཟླས་པ་
D964.101.0076b04.01བྱས་ལ། ཚོན་སྣ་ལྔ་པའི་སྐུད་པས་ལན་གསུམ་འཁྲིས་པར་བསྐོར་རོ། །དཀྱིལ་འཁོར་གྱི་དབུས་སུ་བོག་བོར་བཞག་ལ་ལན་བདུན་བཟླས་པའི་བདུག་པས་བདུག་གོ། །ལན་ཉི་ཤུ་རྩ་གཅིག་བཟླས་པ་བྱས་ལ་ཡུངས་ཀར་གྱིས་གཏོར་རོ། །མེ་ཏོག་སིལ་མས་གང་བར་གཏོར་རོ། །ཕྱོགས་
D964.101.0076b05.01བཞིར་གཏོར་མའི་བུམ་པ་བཞི་གཞག་གོ། །དཀྱིལ་འཁོར་གྱི་དབུས་སུ་གཏོར་མ་གཞག་པར་བྱ་སྟེ། ཞོ་དང་། འོ་མ་དང་། འབྲས་བཙོས་པ་དང་། བུ་རམ་དང་། ཤ་ཀ་རས་གདབ་བོ། །ཆུ་དང་ཡུངས་ཀར་ལ་སྔགས་ལན་ལྔ་བརྗོད་དེ། ཕྱོགས་བཞིར་མཚམས་གཅད་པར་བགྱི་ཟླ་བ་ཉ་ལ་སྦྱོར་
D964.101.0076b06.01བ་བྱའོ། །སྐད་ཆེར་བཀླགས་ལ་ཕྱོགས་བཞི་དང་། སྟེང་དང་འོག་ཏུ་ཡུངས་ཀར་གཏོར་ཞིང་ཀླུ་ཐམས་ཅད་ཀྱི་སོ་སོའི་མིང་ནས་བརྗོད་ན། ཆོ་ག་འདི་བྱས་མ་ཐག་ཏུ་དུས་མ་ཡིན་པའི་རླུང་དང་། སྤྲིན་དང་སེར་བ་དང་ཀླུ་མི་སྲུན་པ་ཐམས་ཅད་བཅིངས་པར་འགྱུར་ཐུབ་པར་འགྱུར་རོ། །ལྟས་ངན་པ་དང་
D964.101.0076b07.01