完整藏文原文 · 德格版页 当前仅加载第 101 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །བཟླས་པ་སྟོང་རྩ་བརྒྱད་ཚང་བར་བྱས་ན་ཀླུའི་རྒྱལ་པོ་ཆེན་པོ་ཐམས་ཅད་དབང་དུ་འགྱུར་རོ། །ཐམས་ཅད་སྟོན་པར་འགྱུར་རོ། །ཅི་བསམས་པ་དེ་ཐམས་ཅད་སྦྱིན་པར་འགྱུར་རོ། །དབང་ཐམས་ཅད་བཟློག་པར་འགྱུར་རོ། །རང་གི་སྐྱེ་བོ་དང་། འཁོར་དུ་
D964.101.0072b01.01བཅས་པ་དང་། བུ་དང་ཚ་བོར་བཅས་པ་ཐམས་ཅད་དབང་དུ་འགྱུར་རོ། །ལས་ཐམས་ཅད་བྱེད་པར་འགྱུར་རོ། །རང་གི་ཁྱིམ་བཞིན་དུ་ཡོངས་སུ་སྐྱོང་བར་འགྱུར་རོ། །ཀླུའི་གཟུགས་དེ་གནས་དབེན་པར་བཞག་ལ་མེ་ཏོག་དང་བདུག་པ་སྦྱིན་ནོ། །ལང་ལོང་མེད་པར་བཞག་ཅིང་
D964.101.0072b02.01མི་མཐོང་བར་བྱ་སྟེ། སུ་ལ་ཡང་མི་བསྟན་ནོ། །གོས་གཙང་མས་དགའ་བོ། །ནམ་དགོས་པ་ཡོད་པ་དེའི་ཚེ་ཡུངས་ཀར་ལ་ལན་བརྒྱ་རྩ་བརྒྱད་བཟླས་པ་བྱས་ཏེ་བསྣུན་ན་དགོས་པ་ཐམས་ཅད་བྱེད་པར་འགྱུར་རོ། །གར་བཏང་བ་དེར་འགྲོ་ཞིང་སླར་ཡང་འོང་ངོ་། །རྨི་ལམ་དུ་དགོས་
D964.101.0072b03.01པ་ཐམས་ཅད་སྟོན་ཅིང་ལས་ཐམས་ཅད་བྱེད་པར་འགྱུར་རོ། །ཀླུའི་མངག་གཞུག་པ་ཞེས་བྱའོ། །གང་གི་ཚེ་དུས་མ་ཡིན་པའི་སྤྲིན་དང་། རླུང་དང་སེར་བ་དང་སད་བྱུང་བ་དེའི་ཚེ་སྐྱེ་ཚེའི་འབྲུ་དང་ཡུངས་ཀར་དུ་བསྲེས་ལ་ལན་བརྒྱ་རྩ་གཅིག་བཟླས་པ་བྱས་ཏེ་ཁྲོས་པས་ཀླུའི་གཟུགས་ལ་
D964.101.0072b04.01བསྣུན་ན་སྐད་ཅིག་དེ་ལ་རླུང་དང་སེར་བ་དང་། སྤྲིན་མེད་པར་འགྱུར་ཏེ་ཐམས་ཅད་བཅིང་བར་འགྱུར་རོ། །ཐན་པ་བྱུང་བ་དེའི་ཚེ་ཡི་གེར་བྲིས་ལ་སྐུད་པ་དམར་པོས་དཀྲིས་ལ་སྐུད་པ་ལ་མདུད་པ་ཉི་ཤུ་རྩ་གཅིག་བོར་ཏེ། ཀླུའི་མགུལ་དུ་བཏགས་ལ་ཀླུའི་སྤྱི་བོར་ལན་ཉི་ཤུ་རྩ་གཅིག་བཟླས་
D964.101.0072b05.01པ་བྱས་ན་སྐད་ཅིག་དེ་ལ་ཆར་གྱི་རྒྱུན་འབེབས་ཏེ་སྒྲུབ་པ་པོ་ཇི་ལྟར་འདོད་པ་བཞིན་ཆར་འབེབས་སོ། །ཧ་ཅང་ཆར་ཆེན་སྐུད་པ་སྔོན་པོ་ལ་ལན་བདུན་བཟླས་པ་བྱས་ཏེ་མདུད་པ་བདུན་བོར་ན་ཆར་ཆེན་པོ་འཆད་པར་འགྱུར་རོ། །ཆོ་ག་དང་རིག་པ་སྒྲུབ་པ་གཞན་ཐམས་ཅད་ལ་ཡང་སྔགས་འདི་
D964.101.0072b06.01ཐོག་མ་ཁོ་ནར་ལན་བདུན་བདུན་བརྗོད་དོ། །འདི་ཀུན་དུ་སྦྱོར་བ་སྟེ་བརྗོད་པ་བསྒྲུབ་པ་འགྲུབ་བོ། །ནམ་མཁའ་ལྡིང་ཆེན་པོ་རྡོ་རྗེ་ཤུགས་འབར་བ་ནམ་མཁའ་ལྡིང་གི་སྙིང་པོ་དཀྱིལ་འཁོར་ཞེས་བྱ་བའི་གཟུངས་རྫོགས་སོ།། །།དེ་ནས་དེའི་འོག་ཏུ་རྩ་བའི་སྙིང་པོའི་ཆོ་ག་
D964.101.0072b07.01