完整藏文原文 · 德格版页 当前仅加载第 101 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཀླུ་དག་ཕྱོགས་དེ་མ་རུང་བར་བྱ་བར་འདོད་ན། དེའི་ཚེ་བྱེ་ཚན་མགོ་ལ་འབབ་བོ། །མགོ་དང་། མཇུག་མ་དང་། ཁོག་པ་ཇི་ཙམ་བར་དེ་ཙམ་དུ་ལུས་ལ་རལ་གྲིའི་ཆར་གྱི་རྒྱུན་འབབ་པར་འགྱུར་རོ། །དེ་ནས་ཀླུ་ཐམས་ཅད་དངངས་སྐྲག་པར་གནས་པར་འགྱུར་
D964.101.0073b01.01ཏེ། དེའི་ཚེ་འཛམ་བུའི་གླིང་དུ་དུས་དུས་སུ་ཆར་གྱི་རྒྱུན་འབེབས་སོ། །ཀླུ་མི་བགྲུངས་པ་ཐམས་ཅད་དབང་དུ་འགྱུར་རོ། །ཁང་སྟེང་དུ་དཀྱིལ་འཁོར་གྲུ་བཞི་པ་བྱས་ཏེ། མེ་ཏོག་སིལ་མས་གང་བར་གཏོར་ལ་བདུག་པས་བདུགས་ཏེ། བུམ་པ་ཆུས་བཀང་བ་ཐམས་ཅད་
D964.101.0073b02.01ལ་ལན་བདུན་དུ་བཟླས་པར་བྱའོ། །གཏོར་མ་གཞག་གོ། །སེང་ལྡེང་གི་ཕུར་བུ་ལ་ལན་ཉི་ཤུ་རྩ་གཅིག་བཟླས་ཏེ། སེང་ལྡེང་གི་ཕུར་བུ་དཀྱིལ་འཁོར་གྱི་དབུས་སུ་བཙུགས་ན་རླུང་དང་། སྤྲིན་དང་སེར་བ་དང་སད་ཀྱི་ཉེས་པ་ཐམས་ཅད་བཅིངས་པར་འགྱུར་ཏེ། ཕུར་བུ་མ་
D964.101.0073b03.01ཕྱུང་གི་བར་དུ་ཐུབ་པར་འགྱུར་རོ། །ཡུངས་ཀར་ལ་ལན་བདུན་བཟླས་ལ་སྤྲིན་ལ་བལྟས་ཏེ་གཏོར་ན་སེར་བ་ཐམས་ཅད་འཆད་པར་འགྱུར་རོ། །ཤིང་ཀ་ར་བཱི་རའི་ལྕུག་མ་ལ་ལན་ཉི་ཤུ་རྩ་གཅིག་བཟླས་ཏེ་གདུ་བུར་བྱས་ན་ཐམས་ཅད་དུ་སེར་བ་ཆོད་པར་འགྱུར་རོ། །ཤིང་ཀ་ར་
D964.101.0073b04.01བཱ་ར་དམར་པོའི་མེ་ཏོག་ལ་ལན་ཉི་ཤུ་རྩ་གཅིག་བཟླས་ཏེ་གློག་འབྱུང་བའི་ཚེ་ན་ནམ་མཁའ་ལ་འཕངས་ན་ནམ་མཁའ་ཉིད་དུ་འདུག་སྟེ་བཅིངས་པར་འགྱུར་རོ། །ཆུ་ལ་ལན་བདུན་བཟླས་ཏེ་གཏོར་ན་གྲོལ་བར་འགྱུར་རོ། །འབྲུག་ཟེར་བའི་ཚེ་རྩེ་གསུམ་པ་ལ་ལན་ཉི་ཤུ་རྩ་གཅིག་བཟླས་
D964.101.0073b05.01ཏེ། དཀྱིལ་འཁོར་ཀྱི་དབུས་སུ་བཙུགས་ན་རྩེ་གསུམ་པ་མ་ཕྱུང་གི་བར་དུ་འབྲུག་ཟེར་ཏེ་སྤྲིན་བཅིངས་པར་འགྱུར་རོ། །ཕྱུང་ནས་གྲོལ་བར་འགྱུར་རོ། །རལ་གྲི་ལ་ལན་བདུན་བཟླས་ཏེ་ཀླུའི་ཕྱག་རྒྱ་སྐྱིལ་མོ་ཀྲུང་གིས་བཟུང་ལ་སྤྲིན་ལ་བལྟས་ཏེ་འདུག་ན་བཟུང་མ་ཐག་ཏུ་མཐའ་དག་
D964.101.0073b06.01འབར་བར་འགྱུར་ཏེ་ཀླུ་ཐམས་ཅད་ལྐུགས་པར་འགྱུར་རོ། །རལ་གྲི་ཐོགས་ལ་ལན་བརྒྱ་རྩ་བརྒྱད་བཟླས་ཏེ། གུར་གུམ་གྱིས་དེའི་སྟེང་དུ་ནམ་མཁའ་ལྡིང་བྲིས་ནས་ཇི་ལྟ་ཇི་ལྟ་བུར་བསྐོར་བ་དེ་ལྟ་བུར་ནམ་མཁའ་ལྡིང་གི་འདབ་གཤོག་ཀླུའི་ལུས་ལ་འབབས་པར་འགྱུར་ཏེ། ཀླུ་ཐམས་ཅད་
D964.101.0073b07.01