完整藏文原文 · 德格版页 当前仅加载第 101 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
སླར་བཟློག་པའི་སླད་དུ་བདག་ཅག་གིས་ཀླུའི་དམ་ཚིག་གི་སྔགས་འདི་བཤད་དོ། །ཧ་ཅང་ཆར་ཆེ་བའི་ཚེ་དང་། ཆར་དཀོན་པའི་ཚེ་དང་། སད་དང་། སེར་བ་དང་། སེར་བ་བབ་པའི་ཚེ་སྔགས་འདི་དྲན་པར་བྱའོ། །བརྗོད་པར་བགྱིའོ། །དེ་ནས་ཀླུ་ཐམས་
D964.101.0067b01.01ཅད་བསྐུལ་བར་བགྱིའོ། །རིག་པ་འཛིན་པ་དེས་ཤིན་ཏུ་ཁྲུས་བགྱིས་ཏེ་གཙང་མར་བགྱིས་ལ། གོས་སར་པ་བགོས་ཏེ་ཀླུའི་གནས་སུ་མཆི་བར་བགྱིའོ། །ཀླུའི་གནས་སུ་ཅི་འབྱོར་པའི་སྤོས་ཀྱི་དཀྱིལ་འཁོར་བགྱི་སྟེ། བཅོམ་ལྡན་འདས་ཤཱཀྱ་ཐུབ་པའི་སྐུ་གཟུགས་སམ།
D964.101.0067b02.01སྐུ་གདུང་དང་བཅས་པའི་མཆོད་རྟེན་དཀྱིལ་འཁོར་དེའི་སྟེང་དུ་བཞག་སྟེ་སྤོས་ཆབ་ཀྱིས་བཀྲུ་བར་བགྱི། མེ་ཏོག་དང་། བདུག་པས་མཆོད་པར་བགྱི། ཀླུ་ཀུན་ཡང་བཀྲུ་བར་བགྱིའོ། །སྐུ་བསིལ་བའི་ཆབ་དེ་ལ་ལན་བརྒྱད་ཡོངས་སུ་བཟླས་པ་བགྱིས་ཏེ། དེའི་ནང་དུ་ཡུངས་ཀར་སྩལ་
D964.101.0067b03.01ནས་མཚེའུ་དེའི་ནང་དུ་དབོ་ཞིང་ཕྱོགས་བཞི་ནས་བདུག་པས་བདུགས་ན་དེ་ཕོ་མ་ཐག་ཏུ་སྐད་ཅིག་དེ་ལ་ཀླུའི་གནས་འགུལ་ཞིང་དུ་བ་ལྟ་བུ་བྱུང་ནས་སྤྲིན་གྱི་དཀྱིལ་འཁོར་ཆེན་པོར་གྱུར་ཏེ། ནམ་མཁའི་དཀྱིལ་དེ་ཁེབས་པར་ཆར་གྱི་རྒྱུན་འབེབས་སོ། །སེར་བ་འབབ་པའི་དུས་སུ་ཡུངས་
D964.101.0067b04.01ཀར་དང་། ཏིལ་བསྲེས་པ་ལ་ལན་ཉི་ཤུ་རྩ་གཅིག་བཟླས་པ་བགྱིས་ཏེ་ཕྱོགས་བཞིར་བཅིང་བར་བྱའོ། །ཀླུའི་ཕྱོགས་སུ་གཏོར་བར་བགྱིའོ། །སེར་བ་མི་འབབ་པ་དང་། ཀླུ་ཐམས་ཅད་ཀྱང་གཅོད་པར་འགྱུར་རོ། །སད་དང་སེར་བ་དང་། དུས་མ་ཡིན་པའི་རླུང་རབ་ཏུ་ཞི་བར་འགྱུར་
D964.101.0067b05.01རོ། །ཀླུའི་མཚོ་འགྲམ་མམ། ཁྲོན་པའམ། ལྟེང་ཀའམ། རྫིང་བུའི་འགྲམ་མམ། རིའི་རྩེ་མོར་ཤིང་ཨརྐ་དང་། ཞུན་མར་དང་། ཡུངས་མར་དང་། ཤིང་ཀ་ར་བཱི་རའི་མེ་ཏོག་གིས་སྟོང་རྩ་བརྒྱད་སྦྱིན་སྲེག་བྱས་ན་ཐམས་ཅད་འགྲུབ་པར་འགྱུར་རོ། །སྦྱིན་སྲེག་བྱས་མ་ཐག་ཏུ་
D964.101.0067b06.01ཆར་གྱི་རྒྱུན་ཆེན་པོ་འབབ་པར་འགྱུར་རོ། །ཧ་ཅང་ཡང་ཆར་ཆེ་བའི་དུས་ན། འབྲས་ཡོས་དང་། ཡུངས་ཀར་ལ་ལན་བརྒྱ་རྩ་བརྒྱད་བཟླས་པ་བྱས་ཏེ་ནམ་མཁའ་ལ་གཏོར་ན་ཆར་ཆེན་པོ་ཟློག་པར་འགྱུར་རོ། །བཅོམ་ལྡན་འདས་གལ་ཏེ་བདག་ཅག་གིས་དགུང་གསུམ་གྱིས་ཆར་གྱི་
D964.101.0067b07.01