完整藏文原文 · 德格版页 当前仅加载第 101 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ། མེ་ཏོག་དང་། འབྲས་བུ་དང་། ལོ་ཏོག་རྣམས་ཡོངས་སུ་སྐྱོངས་ཤིག །གལ་ཏེ་གཞན་དུ་འགྱུར་ཏེ་དེ་བཞིན་གཤེགས་པའི་བཀའ་ལུང་དགེ་བ་ལྟར་མ་བྱས་ན་དེའི་ཚེ་ཀླུ་ཐམས་ཅད་ཀྱི་ཁྱིམ་ཀུན་དུ་འབར། རབ་ཏུ་འབར། ཀུན་ཏུ་རབ་ཏུ་འབར་
D964.101.0070a01.01ཏེ། མེ་ལྕེ་གཅིག་ཏུ་འབར་བར་གྱུར་ཅིག །ཀླུ་ལ་མུ་གེ་ཆེན་པོ་འབྱུང་བར་གྱུར་ཅིག །སྟོབས་བྲི་ཞིང་བརྩོན་འགྲུས་མ་རུངས་པར་གྱུར་ཅིག །ཆུ་སྐམས་པར་གྱུར་ཅིག །ཁྱིམ་སྐམས་པར་གྱུར་ཅིག །ལུས་རྩུབ་པར་གྱུར་ཅིག །འདབ་{བཟངས་ཀྱི་,བཟང་གི་}འཇིགས་པ་དང་། མེ་
D964.101.0070a02.01དང་བྱེ་མ་ཡིས་འཇིགས་པ་དང་། རྟག་ཏུ་བཀྲེས་པ་དང་། སྐོམ་པ་ཡིས་འཇིགས་པ་ཅན་དུ་གྱུར་ཅིག །ཕར་རྒྱུག་ཚུར་རྒྱུག་ཅིང་ལུས་ཀུན་དུ་ཚིག་པ་དང་། ཉི་མའི་དུགས་ཀྱིས་ཡོངས་སུ་གདུངས་པས་ལུས་ཚིག་པར་གྱུར་ཅིག །ནད་དང་། གནོད་པ་དང་། ནད་འགོ་བ་སྣ་
D964.101.0070a03.01ཚོགས་པ་འདུས་པར་གྱུར་ཅིག །དེ་ལྟར་ཕྱི་མའི་ཚེ་ཕྱི་མའི་དུས་ན་ཀླུ་མི་སྲུན་པ། ཀླུ་གཏུམ་པ། རབ་ཏུ་གཏུམ་པ་རྣམས་གལ་ཏེ་དེ་བཞིན་གཤེགས་པའི་ནམ་མཁའ་ལྡིང་འབར་བ་ཞེས་བྱ་བའི་སྙིང་པོའི་གཟུངས་འདི་ལས་འགལ་བར་བྱེད་ན་སྡུག་བསྔལ་འདི་ལྟ་བུ་མྱོང་བར་འགྱུར་ཏེ།
D964.101.0070a04.01ཀླུའི་བདག་པོ་དག་དེའི་ཕྱིར་བདེན་པའི་ཡི་དམ་གྱིས་དེ་བཞིན་གཤེགས་པའི་དམ་ཚིག་གི་རྗེས་སུ་བསྲུང་བར་བྱའོ། །འཛམ་བུའི་གླིང་གི་སེམས་ཅན་ཐམས་ཅད་ཡོངས་སུ་བསྐྱང་བར་བྱའོ། །བསྲུང་བར་བྱའོ། །བསྒྲུབ་པར་བྱའོ། །དེ་ནས་ཀླུའི་རྒྱལ་པོ་ཀུན་ནས་གདུགས་ཀྱི་རྣམ་པས་
D964.101.0070a05.01བསྐོར་བ་ཀླུའི་རྒྱལ་པོ་ཆེན་པོ་རྒྱ་མཚོ་དང་། ཀླུའི་རྒྱལ་པོ་ཆེན་པོ་དགའ་བོ་དང་། བསྙེན་དགའ་བོ་དང་། ཀླུའི་རྒྱལ་པོ་ཆེན་པོ་གཟི་ཅན་དང་། ཀླུའི་རྒྱལ་པོ་ཆེན་པོ་ཧུ་ལ་པ་དང་། ཀླུའི་རྒྱལ་པོ་ཆེན་པོ་ཆུ་ལྷ་དང་། ཀླུའི་རྒྱལ་པོ་ཆེན་པོ་འབར་བ་ཀུན་དུ་འཛིན་པ་ཁ་བྱེ་རབ་ཏུ་དགའ་བའི་གཙུག་ཞེས་
D964.101.0070a06.01བྱ་བ་དང་། ཀླུའི་རྒྱལ་པོ་ཆེན་པོ་ཚངས་པའི་མགོ་དང་། ཀླུའི་རྒྱལ་པོ་ཆེན་པོ་འཇིག་རྟེན་གསུམ་དུ་གྲགས་པའི་རྒྱལ་མཚན་དང་། ཀླུའི་རྒྱལ་པོ་ཆེན་པོ་དབང་ཕྱུག་འོད་དང་། ཀླུའི་རྒྱལ་པོ་ཆེན་པོ་འོད་རྣམ་པར་གྲགས་པ་ཞེས་བྱ་བ་དང་། ཀླུའི་རྒྱལ་པོ་ཆེན་པོ་ཀུན་ནས་རྒྱལ་
D964.101.0070a07.01