完整藏文原文 · 德格版页 当前仅加载第 101 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྲག་ཅིང་ཕྱོགས་བཅུར་འབྲོས་པར་འགྱུར་ཏེ་ཕྱིས་རླུང་དང་སེར་བ་འབེབས་མི་ནུས་སོ། །ཤིང་ཀ་ར་བཱི་རའི་མེ་ཏོག་དང་ཡུངས་ཀར་བསྲེས་ཏེ་དཀྱིལ་འཁོར་དུ་ལན་དྲུག་ཅུ་སྦྱིན་སྲེག་བྱས་ན་ཀླུ་ཐམས་ཅད་གྲང་བའི་སྟོབས་བྱེད་པ་དང་། སེར་བ་དང་ཁ་བའི་བར་ལ་
D964.101.0074a01.01སོགས་པ་ཐུབ་པར་འགྱུར་རོ། །གང་གི་ཚེ་ཆར་དགོས་པར་འགྱུར་བ་དེའི་ཚེ་ཆར་འབེབས་སོ། །སྤྲ་ཚིལ་ལ་ཀླུའི་གཟུགས་ཚད་སོར་བཞི་པ་མགོ་ལྔ་པ་བྱས་ཏེ། གསེར་གྱིས་གཡོགས་ལ་སྟེང་གོས་དཀར་པོས་གཡོགས་ཏེ། རྩ་བའི་སྔགས་ལན་སྟོང་བཟླས་པ་བྱས་ལ། བུམ་
D964.101.0074a02.01པ་སར་བ་མ་སྤྱད་པའི་ནང་དུ་བཅུག་སྟེ་ལུས་གོས་ཀྱིས་དཀྲིའོ། །རྒྱས་གདབ་བོ། །བའི་ལྕི་བས་དཀྱིལ་འཁོར་གྲུ་བཞི་པ་བྱས་ལ་བྲ་ཡོས་དང་ཡུངས་ཀར་གྱིས་གཏོར་ལ་བདུག་པས་བདུགས་ཏེ་སྔགས་འདི་བརྗོད་པར་བྱའོ། །བལ་པོ་སེའུ་ཤིང་གི་ལྕུག་མ་ལ་ལན་བདུན་བཟླས་ཏེ། བུམ་པ་
D964.101.0074a03.01ལ་དལ་བུ་དལ་བུས་གཞུས་ན་སེར་བ་ཐམས་ཅད་བུམ་པའི་ནང་དུ་འཕོའོ། །ཀླུ་ཐམས་ཅད་དབང་དུ་འགྱུར་རོ། །ཀླུའི་རྒྱལ་པོའི་གཟུགས་སྤྲ་ཆིལ་ལ་བྱས་པ་ལ་ཀླུ་ཐམས་ཅད་ཀྱི་མིང་བྲིས་ན་གང་གི་མིང་གིས་རིགས་བརྗོད་པས་ཀླུ་དེ་དབང་དུ་འགྱུར་ཏེ། འཁོར་དང་བཅས་པ་བྲམ་ཟེའི་གཟུགས་ཀྱིས་
D964.101.0074a04.01མདུན་ན་འདུག་ཅིང་ཅི་བསྒོ་བ་དེ་ཐམས་ཅད་བྱེད་དོ། །ཀླུའི་རྒྱལ་པོ་ཆོས་ཅན་མ་ཡིན་པ་ཡུལ་ཡོངས་སུ་མི་སྐྱོང་བ་ལོ་ཏོག་དང་འབྲས་བུ་ཆུད་གཟོན་པའི་ཀླུའི་ཁྱིམ་དུ་སོང་སྟེ། ཤིན་ཏུ་ཁྲུས་བྱས་ལ་གོས་དཀར་པོ་གཙང་མ་བགོས་ཏེ་རིག་པ་ལན་ཉི་ཤུ་རྩ་གཅིག་བརྗོད་ན་ཀླུའི་ཁྱིམ་དེ་ནས་བུད་མེད་
D964.101.0074a05.01རྒན་མོ་དག་འབྱུང་ཞིང་། རིག་པ་འཛིན་པ་ཅི་ཚོལ་ཞེས་ཟེར་བ་དང་། ལན་མི་གདབ་པར་རྡོ་རྗེ་ས་ལ་བརྡབ་པར་བྱའོ། །ཕཊ་ཞེས་བྱ་བ་བརྗོད་པར་བྱའོ། །ཀླུ་རྒན་མོ་དེ་ངུས་ནས་ཤིའོ་ཤིའོ་ཞེས་ཟེར་ཞིང་ཁྱིམ་དུ་འཇུག་གོ། །དེ་ནས་ཀླུ་རྣམས་འདུས་ཏེ་དངངས་སྐྲག་སྟེ། ཁྱེའུ་ཡི་གཟུགས་
D964.101.0074a06.01སུ་བསྐྱུར་ནས་རིག་པ་འཛིན་པའི་མདུན་དུ་འདུག་སྟེ། ཀྱེ་རིག་པ་འཛིན་པ་ཅི་ཞིག་ཚོལ། རིག་པ་འཛིན་པས་སྔར་སྔགས་བརྗོད་ལ། ཁྲོས་པས་བལ་པོ་སེའུ་ཤིང་གི་ལྕུག་མ་ས་ལ་བརྡབས་པ་དང་། ཁྱེའུ་ཡི་གཟུགས་ཅན་དེ་ས་ལ་འགྲེ་ལྡོག་ཅིང་། ཀྱེ་རིག་པ་འཛིན་པ་ཅི་ཞིག་ཚོལ་
D964.101.0074a07.01