完整藏文原文 · 德格版页 当前仅加载第 34 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ་འདི་ལྟར་ང་ཞེའམ། ངའི་ཞེའམ། ངའོ་ཞེས་བྱ་བའི་ཆོས་གང་ཡང་མེད་པས་དེའི་ཕྱིར་སེམས་ཅན་ནི་ཡང་དག་པ་མ་ཡིན་པ་སྟེ། སེམས་ཅན་ཐམས་ཅད་ནི་མ་རིག་པ་འདུ་བྱེད་པས་སེམས་ཅན་ཐམས་ཅད་ཅེས་བྱའོ། །རབ་
D14.034.0030b01.01ཀྱི་རྩལ་གྱིས་རྣམ་པར་གནོན་པ་གང་ལ་ཡང་ང་ཞེའམ། ངའི་ཞེའམ། ངའོ་ཞེས་བྱ་བའི་སེམས་ཅན་ཞེས་བྱ་བའི་ཆོས་གང་ཡང་མེད་དེ། གང་གི་ཕྱིར་མེད་པ་དེའི་ཕྱིར་སེམས་ཅན་ནི་ཡང་དག་པ་མ་ཡིན་པ་ཞེས་བྱའོ། །ཡང་དག་པ་མ་ཡིན་པ་ཞེས་བྱ་བ་དེ་ནི་སེམས་
D14.034.0030b02.01ཅན་མེད་པའི་ཚིག་{བླ་དགས་,བླ་དྭགས་}སོ། །ཇི་ལྟར་སེམས་ཅན་དུ་འདུ་ཤེས་པ་ཡང་དག་པ་མ་ཡིན་པ་ལ་མངོན་པར་ཞེན་པ་དེ་ལྟར་སེམས་ཅན་རྣམས་ཡང་དག་པ་མ་ཡིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་ཡང་དག་པ་མ་ཡིན་པ་ཞེས་བྱ་བ་དེ་ལ་ནི་ཡང་དག་པ་ཅི་
D14.034.0030b03.01ཡང་མེད་ཅིང་མ་བྱུང་བའོ། །ཆོས་ཐམས་ཅད་ཀྱང་ཡང་དག་པ་མ་ཡིན་ཞིང་མ་བྱུང་བའོ། །དེ་ལ་སེམས་ཅན་ཡང་དག་པ་མ་ཡིན་པ་ལ་ལྷག་པར་ཆགས་པ་དེ་ནི་རྣམ་པར་འཆིང་བ་སྟེ། དེའི་ཕྱིར་ཡང་དག་པ་མ་ཡིན་པ་ལ་དམིགས་པ་ནི་སེམས་ཅན་ཞེས་བྱའོ། །དེ་དག་
D14.034.0030b04.01ནི་སྤྱོད་པ་གང་ཁོང་དུ་ཆུད་པས་བྱང་ཆུབ་སེམས་དཔའ་ཞེས་བྱ་བའི་རང་གི་སྤྱོད་པ་དེ་མི་ཤེས་ཏེ། ཡོངས་སུ་མ་རྟོགས་པས་སེམས་ཅན་ནི་ཡང་དག་པ་མ་ཡིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་གང་དེ་ལྟར་ཆོས་ཁོང་དུ་ཆུད་པ་དེ་ནི་བྱང་ཆུབ་སེམས་དཔའ་
D14.034.0030b05.01ཞེས་བྱའོ། །བྱང་ཆུབ་སེམས་དཔའ་ཞེས་བྱ་བ་དེ་ནི་གང་གིས་ཆོས་ཐམས་ཅད་ཁོང་དུ་ཆུད་ཅིང་ཤེས་ལ། སེམས་ཅན་རྗེས་སུ་རྟོགས་པའི་ཚིག་{བླ་དགས་,བླ་དྭགས་}སོ། །ཇི་ལྟར་ཤེས་ཞེ་ན། ཡང་དག་པ་མ་ཡིན་པ་དང་། མ་བྱུང་བ་དང་། ཕྱིན་ཅི་ལོག་མ་ཡིན་པར་རོ། །ཇི་ལྟར་བྱིས་
D14.034.0030b06.01པ་སོ་སོའི་སྐྱེ་བོ་དག་གིས་བརྟགས་པ་དེ་དག་ནི་དེ་བཞིན་དུ་མ་ཡིན་ནོ། །ཇི་ལྟར་བྱིས་པ་སོ་སོའི་སྐྱེ་བོ་དག་གིས་རྙེད་པ་དེ་དག་དེ་བཞིན་དུ་མ་ཡིན་ཏེ། དེའི་ཕྱིར་བྱང་ཆུབ་སེམས་དཔའ་ཞེས་བྱའོ། །དེ་ཅིའི་ཕྱིར་ཞེ་ན། བྱང་ཆུབ་ནི་མ་བརྟགས། རྣམ་པར་མ་བརྟགས་ཤིང་བྱང་
D14.034.0030b07.01