完整藏文原文 · 德格版页 当前仅加载第 34 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ། །མྱ་ངན་ལས་འདས་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ། །དགེ་བ་དང་། མི་དགེ་བའི་ཆོས་ཐམས་
D14.034.0051a01.01ཅད་ཀྱི་བར་དུ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་སྟེ། དེ་བཞིན་དུ་ཐམས་ཅད་ལ་ཡང་རྒྱས་པར་སྦྱར་རོ། །ཤཱ་རིའི་བུ་འདི་ལྟ་སྟེ། དཔེར་ན་ནམ་མཁའ་ནི་གཟུགས་མེད། བསྟན་དུ་མེད། དངོས་པོ་མེད་དེ། ཡོངས་སུ་མ་གྲུབ་བོ། །
D14.034.0051a02.01དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་གཟུགས་མེད། བསྟན་དུ་མེད། དངོས་པོ་མེད་དེ་ཡོངས་སུ་མ་གྲུབ་པའོ། །ཤཱ་རིའི་བུ་འདི་ལྟ་སྟེ། དཔེར་ན་འཇའ་ནི་ཚོན་གྱི་རྣམ་པ་སྣ་ཚོགས་སུ་ཀུན་དུ་སྣང་ཡང་དེ་ལ་ཚོན་གང་ཡང་ཡོངས་སུ་གྲུབ་པ་མེད་དེ་མི་དམིགས་སོ། །དེ་བཞིན་
D14.034.0051a03.01དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་བསྟན་པ་སྣ་ཚོགས་སུ་ཉེ་བར་གནས་མོད་ཀྱི་དེ་ལ་བསྟན་པའི་རང་བཞིན་མི་དམིགས་སོ། །ཤཱ་རིའི་བུ་འདི་ལྟ་སྟེ། དཔེར་ན་ནམ་མཁའ་ལ་སོར་མོ་ལྔ་ཡོངས་སུ་གྲུབ་པར་སྔོན་ནམ་ཡང་སུས་ཀྱང་མ་མཐོང་ངོ་། །ཤཱ་རིའི་བུ་དེ་བཞིན་དུ་
D14.034.0051a04.01ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་གྲུབ་པའི་རང་བཞིན་སྔོན་ནམ་ཡང་སུས་ཀྱང་མ་མཐོང་ངོ་། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཐོང་
D14.034.0051a05.01བར་དཀའ་བ་ལགས་སོ། །བཀའ་སྩལ་པ། ཤཱ་རིའི་བུ་འདི་ལྟར་སུ་ལ་ཡང་མཐོང་བར་ཉེ་བར་མི་འགྲོའོ། །གསོལ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཁོང་དུ་ཆུད་པར་དཀའ་བ་ལགས་སོ། །བཀའ་སྩལ་པ། ཤཱ་རིའི་བུ་འདི་ལྟར་འདི་ལ་ནི་གང་མངོན་པར་
D14.034.0051a06.01རྫོགས་པར་རྟོགས་པ་ཡོངས་སུ་གྲུབ་པའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བསྟན་དུ་མ་མཆིས་པ་ལགས་སོ། །བཀའ་སྩལ་པ། ཤཱ་རིའི་བུ་འདི་ལྟར་ཆོས་གང་བསྟན་པར་ཡང་ཉེ་བར་གནས་པ་
D14.034.0051a07.01