完整藏文原文 · 德格版页 当前仅加载第 34 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་བྲལ་བ། ཐོས་པ་ཉམས་པ། མིག་དང་མི་ལྡན་པའི་བྱིས་པ་དེ་དག་ནི་ཆོས་རིན་པོ་ཆེའི་མཛོད་རྙེད་ཀྱང་ཅི་ཞིག་བྱ་ཞེས་འདོར་ཞིང་གཞན་ལ་སྦྱིན་པར་སེམས་སོ། །ཀུན་དགའ་བོ་གདོལ་པ་དང་། གཡུང་པོ་དང་། སྨིག་མ་མཁན་དང་། དབུལ་པོས་འཚོ་
D14.034.0035b01.01བའི་སེམས་ཅན་གང་དག་གཞན་ལ་ལས་རིན་པོ་ཆེ་མང་པོ་རྙེད་ན་བདག་མི་སྤྱོད་དེ་རིན་ཐང་ཆུང་ངུར་འཚོང་ཞིང་འདོར་རོ། །ཀུན་དགའ་བོ་སེམས་ཅན་དབུལ་པོ་ཞེས་བྱ་བ་དེ་ནི་མུ་སྟེགས་ཅན་ཐམས་ཅད་དང་། གང་དག་གཞན་མུ་སྟེགས་ཅན་གྱི་ཉན་ཐོས་རྣམས་ཀྱི་ཚིག་བླ་
D14.034.0035b02.01དགས་སོ། །ཀུན་དགའ་བོ་སེམས་ཅན་དབུལ་པོ་ཞེས་བྱ་བ་དེ་ནི་བྱིས་པ་སོ་སོའི་སྐྱེ་བོ་ལྟ་བའི་འདམ་དུ་བྱིང་བ་དམིགས་པ་ཅན་འཆིང་བ་ལ་མངོན་པར་ཞེན་པ། མཚན་མ་ལ་སྤྱོད་པ། ལམ་ལོག་པར་སོང་བ་རྣམས་ཀྱི་ཚིག་{བླ་དགས་,བླ་དྭགས་}ཏེ། དེ་དག་ནི་ཆོས་རིན་པོ་ཆེ་འདི་རྙེད་
D14.034.0035b03.01ན་ཀུན་དུ་སྤྱོད་མི་ནུས་ཤིང་འདོར་ཏེ། དོན་མེད་པར་གཞན་ལ་ཡང་སྦྱིན་པར་བྱེད་དོ། །ཀུན་དགའ་བོ་གང་སངས་རྒྱས་ཀྱི་སྲས་སངས་རྒྱས་ཀྱི་སྤྱོད་ཡུལ་ལ་སྤྱོད་པ། དེ་བཞིན་གཤེགས་པའི་རིགས་རྒྱུན་མི་གཅོད་པར་གནས་པ་དེ་དག་ཆོས་རིན་པོ་ཆེ་འདི་ལ་ཡོངས་སུ་སྤྱོད་
D14.034.0035b04.01དོ། །རྙེད་ནས་ཀྱང་ཆུད་མི་གཟོན་ཅིང་འདི་ལ་རིན་པོ་ཆེར་འདུ་ཤེས་པར་འགྱུར་རོ། །ཀུན་དགའ་བོ་ཝས་ནི་སེང་གེའི་སྒྲ་སྒྲོག་མི་ནུས་སོ། །ཀུན་དགའ་བོ་གང་སེང་གེའི་ཕྲུག་གུར་གྱུར་ལ། སེང་གེ་ཆེན་པོས་བསྐྱེད་པ་དེ་དག་ནི་སེང་གེའི་སྒྲ་སྒྲོག་གོ། །ཀུན་དགའ་བོ་དེ་
D14.034.0035b05.01བཞིན་དུ་ཝ་ལྟ་བུ་ནི་བྱིས་པ་སོ་སོའི་སྐྱེ་བོ་ལོག་པར་ལྟ་བ་ཐམས་ཅད་དེ་དེ་དག་གིས་ནི་དེ་བཞིན་གཤེགས་པའི་སེང་གེའི་སྒྲ་དང་། ཡང་དག་པར་རྫོགས་པའི་སངས་རྒྱས་སེང་གེ་ཆེན་པོའི་ཆོས་ཡོངས་སུ་ལོངས་སྤྱོད་པར་མི་ནུས་སོ། །ཀུན་དགའ་བོ་གང་ཡང་དག་པར་རྫོགས་
D14.034.0035b06.01པའི་སངས་རྒྱས་ཀྱི་སྲས་སངས་རྒྱས་ཀྱི་སེང་གེ་ཆེན་པོ་དང་རང་བྱུང་གི་ཡེ་ཤེས་ཀྱིས་བསྐྱེད་པ་དེ་དག་ནི་ཡང་དག་པར་རྫོགས་པའི་སངས་རྒྱས་ཀྱི་སེང་གེའི་སྒྲ་སྒྲོག་ཅིང་ཀུན་དུ་སྤྱོད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།
D14.034.0035b07.01