完整藏文原文 · 德格版页 当前仅加载第 34 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེ་ནི་མུ་མེད་པའི་ཚིག་གོ། །ཤཱ་རིའི་བུ་བདག་མ་སྐྱེས་པས་ཆོས་ཐམས་ཅད་མཐའ་ཡས་པར་རིག་པར་བྱའོ། །ཤཱ་རིའི་བུ་ནམ་མཁའ་མཐའ་ཡས་པས་ཆོས་ཐམས་ཅད་མཐའ་ཡས་མུ་མེད་པར་རིག་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་
D14.034.0059a01.01འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་འདི་བྱང་ཆུབ་སེམས་དཔའ་ཇི་ལྟ་བུ་དག་གི་ཡུལ་དུ་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ཆོས་འདི་ནི་བྱང་ཆུབ་སེམས་དཔའ་གང་དག་ཆོས་ཀྱང་མི་དམིགས་
D14.034.0059a02.01ན་ཆོས་མ་ཡིན་པ་ལྟ་ཅི་སྨོས། ལམ་ཡང་མི་དམིགས་ན། ལམ་མ་ཡིན་པ་ལྟ་ཅི་སྨོས། ཚུལ་ཁྲིམས་ཀྱང་མི་དམིགས་ཤིང་རློམ་སེམས་སུ་མི་བྱེད་ན་འཆལ་པའི་ཚུལ་ཁྲིམས་ལྟ་ཅི་སྨོས་ཏེ། ཁམས་གསུམ་ཐམས་ཅད་དུ་ཡང་མི་གཏོགས། སྲིད་པར་འགྲོ་བ་དང་། འཆི་འཕོ་
D14.034.0059a03.01དང་སྐྱེ་བ་ཐམས་ཅད་དུ་ཡང་མི་གཏོགས། ལུས་དང་སྲོག་ལ་ཡང་མི་ཆགས་ན། ཕྱི་རོལ་གྱི་དངོས་པོ་རྣམས་ལ་ལྟ་ཅི་སྨོས་ཏེ། འཁོར་བའི་རྒྱུན་མཐར་བྱས་པ། སྲིད་པའི་རྒྱ་མཚོ་ཆེན་པོ་ལས་རྒལ་བ། གཡུལ་ཆེན་པོ་ལས་འདས་པའི་བྱང་ཆུབ་སེམས་དཔའ་དེ་དག་གི་ཡུལ་དང་
D14.034.0059a04.01བགྲོད་པ་ཡིན་ནོ། །ཡུལ་ཐམས་ཅད་ཡུལ་མ་ཡིན་པར་གང་གིས་ཡོངས་སུ་ཤེས་པ་དེ་དང་དེ་དག་ནི་རྣམ་པ་དེ་ལྟ་བུའི་སྐྱེས་བུ་དམ་པ་དག་སྟེ། ཡུལ་ཐམས་ཅད་ལ་མི་ཆགས་པ་དེ་དང་དེ་དག་ནི་སེང་གེ་ཆེན་པོའོ། །ཡུལ་ཐམས་ཅད་ལ་མ་ཞུགས་པ་དེ་དང་དེ་དག་ནི་རྣམ་པ་དེ་
D14.034.0059a05.01ལྟ་བུ་དག་གོ། །ཡུལ་ཐམས་ཅད་ཀྱིས་མི་གོས་པ་དེ་དང་དེ་དག་ནི་ཡུལ་དང་མ་འདྲེས་པའོ། །ཡུལ་ཐམས་ཅད་ལས་ཡང་དག་པར་འདས་པ་དེ་དང་དེ་དག་ནི་དེད་དཔོན་ཆེན་པོ་སྟེ། ཤཱ་རིའི་བུ་ཆོས་འདི་ནི་དེ་དག་གི་ཡུལ་དང་བགྲོད་པ་མ་ཡིན་ནོ། །ཤཱ་རིའི་བུ་འཁོར་འདི་ནི་གང་ཆོས་
D14.034.0059a06.01འདི་ལ་མ་མོས་ཤིང་ཡུལ་དུ་མ་གྱུར་པའམ། གང་ཆོས་རྣམ་པ་འདི་ལྟ་བུ་འདི་ལ་སོམ་ཉི་དང་བཅས་པ་འམ། ཐེ་ཙོམ་དང་བཅས་པའི་བྱང་ཆུབ་སེམས་དཔའ་གཅིག་ཀྱང་ངས་མ་མཐོང་ངོ་། །ཤཱ་རིའི་བུ་འཁོར་འདི་ནི་ཆོས་འདི་ལ་ཐེ་ཙོམ་མེད་དོ། །ནེམ་ནུར་མེད་དོ། །ཡིད་གཉིས་
D14.034.0059a07.01