完整藏文原文 · 德格版页 当前仅加载第 34 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་གྱི་ཟུག་རྔུས་ཟུག་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྐྱེས་བུ་ནོར་གྱི་ཕུང་པོ་ཆེན་པོ་ཉམས་པར་གྱུར་པ་ནི་སྡུག་བསྔལ་བར་གྱུར་ཏེ། མི་དགའ་ཞིང་ཡིད་མི་བདེ་བ་ཆེན་པོ་དང་ལྡན་ནོ། །དེ་བཞིན་དུ་གང་གི་ཚེ་བྱང་ཆུབ་
D14.034.0087a01.01སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྦྱོར་བར་བྱེད་པ་ན་བདུད་སྡིག་ཅན་ཡང་སེམས་མི་བདེ་བ་དང་། ཡིད་ལ་གཅགས་པ་དང་མྱ་ངན་གྱི་ཟུག་རྔུས་ཟུག་སྟེ། སྡུག་བསྔལ་ཞིང་རང་གི་
D14.034.0087a02.01གནས་ལ་ཡང་མི་དགའ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ་གཞན་ཡང་བདུད་སྡིག་ཅན་དེ་དག་གཅིག་ཏུ་འདུས་ནས་ཇི་ལྟར་བྱ། ཅི་ཞིག་བྱ་སྙམ་སེམས་ཤིང་ཐེ་ཚོམ་དང་། མྱ་ངན་གྱི་ཟུག་རྔུས་ཟུག་པར་འགྱུར་རོ། །དེ་དག་ཐེ་ཚོམ་དང་མྱ་ངན་གྱི་ཟུག་རྔུས་
D14.034.0087a03.01ཟུག་པར་གྱུར་ནས་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ་གླགས་བཙལ་བའི་ཕྱིར་དོང་ཡང་དེ་ན་བྱང་ཆུབ་སེམས་དཔའི་སྤུ་ཡང་མི་གཡོས་ན། ལུས་དང་སེམས་གཞན་དུ་འགྱུར་བ་ལྟ་ཅི་སྨོས་ཏེ། འཇིགས་ཤིང་སྤུ་ཟིང་ཞེས་བྱེད་པ་དང་བྲལ་བར་འགྱུར།
D14.034.0087a04.01བདུད་སྡིག་ཅན་དུ་ཡང་ཤེས་པར་འགྱུར་རོ། །ཤེས་ནས་ཀྱང་བྱིན་གྱིས་རློབ་བོ། །དེས་བདུད་སྡིག་ཅན་བྱིན་གྱིས་བརླབས་ནས་ཉམས་སྨད་པར་འགྱུར། འཇིགས་ཤིང་སེམས་ཞུམ་པར་འགྱུར་ཏེ། དེ་ལ་གླགས་རྙེད་པར་མ་ནུས་ནས་དེ་འདི་སྙམ་དུ་བདག་གིས་ཀྱང་དེ་ལ་གླགས་
D14.034.0087a05.01རྙེད་པར་མ་ནུས་ན་བདག་གི་འཁོར་གྱིས་ལྟ་ཅི་སྨོས་ཏེ། གང་གཞན་དག་གིས་བྱིན་གྱིས་བརླབས་པར་ལྟ་ག་ལ་འགྱུར་སྙམ་དུ་སེམས་སོ། །དེའི་ཕྱིར་བདུད་སྡིག་ཅན་དེ་དག་འཇིགས་ཤིང་སྤྲོ་བ་ཡོངས་སུ་ཉམས་ནས་སྡུག་བསྔལ་དང་། ཡིད་མི་བདེ་བ་སྐྱེས་ཏེ་རང་གི་གནས་སུ་དོང་
D14.034.0087a06.01ནས་སེམས་ཁོང་དུ་ཆུད་ཅིང་འཁོད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ལ་སེ་གོལ་གཏོགས་པ་ཙམ་གྱི་སྲིད་དུ་ཡང་སེམས་རྨོངས་པར་བྱེད་མི་ནུས་ན་གཞན་བར་ཆད་བྱ་བར་ལྟ་ཅི་སྨོས། རབ་ཀྱི་རྩལ་གྱིས་རྣམ་པར་གནོན་པ་འདི་ནི་བྱང་ཆུབ་སེམས་
D14.034.0087a07.01