完整藏文原文 · 德格版页 当前仅加载第 34 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་རྟོག་པ་དང་མི་རྟོག་པ་ཐམས་ཅད་ཡོངས་སུ་ཤེས་པའོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལྟར་སྤྱོད་པ་ནི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཏེ། དེ་ལ་
D14.034.0085b01.01བདུད་སྡིག་ཅན་དང་། བདུད་ཀྱི་འཁོར་རྣམས་བར་ཆད་བྱ་བའི་ཕྱིར་གནས་པར་མི་འགྱུར་རོ། །བདུད་ཀྱི་ལས་བྱུང་ཞིང་སྐྱེས་པ་རྣམས་ཀྱང་ཁོང་དུ་ཆུད་པར་འགྱུར་ཏེ། བདུད་ཀྱི་ལས་བྱུང་ཞིང་སྐྱེས་པ་རྣམས་ཀྱི་དབང་དུ་འགྲོ་བར་མི་འགྱུར་རོ། །བདུད་སྡིག་ཅན་ཕམ་པར་བྱེད་དོ། །སྤ་གོང་བ་
D14.034.0085b02.01དང་དེའི་ཕྱོགས་ཉུང་བར་བྱེད་དོ། །འཇིགས་པ་དང་སྐྲག་པ་མེད་པར་འགྱུར་རོ། །བདུད་ཀྱིས་མི་ཐུལ་བར་འགྱུར་རོ། །དེའི་ངན་སོང་དུ་འགྲོ་བ་ཐམས་ཅད་རྒྱུན་ཆད་པར་འགྱུར་རོ། །དེས་ལམ་ངན་པ་བཀག་པར་འགྱུར་རོ། །ཆུ་བོ་ཐམས་ཅད་ལས་རྒལ་བར་འགྱུར་རོ། །གཏི་མུག་གི་མུན་
D14.034.0085b03.01པ་དང་བྲལ་བར་འགྱུར་རོ། །མིག་ཐོབ་པས་སེམས་ཅན་ཐམས་ཅད་ལ་སྣང་བར་འགྱུར་རོ། །སངས་རྒྱས་ཀྱི་རིགས་རྒྱུན་མི་གཅོད་པར་གནས་པར་འགྱུར་རོ། །ལམ་མཉམ་པ་ཉིད་ཀྱི་ཕྱིར་ལམ་རྒྱུན་བཅད་པར་འགྱུར་རོ། །སེམས་ཅན་ཐམས་ཅད་ལ་སྙིང་བརྩེ་བར་འགྱུར་རོ། །ཆོས་ལ་མིག་
D14.034.0085b04.01རྣམ་པར་དག་པར་འགྱུར་རོ། །ལེ་ལོ་མེད་ཅིང་བརྩོན་འགྲུས་ཕུན་སུམ་ཚོགས་པར་འགྱུར་རོ། །གནོད་སེམས་ཀྱི་སེམས་མེད་པས་བཟོད་པ་འཐོབ་པར་འགྱུར་རོ། །མི་གནས་པའི་བསམ་གཏན་པས་བསམ་གཏན་པར་འགྱུར་རོ། །ངེས་པར་རྟོགས་པའི་ཤེས་རབ་དང་ལྡན་པས་ཤེས་རབ་
D14.034.0085b05.01འཐོབ་པར་འགྱུར་རོ། །སྒྲིབ་པ་མེད་ཅིང་འགྱོད་པ་དང་བྲལ་བར་འགྱུར་རོ། །བདུད་ཀྱི་ཞགས་པ་ཐམས་ཅད་དང་བྲལ་བར་འགྱུར་རོ། །སྲེད་པའི་དྲ་བ་ཐམས་ཅད་དང་བྲལ་བས་བཅིངས་པ་བཅད་པར་འགྱུར་རོ། །བརྗེད་པ་མེད་པས་དྲན་པ་ཉེ་བར་གནས་པར་འགྱུར་རོ། །ཚུལ་ཁྲིམས་
D14.034.0085b06.01ཡོངས་སུ་དག་པའི་ཕ་རོལ་ཏུ་ཕྱིན་པ་ཐོབ་པས་ཚུལ་ཁྲིམས་རྣམ་པར་དག་པར་འགྱུར་རོ། །སྐྱོན་ཐམས་ཅད་བསལ་བས་ཡོན་ཏན་ལ་གནས་པར་འགྱུར་རོ། །རབ་ཏུ་གཡོ་བ་མེད་པས་ཤེས་རབ་ཀྱི་སྟོབས་བསྐྱེད་པ་རྙེད་པར་འགྱུར་རོ། །ཕས་ཀྱི་རྒོལ་བ་ཐམས་ཅད་ཀྱིས་མི་རྫི་བར་འགྱུར་
D14.034.0085b07.01