完整藏文原文 · 德格版页 当前仅加载第 34 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པའི་བར་དུ་མུ་མེད་པས་ཤཱ་རིའི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཕྱིན་ཅི་ལོག་མུ་མེད་པ་དང་། སྒྲིབ་པ་མུ་མེད་པ་དང་། ལྟ་བར་སོང་བ་མུ་མེད་པས་ཤཱ་རིའི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་
D14.034.0058b01.01པར་རིག་པར་བྱའོ། །བདག་མུ་མེད་པ་དང་། སེམས་ཅན་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །སྦྱིན་པ་མུ་མེད་པ་དང་། ཚུལ་ཁྲིམས་མུ་མེད་པ་དང་། བཟོད་པ་མུ་མེད་པ་དང་། བརྩོན་འགྲུས་མུ་མེད་པ་དང་། བསམ་གཏན་མུ་མེད་པ་དང་།
D14.034.0058b02.01ཤེས་རབ་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །དྲན་པ་ཉེ་བར་གཞག་པ་དང་། ཡང་དག་པར་སྤོང་བ་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་
D14.034.0058b03.01གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རིའི་བུ་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་
D14.034.0058b04.01རིག་པར་བྱའོ། །ཤཱ་རིའི་བུ་མངོན་པར་ཤེས་པ་མུ་མེད་པ་དང་། རྣམ་པར་གྲོལ་བ་མུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རིའི་བུ་སོ་སོའི་སྐྱེ་བོའི་ཆོས་མུ་མེད་པ་དང་། ཉན་ཐོས་ཀྱི་
D14.034.0058b05.01ཆོས་མུ་མེད་པ་དང་། རང་སངས་རྒྱས་ཀྱི་ཆོས་མུ་མེད་པ་དང་། སངས་རྒྱས་ཀྱི་ཆོས་མུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རིའི་བུ་རིག་པ་མུ་མེད་པ་དང་། རྣམ་པར་གྲོལ་བ་མུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མུ་
D14.034.0058b06.01མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤ་ར་དྭ་ཏིའི་བུ་མུ་མེད་པ་དམིགས་སུ་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པ་ཞེས་བྱའོ། །མཐའ་དམིགས་སུ་མེད་པས་མཐའ་ཡས་པ་ཞེས་བྱའོ། །ཤ་ར་དྭ་ཏིའི་བུ་མཐའ་མེད་པ་ཞེས་བྱ་
D14.034.0058b07.01