完整藏文原文 · 德格版页 当前仅加载第 34 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
རམ། འདུལ་བའི་ཕྱིར་རམ། འདུལ་བ་མ་ཡིན་པའི་ཕྱིར་རམ། ཚུལ་ཁྲིམས་ཀྱི་ཕྱིར་རམ། འཆལ་པའི་ཚུལ་ཁྲིམས་ཀྱི་ཕྱིར་རམ། རྣམ་པར་གཡེང་བའི་ཕྱིར་རམ། རྣམ་པར་གཡེང་བ་མ་ཡིན་པའི་ཕྱིར་རམ། ཤེས་རབ་ཀྱི་ཕྱིར་རམ། འཆལ་པའི་ཤེས་རབ་
D14.034.0047b01.01ཀྱི་ཕྱིར་རམ། རྣམ་པར་ཤེས་པའི་ཕྱིར་རམ། རྣམ་པར་ཤེས་པ་མ་ཡིན་པའི་ཕྱིར་རམ། གནས་པའི་ཕྱིར་རམ། མི་གནས་པའི་ཕྱིར་རམ། སྐལ་བ་མཉམ་པའི་ཕྱིར་རམ། སྐལ་བ་མི་མཉམ་པའི་ཕྱིར་རམ། འབྱུང་བའི་ཕྱིར་རམ། འཇིག་པའི་ཕྱིར་རམ། ཐོབ་པའི་
D14.034.0047b02.01ཕྱིར་རམ། མ་ཐོབ་པའི་ཕྱིར་རམ། མངོན་པར་རྟོགས་པའི་ཕྱིར་རམ། མངོན་པར་རྟོགས་པ་མ་ཡིན་པའི་ཕྱིར་རམ། མངོན་སུམ་དུ་བྱ་བའི་ཕྱིར་རམ། མངོན་སུམ་དུ་བྱ་བ་མ་ཡིན་པའི་ཕྱིར་རམ། རབ་ཏུ་རྟོགས་པའི་ཕྱིར་རམ། རབ་ཏུ་མ་རྟོགས་པའི་ཕྱིར་ཉེ་བར་གནས་པ་མ་
D14.034.0047b03.01ཡིན་ནོ། །དེ་བཞིན་ཉིད་ཀྱི་ལེའུ་སྟེ་གསུམ་པའོ།། །།བམ་པོ་གསུམ་པ། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྐྱེས་བུ་རྨི་ལམ་རྨིས་པས་རྨི་ལམ་གྱི་རང་བཞིན་བཤད་པ་སྟོན་ཀྱང་། རྨི་ལམ་གྱི་རང་བཞིན་བསྟན་པ་མེད་དོ། །དེ་ཅིའི་
D14.034.0047b04.01ཕྱིར་ཞེ་ན། རྨི་ལམ་ཉིད་ཀྱང་མེད་ན་རྨི་ལམ་གྱི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་སྟོན་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་གང་ཡང་མེད་དོ། །རབ་ཀྱི་རྩལ་གྱིས་
D14.034.0047b05.01རྣམ་པར་གནོན་པ་འདི་ལྟ་སྟེ། དཔེར་ན་རྨི་ལམ་ནི་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྒྱུ་མ་
D14.034.0047b06.01མཐོང་བའི་སྐྱེས་བུ་སྒྱུ་མའི་རང་བཞིན་བཤད་པ་སྟོན་ཀྱང་སྒྱུ་མའི་རང་བཞིན་གང་ཡང་མེད་ན། སྒྱུ་མའི་རང་བཞིན་བསྟན་པའི་ངོ་བོ་ཉིད་ལྟ་ག་ལ་ཡོད། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ། །
D14.034.0047b07.01