完整藏文原文 · 德格版页 当前仅加载第 34 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དགའ་བ་དང་། ཡིད་བདེ་བ་ཆེན་པོ་སྐྱེད་པ་དང་། ཕྱིར་ཞིང་ཉན་པའི་ཕྱིར་ཆོས་འདི་ལ་འདུན་པ་སྐྱེད་པའི་སེམས་ཅན་དེ་དག་ཀྱང་འཁོར་བ་ཆེན་པོར་ཞུགས་པར་ངས་མ་བཤད་ན་ལུང་ནོད་པ་དང་། ཁ་ཏོན་བྱེད་པ་དང་། གཞན་ལ་སྟོན་པ་ལྟ་ཅི་སྨོས། ཤཱ་
D14.034.0060a01.01རིའི་བུ་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་ངེས་པར་མ་ཞུགས་ཤིང་མ་ངེས་པ་ནི་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཤཱ་རིའི་བུ་ཆོས་ཀྱི་མཆོག་འདི་ལ་ཆོས་ཆུང་ངུ་དང་ལྡན་པའི་སེམས་ཅན་རྣམས་ཀྱི་གོ་སྐབས་ངས་མ་མཐོང་ངོ་། །ཤཱ་རིའི་བུ་
D14.034.0060a02.01སངས་རྒྱས་ཀྱི་བྱང་ཆུབ་འདི་ནི་རྒྱ་ཆེ་ན་སེམས་ཅན་ནི་ཕལ་ཆེར་དམན་པ་ལ་མོས་ཤིང་ཆོས་ཆུང་ངུ་དང་ལྡན་ཏེ། འདི་ལྟ་བུའི་ཆོས་ཟབ་མོ་ཆགས་པ་མེད་པ་ལ་དགེ་བར་མ་བྱས་ཤིང་མི་མཁས་སོ། །ཤཱ་རིའི་བུ་འདི་ནི་སེམས་ཅན་གང་དག་རྒྱ་ཆེ་ཞིང་ཆོས་རྒྱ་ཆེན་པོ་ལ་མོས་པ། ཐེག་པ་ཆེན་
D14.034.0060a03.01པོ་ལ་ཡང་དག་པར་ཞུགས་པ། དགོས་པ་ཤིན་ཏུ་ཡོངས་སུ་རྙེད་པ། གོ་ཆ་ཆེན་པོ་ཤིན་ཏུ་བགོས་པ། དོན་ལེགས་པ་རྣམ་པར་རྟོགས་པ། ལམ་ཆེན་པོ་དང་དྲང་ཞིང་ཉམ་ང་བ་མེད་པ། ཚང་ཚིང་མེད་པ་མཉམ་པ། སྨིག་མ་དང་ཚེར་མ་མེད་པ། ངམ་གྲོག་དང་གཡང་ས་མེད་
D14.034.0060a04.01པ། གཙང་བ། གནོད་པ་མེད་པ། གྱ་གྱུ་མེད་པ། ཡོན་པོ་མེད་པར་ཞུགས་པ་དང་། ཤཱ་རིའི་བུ་གང་དག་འཇིག་རྟེན་ལ་ཕན་པ་དང་། འཇིག་རྟེན་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་བདེ་བའི་ཕྱིར་ཞུགས་པ། སྣང་
D14.034.0060a05.01བ་བྱེད་པའི་སེམས་ཅན་རྣམས་ཀྱི་མུ་སྟེགས་སུ་གྱུར་པ། སྙིང་རྗེ་ཆེན་པོ་དང་ལྡན་པ། ཕན་པར་སྙིང་བརྩེ་བ། ཕན་པར་འདོད་པ། བདེ་བར་འདོད་པ། གྲུབ་པ་དང་བདེ་བར་འདོད་པ། སེམས་ཅན་ཐམས་ཅད་ལ་བདེ་བར་སྦྱར་བར་ཉེ་བར་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་
D14.034.0060a06.01དེ་ལྟ་བུ་དེ་དག་གི་ནོར་ཆེན་པོ་ཡིན་ནོ། །ཤཱ་རིའི་བུ་སེམས་ཅན་ཆེན་པོ་དེ་དག་ནི་ཆོས་དཀོན་མཆོག་འདི་ཚོལ་བ་སྟེ། འདི་ནི་དེ་དག་གི་ནོར་དམ་པའོ། །དེ་ཅིའི་ཕྱིར་ཞེ་ན། ཤཱ་རིའི་བུ་སེམས་ཅན་བསོད་ནམས་མ་བྱས་པ། དམན་པ་ལ་མོས་པ། དད་པ་རབ་ཏུ་ཉམས་པ་རྣམས་ནི་ཆོས་
D14.034.0060a07.01