完整藏文原文 · 德格版页 当前仅加载第 34 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྒྱུ་མ་ནི་ཆོས་གང་མངོན་པར་འགྲུབ་པའི་ཕྱིར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་མངོན་པར་འགྲུབ་པའི་ཕྱིར་ཡང་ཉེ་བར་གནས་པ་མ་
D14.034.0048a01.01ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་མིག་ཡོར་མཐོང་བའི་སྐྱེས་བུ་མིག་ཡོར་གྱི་རང་བཞིན་སྟོན་ཀྱང་མིག་ཡོར་གྱི་རང་བཞིན་གང་ཡང་མེད་ན། མིག་ཡོར་གྱི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་
D14.034.0048a02.01དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་གང་ཡང་མེད་ན་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་མིག་ཡོར་ནི་ཆོས་གང་བསྟན་པར་ཡང་ཉེ་བར་གནས་པ་
D14.034.0048a03.01མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྨིག་རྒྱུ་མཐོང་བའི་སྐྱེས་བུ་སྨིག་རྒྱུ་བཤད་པ་སྟོན་ཀྱང་སྨིག་རྒྱུ་བསྟན་པ་གང་ཡང་མེད་ན་སྨིག་རྒྱུ་བསྟན་
D14.034.0048a04.01པའི་རང་བཞིན་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སྨིག་རྒྱུ་ནི་ཆོས་གང་བསྟན་
D14.034.0048a05.01པར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་བྲག་ཅའི་སྤྱོད་ཡུལ་ལ་གནས་པའི་སྐྱེས་བུས། བྲག་ཅའི་སྒྲ་ཐོས་ཀྱི་དེ་ནི་མི་
D14.034.0048a06.01མཐོང་སྟེ། ནམ་བདག་གིས་སྒྲ་ཕྱུང་བ་དེའི་ཚེ་སྒྲ་ཐོས་སོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའི་ཚིག་ཐོས་པར་འགྱུར་ཡང་ཆོས་གང་བསྟན་པ་ཐོས་པར་འགྱུར་བ་མེད་དེ། གཞན་དུ་ན་ནམ་མངོན་པར་བཤད་པ་དེའི་ཚེ་ཀུན་ཤེས་ཤིང་ཐོས་པའི་ལམ་དུ་འགྱུར་རོ། །
D14.034.0048a07.01