完整藏文原文 · 德格版页 当前仅加载第 34 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་སྐོར་བར་འདོད་པ་དང་། ཆོས་ཀྱི་གཏམ་བྱེད་པར་འདོད་པ་དང་། སངས་རྒྱས་ཀྱི་སར་ལུང་བསྟན་པར་འདོད་པ་དང་། ཉན་ཐོས་ཀྱི་ས་ལ་ལུང་བསྟན་པར་འདོད་པ་དང་། རང་སངས་རྒྱས་ཀྱི་ས་ལ་ལུང་བསྟན་པར་འདོད་པ་དང་། སེམས་ཅན་རྣམས་ཀྱི་སྔོན་གྱི་
D14.034.0097b01.01སྨོན་ལམ་དང་། དགེ་བའི་རྩ་བ་བསྐུལ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བསླབ་པར་བྱ། བརྩོན་པར་བྱ། འབད་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པར་སྦྱོར་བ་ལ་བརྩོན་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་
D14.034.0097b02.01ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ལ་བརྩོན་པ་དང་། ནན་ཏན་བྱེད་པ་དང་། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་གནས་པ་དེ་མི་འདོར་བ་ལས་སངས་རྒྱས་ཀྱི་ཆོས་ཐམས་ཅད་མྱུར་དུ་ཡོངས་སུ་རྫོགས་པར་བྱེད་པ་དེ་ལྟ་བུའི་བྱང་ཆུབ་སེམས་
D14.034.0097b03.01དཔའ་ཆོས་གཞན་གང་ཡང་ངས་མ་མཐོང་ངོ་། །རབ་ཀྱི་རྩལ་གྱིས་རྣམ་པར་གནོན་པ་བྱང་ཆུབ་སེམས་དཔའ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སྤྱོད་ན། བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་ཞིང་དེར་ཐུག་པར་
D14.034.0097b04.01རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གང་ལ་ལའི་རྣ་ལམ་དུ་ཐོས་པ་དང་། ཐོས་ནས་ཀྱང་མོས་པ་དང་། མངོན་པར་དགའ་བ་དང་། ཡང་དག་པར་འདུ་ཤེས་བསྐྱེད་པ་དེ་དག་ཀྱང་དགེ་བའི་རྩ་བ་དེས་བླ་ན་མེད་པ་
D14.034.0097b05.01ཡང་དག་པར་རྫོགས་པའི་བྱང་ཆུབ་འགྲུབ་པར་འགྱུར་རོ། །ཞེས་ངས་བཤད་དེ་དེར་ཐུག་པར་ཡང་རིག་པར་བྱའོ། །རིགས་ཀྱི་བུའམ་རིགས་ཀྱི་བུ་མོ་དེ་དག་ནི་ཚོགས་ཆེན་པོ་བསགས་པས་དགེ་བའི་རྩ་བ་གཞན་ཡང་ཡོངས་སུ་སྡུད་པར་འགྱུར་རོ། །རབ་ཀྱི་རྩལ་གྱིས་
D14.034.0097b06.01རྣམ་པར་གནོན་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཐབས་ལ་མཁས་པ་བསྟན་པའི་ལེའུ་འདི་བྱང་ཆུབ་སེམས་དཔའ་གང་དག་གི་ལག་ཏུ་སོང་བར་གྱུར་པ་དེ་དག་ཁ་ཅིག་སངས་རྒྱས་བཅོམ་ལྡན་འདས་རྣམས་ཀྱིས་མངོན་སུམ་དུ་ལུང་མ་བསྟན་ཀྱང་དེ་དག་ནི་ལུང་བསྟན་པ་དང་
D14.034.0097b07.01