完整藏文原文 · 德格版页 当前仅加载第 34 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱེད་པའོ། །ཇི་སྲིད་དུ་དམིགས་པ་དེ་སྲིད་དུ་མ་རིག་པའི་མུན་པ་དང་། གཏི་མུག་གོ། །ཇི་སྲིད་དུ་དམིགས་པ་དེ་སྲིད་དུ་འཇིགས་པའོ། །དེ་སྲིད་དུ་སྐྲག་པའོ། །ཇི་སྲིད་དུ་དམིགས་པ་དེ་སྲིད་དུ་བདུད་ཀྱི་ཞགས་པ་དང་། བདུད་ཀྱིས་འཇོམས་པའོ། །ཇི་སྲིད་དུ་དམིགས་པ་དེ་
D14.034.0083b01.01སྲིད་དུ་སྡུག་བསྔལ་གྱིས་རབ་ཏུ་ཉེན་ཅིང་བདེ་བ་ཀུན་དུ་ཚོལ་བར་འགྱུར་བའོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལ་བྱང་ཆུབ་སེམས་དཔས་ཉེས་དམིགས་འདི་དག་མཐོང་ནས་ཆོས་གང་ལ་ཡང་མི་དམིགས་སོ། །དེ་མི་དམིགས་པས། ཆོས་གང་ཡང་མི་འཛིན་ཏོ། །དེ་ཆོས་ཐམས་ཅད་
D14.034.0083b02.01ལ་འཛིན་པའམ། ཀུན་འཛིན་པར་མི་གནས་སོ། །དམིགས་པ་མེད་པ་དང་། དམིགས་པ་ཡ་མ་བརླ་དེ་དག་ལ་ཡང་རློམ་སེམས་སུ་མི་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལྟར་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་གང་ལ་ཡང་མངོན་པར་མི་ཞེན།
D14.034.0083b03.01ཆོས་གང་ལ་ཡང་མངོན་པར་མི་དགའོ། །ཆོས་གང་ལ་ཡང་ལྷག་པར་ཆགས་ནས་མི་གནས་ཏེ། རབ་ཀྱི་རྩལ་གྱིས་རྣམ་པར་གནོན་པ་འདི་ནི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཆོས་ཐམས་ཅད་ལ་དམིགས་པ་དང་བྲལ་བའོ། །རབ་ཀྱི་རྩལ་གྱིས་རྣམ་པར་
D14.034.0083b04.01གནོན་པ་དེ་ལྟར་སྤྱོད་པའི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཡོངས་སུ་རྫོགས་པར་འགྱུར་ཏེ་དེ་ལ་བདུད་སྡིག་ཅན་དང་། བདུད་ཀྱི་རིས་ཀྱི་ལྷ་དང་། བདུད་ཀྱི་འཁོར་དང་། བདུད་ཀྱི་བྱིན་གྱིས་བརླབས་པ་དག་གིས་བར་ཆད་བྱ་བར་མི་ནུས་སོ། །གང་དེ་ལ་ཐོ་འཚམ་
D14.034.0083b05.01པ་དང་། གང་དེ་ལ་བཟུང་ནས་འདུལ་བར་འགྱུར་བའི་གླགས་རྙེད་པར་མི་འགྱུར་རོ། །རྟག་ཏུ་བདུད་ཀྱི་ལས་ཐམས་ཅད་ཀྱང་ཁོང་དུ་ཆུད་པར་འགྱུར་རོ། །བདུད་ཀྱི་ལས་ཀྱི་དབང་དུ་འགྲོ་བར་མི་འགྱུར་རོ། །བདུད་ཀྱི་གནས་ཐམས་ཅད་སྤ་གོང་བར་བྱེད་དོ། །གཞན་མུ་སྟེགས་ཅན་ཐམས་
D14.034.0083b06.01ཅད་ཚར་གཅད་པའི་ཕྱིར་གནས་པར་འགྱུར་རོ། །གཞན་མུ་སྟེགས་ཅན་སྤྱོད་པ་པ་དང་། ཀུན་དུ་རྒྱུ་ཐམས་ཅད་ཟིལ་གྱིས་གནོན་པར་འགྱུར་རོ། །ཕས་ཀྱི་རྒོལ་བ་ཐམས་ཅད་ཀྱིས་མི་རྫི་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལྟར་སྤྱོད་པའི་བྱང་ཆུབ་སེམས་དཔའ་ནི་
D14.034.0083b07.01