完整藏文原文 · 德格版页 当前仅加载第 55 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
བྲག་ཅ་དང་མཚུངས་པའི་ཆོས་ཐམས་ཅད་དང་ལྡན་པ་ཤ་སྟག་གོ། །ཐམས་ཅད་ཀྱང་རྣམ་པར་ཐར་པ་བསམ་གྱིས་མི་ཁྱབ་པའི་ཏིང་ངེ་འཛིན་ཐོབ་པ། དཔའ་བར་འགྲོ་བའི་ཏིང་ངེ་འཛིན་ཐོབ་པ། སངས་རྒྱས་ཀྱི་སྐུའི་ཁ་དོག་མཐའ་ཡས་པ། ཡོངས་སུ་གྲུབ་པ་སྒྲུབ་པའི་གཟུངས་ལ་རབ་ཏུ་
D129.055.0176b01.01གནས་པ། སྐྲ་ཙམ་གྱི་ཁྱོན་གཅིག་ལ་སངས་རྒྱས་ཀྱི་ཞིང་ཐམས་ཅད་ཀུན་ཏུ་སྟོན་པ་ལ་མཁས་པ། སྐྲ་ཙམ་གྱི་ཁྱོན་གཅིག་ལ་འཆི་འཕོ་དང་། སྐྱེ་བ་དང་ཚེ་དང་མངོན་པར་འབྱུང་བ་དང་དཀའ་བ་སྤྱོད་པ་སྟོན་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་མངོན་པར་རྫོགས་པར་བྱང་ཆུབ་
D129.055.0176b02.01པ་དང་། ཆོས་ཀྱི་འཁོར་ལོ་རབ་ཏུ་སྐོར་བ་དང་ཡོངས་སུ་མྱ་ངན་ལས་འདས་པ་ཆེན་པོ་ཀུན་ཏུ་སྟོན་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་སྐྱིལ་མོ་ཀྲུང་གཅིག་གིས་རྒྱས་པར་འགེངས་པའི་ཡེ་ཤེས་དང་ལྡན་པ། ཞིང་ཐམས་ཅད་ཀྱི་རྒྱན་ཞིང་གཅིག་ཏུ་ཀུན་ཏུ་སྟོན་པའི་ཡེ་
D129.055.0176b03.01ཤེས་དང་ལྡན་པ། ཞིང་གཅིག་ཅིག་གི་རྒྱན་བཀོད་པ་ཞིང་ཐམས་ཅད་དུ་སྟོན་པ་དང་ལྡན་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་ཀྱི་འཁོར་དེ་བཞིན་གཤེགས་པ་གཅིག་གི་འཁོར་དུ་སྟོན་པ། དེ་བཞིན་གཤེགས་པ་གཅིག་གི་
D129.055.0176b04.01འཁོར་དེ་བཞིན་གཤེགས་པ་ཐམས་ཅད་ཀྱི་འཁོར་དུ་སྟོན་པ། ཆོས་ཐམས་ཅད་མཐའ་དང་དབུས་མེད་པར་སྟོན་པ་ལ་མཁས་པ། ཆོས་ཐམས་ཅད་མཐའ་ཡས་པའི་མཐར་གྱུར་པ། མཐའ་དང་དབུས་མེད་པ་སྒྱུ་མའི་དྲ་བ་ལྟ་བུར་རབ་ཏུ་སྟོན་པ། བསྐལ་པ་མཐའ་ཡས་མུ་
D129.055.0176b05.01མེད་པར་སེམས་ཅན་ཐམས་ཅད་ཐ་དད་པ་མེད་པར་ཀུན་ཏུ་སྟོན་པ། སེམས་ཅན་ཐམས་ཅད་ཀྱི་ལུས་རང་གི་ལུས་སུ་བྱིན་གྱིས་རློབ་པའི་མོས་པའི་འཇུག་པ་ལ་མཁས་པ། སངས་རྒྱས་ཐམས་ཅད་ཀྱི་སྐུ་སྐུ་གཅིག་ཏུ་མོས་པ་འཇུག་པ་ལ་མཁས་པ། སངས་རྒྱས་གཅིག་གི་
D129.055.0176b06.01སྐུ་སངས་རྒྱས་མ་ལུས་པ་ཐམས་ཅད་ཀྱི་སྐུར་འཇུག་པར་སེམས་ཅན་གཞན་ལ་ཀུན་ཏུ་སྟོན་པར་མཁས་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་རང་གི་ལུས་ཀུན་ཏུ་སྟོན་པ་ལ་མཁས་པ། དུས་གསུམ་ཐམས་ཅད་ཆོས་ཀྱི་སྐུ་གཅིག་གིས་ཁྱབ་པར་སེམས་ཅན་
D129.055.0176b07.01