完整藏文原文 · 德格版页 当前仅加载第 55 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཞུགས་པ་དེ་སངས་རྒྱས་ཀྱི་རིགས་གཅོད་པའི་ཕྱིར་ཞུགས་པའོ། །ཆོས་ཀྱི་རིགས་གཅོད་པའི་ཕྱིར་ཞུགས་པའོ། །དགེ་འདུན་གྱི་རིགས་གཅོད་པའི་ཕྱིར་ཞུགས་པའོ། །དེ་ལྷའི་རིགས་གཅོད་པའི་ཕྱིར་ཞུགས་པའོ། །དེ་ཚངས་པ་ཐམས་ཅད་ཀྱི་རིགས་གཅོད་པའི་ཕྱིར་
D129.055.0197a01.01ཞུགས་པའོ། །དེ་མིའི་འཇིག་རྟེན་གཅོད་པའི་ཕྱིར་ཞུགས་པའོ། །དེ་སེམས་ཅན་ཐམས་ཅད་ཀྱི་བདེ་བར་སྦྱར་བ་ཐམས་ཅད་གཅོད་པའི་ཕྱིར་ཞུགས་པའོ། །འཇམ་དཔལ་གང་ལ་ལ་བྱང་ཆུབ་སེམས་དཔའི་དགེ་བའི་རྩ་བ་གཅོད་པའི་ཕྱིར་འཇུག་པ་དེ་ལ་རྣམ་པ་དེ་ལྟ་བུའི་སྡུག་བསྔལ་ཆེན་
D129.055.0197a02.01པོ་སྐྱེ་བར་འགྱུར་རོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་དེ་དག་ཐམས་ཅད་ནི་དགེ་བའི་རྩ་བའི་ཚོགས་ཐམས་ཅད་ཀྱིས་བྱང་ཆུབ་མངོན་པར་རྫོགས་པར་འཚང་རྒྱའོ། །མངོན་པར་རྫོགས་པར་སངས་རྒྱས་ནས་ཀྱང་སེམས་ཅན་རྣམས་ལ་ཆོས་ཀྱི་འཁོར་ལོ་རབ་ཏུ་སྐོར་རོ། །ཆོས་ཐོས་
D129.055.0197a03.01ནས་ཀྱང་རྒྱུན་དུ་ཞུགས་པར་འགྱུར། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པར་འགྱུར། རང་རྒྱལ་བར་འགྱུར། རྒྱལ་པོ་ཆེན་པོ་བཞིར་འགྱུར། སུམ་ཅུ་རྩ་གསུམ་དང་འཐབ་བྲལ་དང་། དགའ་ལྡན་དང་འཕྲུལ་དགའ་དང་། གཞན་འཕྲུལ་དབང་བྱེད་ཀྱི་
D129.055.0197a04.01ལྷར་འགྱུར། ཟླ་བ་དང་ཉི་མར་འགྱུར། སྐར་མ་དང་རྒྱུ་སྐར་དང་། ཚོགས་དང་ཚོགས་ཀྱི་བདག་པོ་ཆེན་པོར་འགྱུར། དྲག་པོ་དང་དྲག་པོ་ཆེན་པོར་འགྱུར། སངས་རྒྱས་ལས་བརྟེན་ཏེ། ཚངས་པར་འགྱུར། ཚངས་པ་ཆེན་པོར་འགྱུར། ཚངས་པའི་མདུན་ན་འདོན་དུ་འགྱུར།
D129.055.0197a05.01འོད་ཆུང་དང་ཚད་མེད་འོད་དང་། འོད་གསལ་དང་དགེ་ཆུང་དང་། ཚད་མེད་དགེ་དང་། དགེ་རྒྱས་དང་སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་དང་། མི་ཆེ་དང་མི་གདུང་དང་། གྱ་ནོམ་སྣང་དང་ཤིན་ཏུ་མཐོང་དང་། འོག་མིན་གྱི་ལྷ་རྣམས་སུ་འགྱུར། སངས་རྒྱས་
D129.055.0197a06.01ལས་བརྟེན་ཏེ་འཁོར་ལོས་སྒྱུར་བའི་རྒྱལ་པོར་འགྱུར། སྟོབས་ཀྱི་འཁོར་ལོས་སྒྱུར་བར་འགྱུར། རྒྱལ་ཕྲན་དུ་འགྱུར། དྲང་སྲོང་མངོན་པར་ཤེས་པ་ལྔ་ཅན་འཇིག་རྟེན་དུ་འབྱུང་བར་འགྱུར། སངས་རྒྱས་ལས་བརྟེན་ཏེ་དགེ་བ་བཅུའི་ལས་ཀྱི་ལམ་འཇིག་རྟེན་དུ་སྣང་བར་འགྱུར།
D129.055.0197a07.01