完整藏文原文 · 德格版页 当前仅加载第 55 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཀུན་རྫོབ་རྣམ་པར་དག་པའི་ཡེ་ཤེས་ཀྱི་སྟོབས་དང་། འདུན་པ་དང་བརྩོན་འགྲུས་ཚད་མེད་པ་རྣམ་པར་དག་པའི་ཡེ་ཤེས་ཀྱི་སྟོབས་ཏེ། འཇམ་དཔལ་བྱང་ཆུབ་སེམས་དཔའ་ཆེན་པོ་རྣམ་པར་དག་པའི་ཡེ་ཤེས་ཀྱི་སྟོབས་སུམ་ཅུ་རྩ་དྲུག་པོ་དེ་དག་དང་ལྡན་ན་རབ་ཏུ་ཞི་བ་རྣམ་
D129.055.0206b01.01པར་ངེས་པའི་ཆོ་འཕྲུལ་གྱི་ཏིང་ངེ་འཛིན་འདི་འཐོབ་བོ། །འཇམ་དཔལ་ཡོངས་སུ་བརྟག་པ་ཉེ་བར་བཟུང་སྟེ། བྱང་ཆུབ་སེམས་དཔའ་གང་ལ་ལས་འཇིག་རྟེན་གྱི་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བསྐལ་པར་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་འཇིག་རྟེན་གྱི་ཁམས་
D129.055.0206b02.01རེ་རེར་ཡང་སངས་རྒྱས་དང་བྱང་ཆུབ་སེམས་དཔའ་དང་བཅས་པ། ཉན་ཐོས་དང་རང་སངས་རྒྱས་དང་བཅས་པ་གང་གཱའི་ཀླུང་གི་བྱེ་མ་སྙེད་རྣམས་ལ་ལྷའི་ཟས་དང་། ལྷའི་རས་བཅོས་བུའི་ན་བཟའ་རྣམས་ཕུལ་བ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་
D129.055.0206b03.01རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྣམས་ནོར་བུ་རིན་པོ་ཆེ་དབང་གི་རྒྱལ་པོས་རབ་ཏུ་བཀང་སྟེ། དབུལ་བ་ཕུལ་བ་དང་དེ་བཞིན་གཤེགས་པ་རེ་རེའི་ཕྱིར་ཡང་ནོར་བུ་རིན་པོ་ཆེ་སྣང་བ་ཐམས་ཅད་ཡང་དག་པར་བསགས་པའི་མཆོད་རྟེན་ཚད་འཛམ་བུའི་གླིང་ཙམ་དུ་ཡོད་པ། སྲིད་པའི་
D129.055.0206b04.01རྩེ་མོར་ཐུག་པ། ནོར་བུ་རིན་པོ་ཆེ་གློག་གི་སྒྲོན་མའི་ཁ་ཁྱེར་གྱིས་ཡོངས་སུ་བསྐོར་བ་ནོར་བུ་རིན་པོ་ཆེ་དབང་གི་རྒྱལ་པོའི་དྲ་བ་བྲེས་པ། རྒྱལ་མཚན་དང་བ་དན་སྒྲེང་བ། ཙན་དན་སྦྲུལ་གྱི་སྙིང་པོའི་བྱུག་པས་བསྐུས་པས། འཇིག་རྟེན་གྱི་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་དག་
D129.055.0206b05.01བྱས་ཏེ། མཆོད་རྟེན་རེ་རེ་ལ་ཡང་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱིས་བསྐལ་པར་ལྷའི་མཆོད་པ་མཚུངས་པ་མེད་པར་བྱས་ཀྱང་བྱང་ཆུབ་སེམས་དཔའ་གཞན་གང་གིས་དད་པས་ཏིང་ངེ་འཛིན་འདི་ལ་མོས་ནས། ཐ་ན་དུད་འགྲོའི་སྐྱེ་གནས་སུ་སོང་བའི་སེམས་
D129.055.0206b06.01ཅན་ལ་ཟན་ཆང་གཅིག་ཙམ་བྱིན་ན་བསོད་ནམས་མངོན་པར་འདུ་བྱེད་པ་དེ་ལ་བསོད་ནམས་མངོན་པར་འདུ་བྱ་བ་སྔ་མས་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་བརྒྱ་སྟོང་གི་ཆ་དང་བྱེ་བ་བརྒྱའི་ཆ་དང་བྱེ་བ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་དཔེ་དང་རྒྱུར་ཡང་མི་བཟོད་དོ། །
D129.055.0206b07.01