完整藏文原文 · 德格版页 当前仅加载第 55 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡོན་ཏན་གྱི་ཁྱད་པར་འདི་དག་དང་གཞན་རྣམས་ཀྱང་འཐོབ་བོ། །བཟང་སྐྱོང་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་ཞེས་བྱ་བའི་ཏིང་ངེ་འཛིན་གང་ཞེ་ན། འདི་ལྟ་སྟེ། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་ཁོང་དུ་ཆུད་པ་
D129.055.0181b01.01དང་མཚན་ཉིད་རབ་ཏུ་རྟོགས་པ་དང་ཕྱིན་ཅི་ལོག་གི་མཚན་ཉིད་ཡང་དག་པར་འཇོམས་པ་དང་། བདག་གི་བག་ཆགས་ཀྱི་ས་ཡོངས་སུ་མི་འཛིན་པ་དང་། གཞན་མི་དམིགས་པ་དང་། སྲོག་ལ་རློམ་སེམས་མེད་པ་དང་། འཁོར་བ་ལ་མི་འཇུག་པ་དང་། དངོས་པོ་ཡོངས་སུ་ཤེས་
D129.055.0181b02.01པ་དང་ཞི་གནས་བསྒོམ་པ་དང་ལྷག་མཐོང་མངོན་སུམ་དུ་བྱེད་པ་དང་། སེམས་གནས་པ་དང་དྲན་པ་མི་གཡེང་བ་དང་རྟོག་པ་དང་དཔྱོད་པ་ཉེ་བར་ཞི་བ་དང་། དགེ་བའི་ཕྱོགས་ལ་ཡང་དག་པར་སྟེན་པ་དང་མི་དགེ་བའི་ཕྱོགས་སེལ་བ་དང་། ཆགས་པ་དང་ཞེ་སྡང་དང་གཏི་མུག་རབ་ཏུ་
D129.055.0181b03.01ཞི་བ་དང་མ་རིག་པ་སེལ་བ་དང་རིག་པ་ལ་ཡང་དག་པར་སྟེན་པ་དང་། རྒྱུ་ཡོངས་སུ་ཤེས་པ་དང་ལྟ་བ་ཡང་དག་པར་འཇོམས་པ་དང་རྣམ་པར་ཤེས་པ་དང་བྲལ་བ་དང་། ཡེ་ཤེས་འབྱུང་བ་དང་སྲིད་པ་ཟད་པ་དང་དགའ་བའི་འདོད་ཆགས་སྤོང་བ་དང་སངས་རྒྱས་ལ་གཅིག་ཏུ་ངེས་པ་དང་
D129.055.0181b04.01ཆོས་ལ་ནེམ་ནུར་མེད་པ་དང་། དགེ་འདུན་ལ་རྣམ་པར་མི་རྟོག་པ་དང་མི་འབྱེད་པའི་ཚིག་དང་འཐུན་པར་སྡུམས་བྱེད་པ་དང་། དབེན་པ་ལ་གཞོལ་བ་དང་བཀའ་བློ་བདེ་བ་དང་མུ་ཅོར་དུ་མི་སྨྲ་བ་དང་ཟང་ཟིང་མེད་པ་དང་། ཁ་ན་མ་ཐོ་བ་སྤོང་བ་དང་སྡིག་པ་ཐམས་ཅད་མི་བྱེད་པ་དང་འབྲེལ་པ་
D129.055.0181b05.01མདུན་དུ་བྱེད་པ་དང་། འཕུབ་མི་བྱེད་པ་དང་འཇིག་རྟེན་གྱི་ཡ་མཚན་ལ་མངོན་པར་དགའ་བ་མེད་པ་དང་། འཁོར་བ་ལ་ཉེས་དམིགས་སུ་ལྟ་བ་དང་མྱ་ངན་ལས་འདས་པ་ལ་ཕན་ཡོན་དུ་ལྟ་བ་དང་། ལྷག་པའི་བསམ་པས་ཡོངས་སུ་མྱ་ངན་ལས་འདས་པའི་དབྱིངས་འདོད་པ་དང་། གཡོ་མེད་
D129.055.0181b06.01པ་དང་གྱ་གྱུ་མེད་པ་དང་སྒྱུ་མེད་པ་དང་། ཚུལ་འཆོས་པ་མེད་པ་དང་ཁ་གསག་མེད་པ་དང་། གཞོགས་སློང་མེད་པ་དང་། ཐོབ་ཀྱིས་འཇལ་བ་མེད་པ་དང་། རྙེད་པ་དང་བཀུར་སྟི་ཡོངས་སུ་སྤོང་བ་དང་། བརྩོན་འགྲུས་བརྩམས་པ་དང་ཤིན་ཏུ་བཟོད་པ་དང་། ལེ་ལོ་མེད་པ་དང་སྒྲིབ་པ་སྤོང་བ་
D129.055.0181b07.01