完整藏文原文 · 德格版页 当前仅加载第 55 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དེ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱའོ་སྙམ་མོ། །བཟང་སྐྱོང་བྱང་ཆུབ་སེམས་དཔའ་དེ་འདི་ལྟར་སོ་སོར་རྟོག་སྟེ། གལ་ཏེ་ཕུང་པོ་ལྔ་བྱང་ཆུབ་མངོན་པར་རྫོགས་པར་འཚང་མི་རྒྱ་ན། མཚན་གྱིས་བྱང་ཆུབ་མངོན་པར་རྫོགས་པར་འཚང་རྒྱའམ། ཅི་ཆོས་ཀྱིས་
D129.055.0191b01.01མངོན་པར་རྫོགས་པར་འཚང་རྒྱའམ། འོན་ཏེ་དགེ་བའི་རྩ་བས་སམ། དེ་ཇི་ལྟ་བུ་ཞིག་སྙམ་མོ། །དེ་འདི་ལྟར་སོ་སོར་རྟོག་སྟེ། མཚན་གྱིས་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ། །གལ་ཏེ་མཚན་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་གྱུར་ན་ནི་
D129.055.0191b02.01འཁོར་ལོས་སྒྱུར་བའི་རྒྱལ་པོ་ཡང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན། འཁོར་ལོས་སྒྱུར་བ་ཡང་མཚན་སུམ་ཅུ་རྩ་གཉིས་དང་ལྡན་པའི་ཕྱིར་རོ་སྙམ་མོ། །དེ་འདི་ལྟར་སོ་སོར་རྟོག་སྟེ། གལ་ཏེ་མཚན་གྱིས་བྱང་ཆུབ་མངོན་པར་རྫོགས་པར་འཚང་
D129.055.0191b03.01མི་རྒྱ་ན་ཅི་ཆོས་ཀྱི་མངོན་པར་རྫོགས་པར་འཚང་རྒྱའམ་སྙམ་མོ། །དེ་འདི་སྙམ་དུ་སེམས་ཏེ། ཆོས་ཀྱིས་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ། །དེ་ཅིའི་ཕྱིར་ཞེ་ན། ཆོས་ནི་གཟུགས་མེད་པ། བསྟན་དུ་མེད་པ། ཐོགས་པ་མེད་པ། རྣམ་པར་རིག་པ་མེད་པ།
D129.055.0191b04.01གནས་མེད་པ། སྣང་བ་མེད་པ། བསྟན་དུ་མེད་པ། བལྟར་མི་མཐོང་བ། མ་སྐྱེས་པ། མ་འགགས་པ། ནམ་མཁའ་དང་མཚུངས་པ་སྟེ། དེ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱའོ་སྙམ་མོ། །དེ་འདི་ལྟར་སོ་སོར་རྟོག་སྟེ། གལ་ཏེ་ཆོས་ཀྱིས་བྱང་ཆུབ་མངོན་
D129.055.0191b05.01པར་རྫོགས་པར་འཚང་མི་རྒྱ་ན་དགེ་བའི་རྩ་བས་བྱང་ཆུབ་མངོན་པར་རྫོགས་པར་འཚང་རྒྱའམ། དེ་ཇི་ལྟ་བུ་ཞིག་སྙམ་མོ། །དེ་འདི་སྙམ་དུ་སེམས་ཏེ། དགེ་བའི་རྩ་བས་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་
D129.055.0191b06.01དགེ་བའི་རྩ་བ་བསྡུས་ནས་བྱང་ཆུབ་ཀྱི་སྙིང་པོ་ལ་མི་འདུག་ལ། སངས་རྒྱས་ཉིད་བཟུང་ནས་ཀྱང་མི་ལྡང་སྟེ། དེ་རྒྱུ་གཞན་དང་གཞན་ལ་སོ་སོར་བརྟགས་ན་མ་དམིགས་པ་དང་། བྱང་ཆུབ་མངོན་པར་རྫོགས་པར་འཚང་རྒྱ་བ་དེ་སུ་ཞིག་སྙམ་མོ། །དེས་དེ་ལྟར་སོ་སོར་
D129.055.0191b07.01