完整藏文原文 · 德格版页 当前仅加载第 55 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཏིང་ངེ་འཛིན་དང་སྙོམས་པར་འཇུག་པ་ཐམས་ཅད་གཅིག་པ་དང་། མིང་མེད་པ་དང་སྔོན་གྱི་གནས་རྗེས་སུ་དྲན་པ་ཤེས་པ་དང་། ཀུན་ཏུ་འགྲོ་བའི་ལམ་ཤེས་པས་ལྟ་བ་དང་། ཟག་པ་ཟད་པ་དང་། སྤོང་བ་དུས་གཅིག་ཏུ་ཐོབ་པ་ཤེས་པ་དང་། ལྷའི་མིག་ཐོགས་པ་མེད་པས་ལྟ་བ་
D129.055.0184b01.01དང་གཟུགས་ཐམས་ཅད་ཀུན་ཏུ་སྟོན་པས་རྣམ་པར་རྩེན་པ་དང་། གཟུགས་དང་གཟུགས་མེད་པ་མཉམ་པ་ཉིད་དུ་འཇུག་པ་ཤེས་པ་དང་། དབྱངས་ཀྱི་ཡན་ལག་གི་ཚུལ་གྱི་གཟུངས་ལ་འཇུག་པ་ཤེས་པ་དང་། སྐད་ཐམས་ཅད་བྲག་ཅའི་སྐད་དང་མཚུངས་པ་ཉིད་དུ་ཤེས་པ་དང་། ཅི་རིགས་པར་
D129.055.0184b02.01ཆོས་སྟོན་པ་དང་སེམས་ཅན་ཐམས་ཅད་ལ་ལེགས་པར་བཤད་པས་ཚིམ་པར་བྱེད་པ་དང་། དབང་པོ་རྗེ་བ་ཤེས་པ་དང་དུས་དང་དུས་མ་ཡིན་པར་རྣམ་པར་ལྟ་བ་དང་། ཡང་དག་པའི་མཐའ་དང་རྗེས་སུ་འཇུག་པ་ཤེས་པ་དང་། འབྲས་བུ་ཡོད་པའི་ཆོས་སྟོན་པ་དང་ཕ་རོལ་ཏུ་ཕྱིན་པ་ཐམས་ཅད་
D129.055.0184b03.01ཡོངས་སུ་རྫོགས་པ་དང་། སེམས་ཅན་ཐམས་ཅད་ཡོངས་སུ་འཛིན་པ་དང་། ཚར་གཅོད་པ་མཁས་པར་ཤེས་པ་དང་བརྟགས་པ་མ་ཡིན་པའི་སྤྱོད་ལམ་དང་ལྡན་པ་དང་། ཆོས་ཀྱི་དབྱིངས་འདྲེས་པ་མེད་པར་ཡང་དག་པར་འདུ་བ་ལ་འཇུག་པ་ཤེས་པ་དང་རྟོག་པ་དང་། རྣམ་པར་རྟོག་
D129.055.0184b04.01པ་དང་ཡོངས་སུ་རྟོག་པ་ཐམས་ཅད་ཡང་དག་པར་འཇོམས་པ་དང་། སྐད་ཅིག་གིས་དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་ལུས་སྟོན་པ་དང་། འཇིག་རྟེན་གྱི་ཁམས་ཐམས་ཅད་དུ་མིག་ཡོར་ལྟ་བུའི་ལུས་རྣམ་པར་འཕྲུལ་པ་དང་། དེ་བཞིན་གཤེགས་པ་ཐམས་ཅད་ཀྱི་
D129.055.0184b05.01ཆོས་ཐམས་ཅད་བསྟན་པ་ཀུན་ཏུ་འཛིན་ཅིང་བརྗེད་པ་མེད་པ་དང་། ཐེག་པ་ཆེན་པོ་ལས་མི་ཉམས་པ་དང་ཐེག་པ་ཐམས་ཅད་ཀྱི་ངེས་པར་འབྱུང་བ་སྟོན་པ་ལ་མཁས་པ་དང་། དཀོན་མཆོག་གསུམ་གྱི་རིགས་ཡང་དག་པར་འཛིན་པ་དང་། སྐྱེ་བའི་གནས་ཐམས་ཅད་དུ་བྱ་བ་ཅི་
D129.055.0184b06.01རིགས་པར་ཀུན་ཏུ་སྟོན་པ་དང་། ཕྱི་མའི་མཐའི་བསྐལ་པ་བྱེ་བར་གོ་ཆ་གྱོན་ཀྱང་ཡོངས་སུ་མི་སྐྱོ་བ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་ལ་མཁས་པར་ཤེས་པ་དང་། དབྱངས་ཀྱི་ཡན་ལག་ཐམས་ཅད་མངོན་པར་བསྒྲུབ་པ་ཤེས་པ་དང་། བསྐལ་པ་གཅིག་
D129.055.0184b07.01