完整藏文原文 · 德格版页 当前仅加载第 55 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེའི་སྤྲིན་དང་ན་བཟའི་སྤྲིན་དང་། ཙན་དན་སྦྲུལ་གྱི་སྙིང་པོ་དང་ཨ་ག་རུ་དང་སྤོས་ཀྱི་སྤྲིན་དང་ལྷའི་རོལ་མོ་དང་། ཕེག་རྡོབ་པ་དང་གླུའི་སྤྲིན་འཇིག་རྟེན་གྱི་ཁམས་ཀྱི་ཚད་ཙམ་གཏོར་ནས་ཕྱོགས་གཅིག་ཏུ་འཁོད་དེ་བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་
D129.055.0180a01.01འཁོད་པར་གྱུར་ཏོ། །ཡང་དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐ་ན་སྐྲའི་རྩེ་མོའི་ཆ་ཤས་ཀྱི་ཕྱོགས་ཙམ་ཡང་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོ་དང་། བརྒྱ་བྱིན་དང་ཚངས་པ་དང་འཇིག་རྟེན་སྐྱོང་
D129.055.0180a02.01བ་དང་། མི་དང་མི་མ་ཡིན་པ་དང་བྱང་ཆུབ་སེམས་དཔའ་རྒྱ་ཆེ་བ་རྒྱ་ཆེ་བ་དག་གིས་མ་ཁེབས་པར་གྱུར་པ་མེད་དོ་ཡང་དེའི་ཚེ་བྱང་ཆུབ་སེམས་དཔའ་བཟང་སྐྱོང་ཞེས་བྱ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་
D129.055.0180a03.01ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D129.055.0180a04.01རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ཁྱོད་ཅི་དང་ཅི་འདོད་པ་དྲིས་ཤིག་དང་ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་
D129.055.0180a05.01སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་བཟང་སྐྱོང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་གནས་གང་དང་སྤྱོད་པ་ཇི་ལྟ་བུ་དང་ཚུལ་ཇི་ལྟ་བུ་དང་ཁྱད་པར་ཇི་ལྟ་བུ་དང་། དགེ་བའི་རྩ་བ་ཇི་ལྟ་བུ་
D129.055.0180a06.01དང་བརྩོན་འགྲུས་ཇི་ལྟ་བུ་དང་རབ་ཏུ་ཞི་བ་ཇི་ལྟ་བུ་དང་། ཡེ་ཤེས་ལ་མཁས་པ་ཇི་ལྟ་བུ་དང་དྲན་པ་ཇི་ལྟ་བུ་དང་རྟོགས་པ་ཇི་ལྟ་བུ་དང་བློ་གྲོས་ཇི་ལྟ་བུ་དང་། ཁྲེལ་མཆིས་པ་ཇི་ལྟ་བུ་དང་མོས་པ་ཇི་ལྟ་བུ་དང་། གོ་ཆ་ཇི་ལྟ་བུས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་
D129.055.0180a07.01