完整藏文原文 · 德格版页 当前仅加载第 55 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
གང་འཁྱམ་པ་མ་ཡིན་པ་དེ་རློམ་སེམས་མེད་པའོ། །གང་རློམ་སེམས་མེད་པ་དེ་བག་ཡོད་པའོ། །གང་བག་ཡོད་པ་དེ་འཕགས་པའོ། །གང་འཕགས་པ་དེ་དགྲ་བཅོམ་པའོ། །གང་དགྲ་བཅོམ་པ་གང་ཡིན་པ་དེ་ལ་བདག་གི་རྡུལ་མེད་དོ། །སེམས་ཅན་གྱི་རྡུལ་
D129.055.0190a01.01མེད་དོ། །སྲོག་གི་རྡུལ་མེད་དོ། །གང་ཟག་གི་རྡུལ་མེད་དོ། །ཕུང་པོའི་རྡུལ་མེད་དོ། །ཁམས་ཀྱི་རྡུལ་མེད་དོ། །སྐྱེ་མཆེད་ཀྱི་རྡུལ་མེད་དོ། །དངོས་པོའི་རྡུལ་མེད་དོ། །རྒྱུའི་རྡུལ་མེད་དོ། །རྐྱེན་གྱི་རྡུལ་མེད་དོ། །དམིགས་པའི་རྡུལ་མེད་དོ། །ཀུན་འབྱུང་བའི་རྡུལ་མེད་དོ། །ང་རྒྱལ་
D129.055.0190a02.01གྱིས་ལྷག་པར་བྱེད་པའི་རྡུལ་མེད་དོ། །ཚོར་བའི་རྡུལ་མེད་དོ། །འདོད་ཆགས་ཀྱི་རྡུལ་མེད་དོ། །ཞེ་སྡང་གི་རྡུལ་མེད་དོ། །གཏི་མུག་གི་རྡུལ་མེད་དོ། །ཁྲོ་བའི་རྡུལ་མེད་དོ། །ཁོན་དུ་འཛིན་པའི་རྡུལ་མེད་དོ། །ང་རྒྱལ་གྱི་རྡུལ་མེད་དོ། །ང་རྒྱལ་དང་འཆབ་པ་དང་ཡོངས་སུ་གདུང་བའི་རྡུལ་མེད་
D129.055.0190a03.01དོ། །ང་རྒྱལ་དང་ལྷག་པའི་ང་རྒྱལ་གྱི་རྡུལ་མེད་དོ། །སེམས་ཅན་དམྱལ་བ་དང་དུད་འགྲོ་དང་{ཡི་དགས་,ཡི་དྭགས་}ཀྱི་རྡུལ་མེད་དོ། །གཤིན་རྗེའི་འཇིག་རྟེན་གྱི་རྡུལ་མེད་དོ། །འདོད་པའི་ཁམས་ཀྱི་རྡུལ་མེད་དོ། །གཟུགས་ཀྱི་ཁམས་ཀྱི་རྡུལ་མེད་དོ། །གཟུགས་མེད་པའི་ཁམས་ཀྱི་རྡུལ་མེད་
D129.055.0190a04.01དོ། །འཁོར་བའི་རྡུལ་མེད་དོ། །རྣམ་པ་དེ་ལྟ་བུར་རྡུལ་མི་དམིགས་ཏེ། གང་འདོད་ཆགས་དང་བྲལ་ཞིང་རྡུལ་མེད་པ་དེ་དག་འཕགས་པ་ཞེས་བྱ། དགྲ་བཅོམ་པ་ཞེས་བྱ། གྲོལ་བ་ཞེས་བྱ། རྣམ་པར་གྲོལ་བ་ཞེས་བྱ། ལྷའི་དམ་པ་ཞེས་བྱ། རྟག་ཏུ་མཉམ་པར་གཞག་པ་ཞེས་བྱ།
D129.055.0190a05.01སངས་རྒྱས་ཞེས་བྱ་སྟེ། དེ་ཆོས་གང་ལ་ཡང་རློམ་སེམས་མེད་དོ། །རློམ་སེམས་མེད་པ་ཀུན་ནས་ཉོན་མོངས་པར་མི་འགྱུར་རོ། །ཀུན་ནས་ཉོན་མོངས་པ་མེད་ན་ཀུན་ཏུ་གདུང་བ་མེད་དོ། །ཀུན་ཏུ་གདུང་བ་མེད་ན་རང་བཞིན་ཐོབ་པར་འགྱུར་རོ། །རང་བཞིན་ཐོབ་ན་ཆོས་གང་ལ་ཡང་
D129.055.0190a06.01མི་སྤྱོད་དོ། །མི་སྤྱོད་ན་འདི་ལྟར་ཅི་གཟུགས་བྱང་ཆུབ་མངོན་པར་རྫོགས་པར་འཚང་རྒྱའམ། འོན་ཏེ་ཚོར་བ་དང་འདུ་ཤེས་དང་འདུ་བྱེད་དང་། རྣམ་པར་ཤེས་པ་བྱང་ཆུབ་མངོན་པར་རྫོགས་པར་འཚང་རྒྱའམ། སུ་ཞིག་བྱང་ཆུབ་མངོན་པར་རྫོགས་པར་འཚང་རྒྱ། ཅི་
D129.055.0190a07.01