完整藏文原文 · 德格版页 当前仅加载第 55 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དང་མཉམ་མོ། །ནམ་མཁའ་དང་ཆོས་དང་སྒྲ་དང་མིག་ཡོར་དང་གཟུགས་བརྙན་དང་། མཚན་ཉིད་དང་བཅས་པ་དང་མཚན་ཉིད་མེད་པ་དང་ཆགས་པ་དང་བཅས་པ་དང་། ཆགས་པ་མ་ཡིན་པ་དང་བསྡུས་པའི་བསྐལ་པ་དང་། རྒྱ་ཆེ་བའི་བསྐལ་པ་དང་གྲངས་ཡོད་པའི་བསྐལ་
D129.055.0205a01.01པ་དང་གྲངས་མེད་པའི་བསྐལ་པ་དང་སངས་རྒྱས་དང་བཅས་པའི་བསྐལ་པ་དང་། སངས་རྒྱས་མི་འབྱུང་བའི་བསྐལ་པ་དང་འདས་པའི་བསྐལ་པ་དང་། མ་འོངས་པའི་བསྐལ་པ་དང་མ་འོངས་པ་དང་འདས་པའི་བསྐལ་པ་དང་། ད་ལྟར་བྱུང་བ་དང་མ་འོངས་པ་དང་འདས་པའི་བསྐལ་པ་དང་འདས་
D129.055.0205a02.01པ་དང་མ་འོངས་པ་དང་ད་ལྟར་བྱུང་བའི་བསྐལ་པ་ཡང་དེ་དང་མཉམ་སྟེ། ཀུན་ནས་ཉོན་མོངས་པའི་བསྐལ་པ་ལ་རྣམ་པར་བྱང་བའི་བསྐལ་པ་དང་། རྣམ་པར་བྱང་བའི་བསྐལ་པ་ལ་ཀུན་ནས་ཉོན་མོངས་པའི་བསྐལ་པ་དང་། བྱིན་གྱི་རླབས་ཀྱི་བསྐལ་པ་ལ་མཉམ་པ་ཉིད་ཀྱི་བསྐལ་པ་འཇུག་
D129.055.0205a03.01སྟེ། འཇུག་པ་ཤེས་པ་དེ་ལ་མངོན་པར་ཞེན་པ་མེད་པ་དེ་ནི་ཆོས་ཀྱི་དབྱིངས་བདེན་པ་ཉིད་ཀྱི་ཕྱིར་བདེན་པའི་བྱིན་གྱི་རླབས་ཞེས་བྱ་སྟེ། གཟུགས་ཉིད་བདེན་པའོ། །དེ་བཞིན་དུ་ཚོར་བ་དང་འདུ་ཤེས་དང་འདུ་བྱེད་དང་རྣམ་པར་ཤེས་པ་ཉིད་བདེན་པའོ། །དེ་ལ་གནས་པའི་བདེན་པའི་ངག་
D129.055.0205a04.01གང་ཡིན་པ་དེ་བྱིན་གྱིས་བརླབས་ཏེ། དེ་ནི་བདེན་པའི་བྱིན་གྱི་རླབས་ཞེས་བྱའོ། །གང་མཉམ་པ་ཉིད་ཀྱི་ཚུལ་གྱིས་གང་གཟུགས་ལ་འཛིན་པ་མེད་པ་དང་། མཆོག་ཏུ་འཛིན་པ་མེད་པ་དང་གཏོང་བ་དང་དོར་བ་དེ་ནི་གཏོང་བའི་བྱིན་གྱི་རླབས་ཞེས་བྱའོ། །གང་གཟུགས་ལ་བླང་བ་མེད་པ་དང་
D129.055.0205a05.01དོར་བ་མེད་པ་ཤེས་པ་དེ་ནི་གཡོ་བ་དང་འགུལ་བ་ཐམས་ཅད་ཞི་བའོ། །བྱིན་གྱི་རླབས་ཞེས་བྱ་བ་ནི་ཞི་བ་དེ་ལ་གནས་ནས་ཀུན་ནས་ཉོན་མོངས་པ་ནི་རྣམ་པར་བྱང་བར་བྱིན་གྱིས་རློབ་པ་དང་། རྣམ་པར་བྱང་བ་ནི་ཀུན་ནས་ཉོན་མོངས་པར་བྱིན་གྱིས་རློབ་པ་དང་ཞི་བ་དེ་ལ་གནས་ནས་སྤྱོད་ལམ་ཀུན་ཏུ་
D129.055.0205a06.01བསྟན་པས་ཚངས་པ་ཉེ་བར་ཞི་བའི་སྤྱོད་ལམ་ཅན་རྣམས་ཀྱང་འདོད་པ་སྐྱེད་པ་དང་ལག་ན་རྡོ་རྗེའི་གཟུགས་ཀུན་ཏུ་བསྟན་པས་མ་ཞི་བའི་སྤྱོད་ལམ་ཅན་རྣམས་སམ། བདུད་ཐམས་ཅད་ཀྱང་ཉེ་བར་ཞི་བའི་བྱིན་གྱི་རླབས་ལ་མོས་པར་བྱེད་པའོ། །ཉེ་བར་ཞི་བའི་བྱིན་གྱི་རླབས་ནི་བྱིས་པ་
D129.055.0205a07.01