完整藏文原文 · 德格版页 当前仅加载第 55 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
རེག་པ་འདུས་པ་ལས་བྱུང་བའོ། །རེག་པ་ལས་སྐྱེས་པ་ནི་ཚོར་བའོ་ཞེས་གསུངས་ན། དེ་བཞིན་གཤེགས་པ་ནི་ཆུའི་ཆུ་བུར་ལྟ་བུ་མ་ཡིན། ངན་པ་མ་ཡིན། རྟེན་ཅིང་འབྲེལ་པར་འབྱུང་བ་མ་ཡིན། དེ་བཞིན་གཤེགས་པ་ནི་རེག་པ་ལས་སྐྱེས་པ་མ་ཡིན། རིག་པ་
D129.055.0188a01.01འདུས་པ་ལས་བྱུང་བ་མ་ཡིན། ཚོར་བ་ཇི་ལྟ་བ་བཞིན་དུ་རེག་པ་ལས་སྐྱེས་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་ཚོར་བ་ཐམས་ཅད་འགོག་པའི་ཏིང་ངེ་འཛིན་ལ་སྙོམས་པར་ཞུགས་པ་སྟེ། ཚོར་བ་དང་བྲལ་བ། ཚོར་བ་ཐམས་ཅད་ཀྱི་མཆོག་བརྙེས་པ།
D129.055.0188a02.01གདུང་བ་ཐམས་ཅད་ཤིན་ཏུ་སྦྱངས་པ། ཉོན་མོངས་པ་དང་གཙེ་བ་དང་གནོད་པ་ཐམས་ཅད་སྤངས་པ། མ་བཅིངས་པ། མ་གྲོལ་བ། ཡོངས་སུ་མྱ་ངན་ལས་མ་འདས་པ། མྱ་ངན་ལས་འདས་པའི་དབྱིངས་རྙོག་པ་མེད་པའོ། །དེ་བཞིན་གཤེགས་པ་ནི་མ་སྐྱེས་པ། རྣམ་པར་མི་རྟོག་པ་
D129.055.0188a03.01མི་མཐོང་བ། མི་ཐོས་པ་བསྣམ་དུ་མེད་པ། མྱང་དུ་མེད་པ། རིག་པར་བྱར་མེད་པ། མཚན་མར་མེད་པ། རྣམ་པར་མི་རེག་པ། རྣམ་པར་ཤེས་པར་བྱ་བ་མ་ཡིན་པའོ་སྙམ་མོ། །དེས་དེ་ལྟར་སོ་སོར་བརྟགས་ན་ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ་ཡང་མ་ཡིན་
D129.055.0188a04.01ནོ། །དེ་ཅིའི་ཕྱིར་ཞེ་ན། གལ་ཏེ་ཚོར་བ་ལས་གཞན་ཞིག་དེ་བཞིན་གཤེགས་པར་འགྱུར་ན་ནི། རྩྭ་དང་ཤིང་གེལ་པ་དང་། སྨན་དང་འཁྲི་ཤིང་དང་། ནགས་ཚལ་ཐམས་ཅད་ཀྱང་དེ་བཞིན་གཤེགས་པར་འགྱུར་རོ། །དེ་ཅིའི་ཕྱིར་ཞེ་ན། རྩྭ་དང་ཤིང་གེལ་པ་དང་། སྨན་དང་འཁྲི་ཤིང་
D129.055.0188a05.01འཛིངས་པ་དང་། ནགས་ཚལ་ཐམས་ཅད་ནི་ཚོར་བ་མེད་པའོ་སྙམ་མོ། །དེ་འདི་ལྟར་སོ་སོར་རྟོག་སྟེ། གལ་ཏེ་ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ་ཡང་མ་ཡིན་ན། ཅི་འདུ་ཤེས་དེ་བཞིན་གཤེགས་པའམ། འོན་ཏེ་འདུ་ཤེས་ལས་གཞན་པ་ཞིག་གམ་སྙམ་
D129.055.0188a06.01མོ། །དེ་འདི་ལྟར་སོ་སོར་རྟོག་སྟེ། འདུ་ཤེས་དེ་བཞིན་གཤེགས་པ་མ་ཡིན། འདུ་ཤེས་ལས་གཞན་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། འདུ་ཤེས་ནི་སྨིག་རྒྱུ་ལྟ་བུ། མིག་དང་གཟུགས་དང་སྣང་བ་དང་། ཡིད་ལ་བྱེད་པ་འདུས་པ་ལས་ངེས་པར་བྱུང་བའོ། །དེ་བཞིན་གཤེགས་
D129.055.0188a07.01