完整藏文原文 · 德格版页 当前仅加载第 55 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
འཇམ་དཔལ་བྱང་ཆུབ་སེམས་དཔའ་གང་ལ་ལ་ཏིང་ངེ་འཛིན་འདི་ལ་དད་དེ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་སངས་རྒྱས་བཅོམ་ལྡན་འདས་རྣམས་ལ་བདེ་བར་སྦྱར་བ་ཐམས་ཅད་ཀྱི་བསྙེན་བཀུར་བྱས་པ་བས་བྱང་ཆུབ་
D129.055.0207a01.01སེམས་དཔའ་གཞན་གང་ཏིང་ངེ་འཛིན་འདི་ལ་མཆོག་ཏུ་འཇུག་ན་དེ་དེ་བས་བསོད་ནམས་ཆེས་གྲངས་མེད་པར་སྐྱེད་དོ། །འཇམ་དཔལ་བྱང་ཆུབ་སེམས་དཔའ་གང་ལ་ལ་ཞིག་གིས་བསྐལ་པ་ཁྲིར་དཀོན་མཆོག་གསུམ་ལ་དབུལ་བ་ཕུལ་བ་བས་བྱང་ཆུབ་སེམས་དཔའ་གཞན་གང་གིས་རབ་ཏུ་ཞི་བ་
D129.055.0207a02.01རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་འདིའི་མིང་ཐོས་ཏེ། ཐོས་ནས་ཀྱང་ཐ་ན་ཡུད་ཙམ་ཞིག་ཉན་འདོད་པར་གྱུར་ན་དེ་དེ་བས་སངས་རྒྱས་ཀྱི་ཡེ་ཤེས་ཐོབ་པར་བྱེད་པའི་བསོད་ནམས་ཆེས་གྲངས་མེད་པར་སྐྱེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་
D129.055.0207a03.01དག་བཀའ་སྩལ་ཏོ། །དྲན་པ་ལྡན་ཞིང་བློ་གྲོས་ལྡན། །ཤེས་རབ་ལྡན་པ་མི་འཇིགས་པ། །དེ་ནི་ཚེ་རབས་ཐམས་ཅད་དུ། །བྱང་ཆུབ་སྤྱད་པ་སྤྱོད་པར་འགྱུར། །སངས་རྒྱས་འབྱུང་བ་རབ་མཛེས་པ། །སྐད་ཅིག་གཅིག་ལ་མཉེས་བྱེད་ན། །གང་དག་ངས་ནི་སྔོན་བཤད་པ། །མི་ཁོམ་
D129.055.0207a04.01བརྒྱད་རྣམས་རྣམ་པར་སྤོང་། །གཟུགས་དང་ཁ་དོག་ཕུན་སུམ་ཚོགས། །མཚན་རྣམས་ཀྱིས་ཀྱང་ལེགས་པར་བརྒྱན། །མཐུ་སྟོབས་དང་ཡང་རབ་ཏུ་ལྡན། །ལེ་ལོ་འདོད་པར་ཡོད་མི་འགྱུར། །སྐྱིད་ཅིང་ནོར་ཡང་ཆེན་པོར་འགྱུར། །བསོད་ནམས་ལྡན་ཞིང་རྫུ་འཕྲུལ་ཆེ། །འཇིག་རྟེན་
D129.055.0207a05.01སྣང་བྱེད་མཐོང་ནས་ཀྱང་། །ཕྱི་ཕྱིར་ཞིང་ནི་མཆོད་པ་བྱེད། །བདག་མེད་སྟོང་པ་ཐོས་ནས་ཀྱང་། །དེ་ནི་ཆོས་ལ་མི་རྨོངས་ཏེ། །ཆོས་རྣམས་ཇི་བཞིན་མཁས་པ་ནི། །དད་པ་མྱུར་དུ་རབ་ཏུ་ཐོབ། །རིགས་ཀྱི་མཆོག་དང་མོད་པ་དང་། །སྐྱིད་པ་དག་ཏུ་སྐྱེ་བར་འགྱུར། །སྦྱིན་པའི་
D129.055.0207a06.01བདག་པོ་དཔའ་བོར་འགྱུར། །སེར་སྣ་མེད་ཅིང་ལྷུག་པར་གཏོང་། །གང་དག་ལ་ལ་འཛམ་གླིང་དུ། །ཁྱད་པར་འཕགས་པ་མཛེས་པར་རིགས། །དེར་ནི་བརྟེན་པ་སྐྱེས་པ་དང་། །སྨད་པའི་འགྲོ་བར་མ་ཡིན་དང་། །སྐྱེ་བ་ཀུན་ཏུ་འདི་ལྟ་བུར། །ཁྱིམ་བདག་དབང་ཆེར་
D129.055.0207a07.01