完整藏文原文 · 德格版页 当前仅加载第 55 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོགས་པ་སྲིད་དུ་འདུ་བྱེད་ཐམས་ཅད་ནི་མི་རྟག་པའོ། །འདུ་བྱེད་ཐམས་ཅད་ནི་སྡུག་བསྔལ་བའོ། །འདུ་བྱེད་ཐམས་ཅད་ནི་སྟོང་པའོ། །འདུ་བྱེད་ཐམས་ཅད་ནི་བདག་མེད་པའོ། །སྙམ་དུ་དཔྱོད་ན་དེ་དེ་བས་བསོད་ནམས་ཆེས་གྲངས་མེད་པར་སྐྱེད་དོ། །ཆོས་ཀྱི་རྣམ་གྲངས་འདི་བཤད་
D129.055.0209b01.01པ་ན་ལྷའི་བུ་བརྒྱད་སྟོང་ནི་བྱང་ཆུབ་ཏུ་སེམས་བསྐྱེད་དོ། །དགེ་སློང་མ་ལྔ་བརྒྱ་ནི་ཐེག་པ་གཅིག་ཏུ་ཡང་དག་པར་འདུ་བའི་ཏིང་ངེ་འཛིན་ཐོབ་བོ། །བྱང་ཆུབ་སེམས་དཔའ་སྟོང་ཉིས་བརྒྱ་ནི་མི་སྐྱེ་བའི་ཆོས་ལ་བཟོད་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་
D129.055.0209b02.01རྣམ་པ་དྲུག་ཏུ་རབ་ཏུ་གཡོས་སོ། །ཆོས་ཀྱི་རྣམ་གྲངས་འདི་དང་བཅོམ་ལྡན་འདས་ཤཱཀྱ་ཐུབ་པ་ལ་མཆོད་པའི་ལས་ཀྱི་ཕྱིར་སྟེང་གི་བར་སྣང་ལས་ལྷའི་མེ་ཏོག་ཨུད་པ་ལ་དང་པད་མ་དང་ཀུ་མུ་ད་དང་པད་མ་དཀར་པོ་རྣམས་ཀྱི་ཆར་ཆེན་པོ་ཡང་རབ་ཏུ་བབ་བོ། །ཙན་དན་སྦྲུལ་གྱི་སྙིང་པོའི་
D129.055.0209b03.01སྤོས་ཀྱི་ཆར་ཆེན་པོ་ཡང་མངོན་པར་རབ་ཏུ་བབ་བོ། །གོས་ཀྱི་ཆར་དང་རིན་པོ་ཆེའི་ཆར་དང་རྒྱན་གྱི་ཆར་ཆེན་པོ་ཡང་རབ་ཏུ་བབ་བོ། །འཇིག་རྟེན་གྱི་ཁམས་གྲངས་མེད་བརྗོད་དུ་མེད་པའི་རྡུལ་ཕྲ་རབ་ཀྱི་རྡུལ་སྙེད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་དེའི་ཚེ། བྱང་
D129.055.0209b04.01ཆུབ་སེམས་དཔའ་སེམས་དཔའ་ཆེན་པོ་རེ་རེས་ཀྱང་ཕྱོགས་བཅུའི་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་ཀྱི་ལག་པ་མངོན་པར་སྤྲུལ་ཏེ། ལག་པ་རེ་རེས་ཀྱང་ལྷའི་འཇིག་རྟེན་གྱི་ཁམས་ཀྱི་ཚད་ཙམ་གྲངས་མེད་བསམ་གྱིས་མི་ཁྱབ་མཚུངས་པ་མེད། གཞལ་དུ་མེད་པའི་
D129.055.0209b05.01གདུགས་ཀྱི་སྤྲིན་དང་། རྒྱལ་མཚན་གྱི་སྤྲིན་དང་། བ་དན་གྱི་སྤྲིན་དང་། མེ་ཏོག་གི་སྤྲིན་དང་། ཙན་དན་སྦྲུལ་གྱི་སྙིང་པོའི་སྤྲིན་དང་། རྒྱན་གྱི་སྤྲིན་དང་། སེང་གེའི་རྒྱལ་མཚན་ཟླ་བའི་སྤྲིན་དང་། ནོར་བུ་རིན་པོ་ཆེ་སྣང་བ་ཐམས་ཅད་བསགས་པའི་སྤྲིན་དང་། ནོར་བུ་རིན་པོ་ཆེ་དབང་
D129.055.0209b06.01གི་རྒྱལ་པོའི་སྤྲིན་རྣམས་ཀྱིས་ཆོས་ཀྱི་རྣམ་གྲངས་འདི་ལ་མཆོད་དོ། །བཅོམ་ལྡན་འདས་ཤཱཀྱ་ཐུབ་པ་ལ་ཡང་གཏོར་ཅིང་མངོན་པར་གཏོར་ནས་ཚིག་འདི་སྐད་ཅེས་བཅོམ་ལྡན་འདས་ལེགས་པར་གསུངས་སོ། །བདེ་བར་གཤེགས་པས་ལེགས་པར་གསུངས་ཏེ། ཆོས་ཀྱི་རྣམ་གྲངས་འདི་འཇིག་
D129.055.0209b07.01